លោកជំទាវបណ្ឌិត ពេជ ចន្ទមុន្នី ហ៊ុនម៉ាណែត អញ្ជើញជាអធិបតីភាពក្នុងព្រឹត្តិការណ៍ដើរ “ដើម្បីសន្តិភាពយូរអង្វែង សម្រាប់យើងទាំងអស់គ្នា” ក្នុងយុទ្ធនាការអបអរសាទរខួបលើកទី១១៥ ទិវាអន្តរជាតិនារី ៨មីនា ឆ្នាំ២០២៦ ដែលពិធីដើរចាប់ផ្តើមពីមុខវត្តបទុមវតី ឆ្ពោះទៅ វត្តភ្នំ ក្នុងរាជធានីភ្នំពេញ ដោយមានអ្នកចូលរួមប្រមាណ ១៧០០នាក់ ។ ថ្លែងក្នុងពិធីបើកព្រឹត្តិការណ៍ដើរ ដើម្បីសន្តិភាពយូរអង្វែងនេះ លោកជំទាវបណ្ឌិត បានមានប្រសាសន៍ថា សម្រាប់ម្តាយម្នាក់ សន្តិភាពគឺនៅពេលដែលម្តាយឱបកូនដោយគ្មានការភ័យខ្លាច គ្មានការរត់ចាកចេញពីលំនៅឋាន ព្រោះថាមានតែលំនៅឋាននេះហើយដែលជាទីសុខសាន្តសម្រាប់យើងទាំងអស់គ្នា។ សម្រាប់ក្មេងស្រីម្នាក់វិញ សន្តិភាពគឺជាការជឿជាក់ក្នុងការអភិវឌ្ឍខ្លួន ការចូលរួមដោយគ្មានការរើសអើង ហើយជាការទទួលបាននូវការផ្តល់កតិ្តយសប្រកបដោយក្តីសង្ឃឹម។ សម្រាប់គ្រួសារ សន្តិសុខគឺជាបរិយាកាសប្រកបដោយភាពសុខុដុមរមនា ការជួយគាំទ្រគ្នាទៅវិញទៅមក និងជាស្ថេរភាពភាពដែលអនុញ្ញាតឱ្យកូនៗរីកលូតលាស់ទៅជាពលរដ្ឋល្អសម្រាប់សង្គមជាតិ។ សូមបញ្ជាក់ផងដែរថា កម្ពុជា ជាប្រទេសមាតាធិបតេយ្យ ដែលឱ្យតម្លៃស្ត្រីជាធំ និងបានចូលរួមអបអរសាទរទិវាអន្តរជាតិនារី ចាប់តាំងពីឆ្នាំ១៩៧៧ ក្នុងគោលបំណងគោរពដល់ការតស៊ូរបស់ស្ត្រីក្នុងការទាមទារសិទ្ធិ សេរីភាព និងសមភាព។ ជាលទ្ធផលគួរជាទីមោទកៈ ក្នុងទិដ្ឋភាពតំបន់និងសាកល កម្ពុជាទទួលបានចំណាត់ថ្នាក់លេខ១៣ ក្នុងចំណោម ១១៨ប្រទេស និងលេខ ២ ក្នុងតំបន់អាស៊ាន ក្នុងនាមជាប្រទេសដែលបានបញ្ជូនកងរក្សាសន្តិភាពស្ត្រី។ បន្ថែមពីលើនេះ កម្ពុជាបានក្លាយជាអ្នកនាំមុខក្នុងតំបន់ ក្នុងការលើកកម្ពស់អនុវត្តរបៀបវារៈ […]

ពោធិ៍សាត់៖ ឯកឧត្ដម ខូយ រីដា អភិបាល នៃគណៈអភិបាលខេត្តពោធិ៍សាត់ រសៀលថ្ងៃទី១១ ខែមីនា ឆ្នាំ២០២៦ នៅសាលប្រជុំសាលាខេត្ត បានអញ្ជេីញទទួលជួបសម្ដែងការគួរសម ជាមួយប្រតិភូសមាគមសហគ្រិនវ័យក្មេងកម្ពុជា ដែលដឹកនាំដោយ លោកឧកញ៉ា ឡាយ គីមសួរ អនុប្រធានសមាគមសហគ្រិនវ័យក្មេងកម្ពុជា ដើម្បីពិភាក្សាការងារ និងរាយការណ៍អំពីវឌ្ឍនភាពនៃ “សៀវភៅមគ្គុទេសក៍វិនិយោគខេត្ដពោធិ៍សាត់” របស់សមាគមសហគ្រិនវ័យក្មេងកម្ពុជាសាខាខេត្ដពោធិ៍សាត់។ ប្រភព៖ រដ្ឋបាលខេត្តបាត់ដំបង

បន្ទាយមានជ័យ៖ គណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តបន្ទាយមានជ័យ បានប្រារព្ធ ទិវាជាតិប្រយុទ្ធប្រឆាំងអំពើជួញដូរមនុស្ស ១២ ធ្នូ ឆ្នាំ២០២៦ លើកទី១៩ ក្រោមប្រធានបទ «យើងរួមគ្នាដើម្បីកម្ពុជាគ្មានអំពើជួញដូរមនុស្ស និងអំពើឆបោកតាមអនឡាញ»។ ទិវាជាតិប្រយុទ្ធប្រឆាំងអំពើជួញដូរមនុស្ស បានប្រារព្ធធ្វើឡើងក្រោមអធិបតីភាព ឯកឧត្ដម អ៊ុំ រាត្រី អភិបាល នៃគណៈអភិបាលខេត្ត និងជាប្រធានគណៈកម្មាធិការប្រយុទ្ធប្រឆាំងអំពើជួញដូរមនុស្សខេត្តបន្ទាយមានជ័យ និងលោកជំទាវ ឯកឧត្តម ប្លែក វ៉ារី ប្រធានក្រុមប្រឹក្សាខេត្ត ដែលមានអ្នកចូលរួមប្រមាណ៧០០នាក់ នៅសាលប្រជុំ (ធំ) សាលាខេត្តបន្ទាយមានជ័យ នារសៀលថ្ងៃទី១១ ខែមីនា ឆ្នាំ២០២៦។ ជាកិច្ចចាប់ផ្ដើម លោកស្រី រស់ សុផានី អភិបាលរងខេត្តបន្ទាយមានជ័យ និងជាអនុប្រធានអចិន្ត្រៃយ៍ គណៈកម្មាធិការខេត្តប្រយុទ្ធប្រឆាំងអំពើជួញដូរមនុស្ស បានរាយការណ៍សង្ខេបពីរាយការណ៍ ក្នុងរយៈពេល១២ខែ ឆ្នាំ២០២៥ កន្លងនេះ ស្នងការដ្ឋាននគរបាលខេត្ត បានបង្ក្រាបបទល្មើសពាក់ព័ន្ធនឹងច្បាប់ ស្តីពី ការបង្ក្រាបអំពើជួញដូរមនុស្ស និងអំពើធ្វើអាជីវកម្មផ្លូវភេទ បានចំនួន៨៤/៣៨ករណី (កើន៤៦ករណី) ដោយបានឃាត់ខ្លួនជនសង្ស័យបញ្ជូនទៅសាលាដំបូងខេត្តចំនួន ១៧៧នាក់។ ដើម្បីចូលរួមពង្រឹងប្រសិទ្ធភាព នៃសកម្មភាពប្រយុទ្ធប្រឆាំងអំពើជួញដូរមនុស្សនៅកម្ពុជា និងដើម្បីបង្ហាញពីការបញ្ជាក់ឡើងវិញ នូវការប្តេជ្ញាចិត្តខ្ពស់របស់រាជរដ្ឋាភិបាល […]

ប៉ៃលិន៖ នារសៀលថ្ងៃទី១១ ខែមីនា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិនបានដឹកនាំកិច្ចប្រជុំត្រៀមរៀបចំព្រឹត្តិការណ៍សង្ក្រាន្តប៉ៃលិន ក្នុងឱកាសបុណ្យចូលឆ្នាំថ្មីប្រពៃណីជាតិខ្មែរ ឆ្នាំមមី អដ្ឋស័កព.ស ២៥៦៩ គ.ស ២០២៦ ដើម្បីចូលរួមអបអរសាទរទទួលទេវតាឆ្នាំថ្មីព្រះនាម «រាក្សសាទេវី» ក៏ដូចជាការចូលរួមចំណែកលើកកម្ពស់វប្បធម៌ប្រពៃណីជាតិខ្មែរ។ លោកជំទាវបណ្ឌិត បាន ស្រីមុំ បានមានប្រសាសន៍លើកឡើងថា៖ ដោយមានការណែនាំដ៏ខ្ពង់ខ្ពស់របស់សម្តេចមហាបវរធិបតី ហ៊ុនម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា ក្នុងឱកាសអបអរសាទរពិធីបុណ្យចូលឆ្នាំថ្មី ប្រពៃណីជាតិខ្មែរ នឹងឈានចូលមកដល់ នាពេលខាងមុខឆាប់នេះ រដ្ឋបាលខេត្ត គ្រោងនឹងរៀបចំព្រឹត្តិការណ៍សង្ក្រាន្តប៉ៃលិន ដើម្បីបង្កភាពសប្បាយរីករាយ ជូនដល់ប្រជាពលរដ្ឋ និងភ្ញៀវទេសចរណ៍ មកលេងកំសាន្ត ដោយមានការរៀបចំនូវលេងល្បែងប្រជាប្រិយការប្រគុំតន្ត្រីសម័យនាពេលរាត្រី និងលេងកម្សាន្តសប្បាយក្រោមម្លប់សុខសន្តិភាព។ លោកជំទាវ បានមានប្រសាសន៍បញ្ជាក់ថា៖ ដើម្បីចូលរួមអបអរសាទរស្វាគមន៍ឆ្នាំថ្មី ប្រពៃណីជាតិខ្មែរ ដែលនឹងឈានមកដល់នាពេលខាងមុខនេះ រដ្ឋបាលខេត្តនឹងរៀបចំព្រឹត្តិការណ៍សង្ក្រាន្តប៉ៃលិន រយៈពេល ៤ថ្ងៃ ចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៦ នៅបរិវេណវិមានឯករាជ្យ និងសួនច្បារមុខ សាលាខេត្ត ព្រមទាំងរៀបចំនៅតាមទីតាំងរមណីយដ្ឋាន និងទីវត្តអារាមនានាក្នុងខេត្តប៉ៃលិនផងដែរ។ លោកជំទាវបណ្ឌិត […]

នៅព្រឹកថ្ងៃពុធ ទី១១ ខែមីនា ឆ្នាំ២០២៦ ឯកឧត្តម នៅ លក្ខណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម(គ.ប.ផ.ក.) បានអញ្ជើញចូលរួមក្នុងកិច្ចប្រជុំបន្តលើកទី១៥ របស់គណៈកម្មាធិការជាតិគ្រប់គ្រងកម្មសិទ្ធិបញ្ញា«គ.ក.ប.»។  កិច្ចប្រជុំនេះបានប្រព្រឹត្តទៅក្រោមអធិបតីភាពដ៏ខ្ពង់ខ្ពស់ លោកជំទាវ ចម និម្មល រដ្ឋមន្ត្រីក្រសួងពាណិជ្ជកម្ម និងជាប្រធានគណៈកម្មាធិការជាតិគ្រប់គ្រងកម្មសិទ្ធិបញ្ញា រួមទាំង ឯកឧត្តម លោកជំទាវ លោក លោកស្រី ជាអនុប្រធាន ជាសមាជិក និងមន្ត្រីពាក់ព័ន្ធ មកពីបណ្ដាក្រសួង ស្ថាប័នពាក់ព័ន្ធសរុបចំនួន៧៦រូប នៅបន្ទប់ប្រជុំ នាទីស្តីការក្រសួងពាណិជ្ជកម្ម៕

ទីស្ដីការក្រសួងមហាផ្ទៃ៖ នារសៀលថ្ងៃពុធ ទី១១ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានអញ្ជើញដឹកនាំកិច្ចប្រជុំស្តីពីការពិនិត្យវឌ្ឍនភាពនៃការកសាងប្រព័ន្ធបច្ចេកវិទ្យា​ Hotline ដោយមានការអញ្ជេីញចូលរួមពី​ លោក​ អគ្គនាយករង​ ប្រធាន-អនុប្រធាន​នាយកដ្ឋាន​ នាយ-នាយរងការិយាល័យ​ ព្រមទាំង​លោក​ លោកស្រីជាមន្ត្រីជំនាញពាក់ព័ន្ធជាច្រេីនរូបទៀតផងដែរ​។ ជាកិច្ចចាប់ផ្តេីម ឯកឧត្តម ឧត្តមសេនីយ៍ឯក អគ្គនាយក បានមានមតិស្វាគមន៍​ និងបានលេីកឡេីងថាការកសាងប្រព័ន្ធបច្ចេកវិទ្យា Hotline ពិតជាមានសារ:សំខាន់ណាស់ ដេីម្បីធានាបាន ប្រសិទ្ធភាពខ្ពស់ក្នុងការគ្រប់គ្រងបទល្មេីស​ ងាយស្រួលទប់ស្កាត់បទល្មេីស ព្រមទាំងថែរក្សាបាននូវសណ្តាប់ធ្នាប់សាធារណៈ សន្តិសុខ និងសុវត្ថិភាពសង្គមនៅកម្ពុជា។ ទន្ទឹមនេះ ឯកឧត្តម ឧត្តមសេនីយ៍ឯក អគ្គនាយក​ ក៏បានផ្តល់ការណែនាំតម្រង់ទិសដល់អង្គប្រជុំ ក្នុងការរៀបចំនូវស្តង់ដារប្រតិបត្តិការ ការងារ សម្រាប់​ដំណើរការកសាងប្រព័ន្ធបច្ចេកវិទ្យា​ Hotline ដើម្បីទទួល​បានលទ្ធផលកាន់តែល្អទាន់ពេលវេលា។ ក្នុងនោះដែរ​ លោក​ ឧត្តមសេនីយ៍​ត្រី​ ង៉ែត​ សុគន្ធារិទ្ធ​ ប្រធាន​នាយកដ្ឋាន​ ហេដ្ឋារចនាសម្ព័ន្ធ បច្ចេកវិទ្យាគមនាគមន៍ និងព័ត៌មាន បានធ្វេី […]

ខេត្តកោះកុង៖ ឯកឧត្តម ថុង ណារុង ប្រធានក្រុមប្រឹក្សាខេត្តកោះកុង និងលោកជំទាវ ឈី វ៉ា អភិបាល នៃគណៈអភិបាលខេត្ត បានអញ្ជើញជាអធិបតី អបអរសាទរ ពិធីសំណេះសំណាល ខួបលើកទី១១៥ ទិវាអន្តរជាតិនារី ៨ មីនា ឆ្នាំ២០២៦ ក្រោមប្រធានបទ“សន្តិភាព និងសន្តិសុខសម្រាប់ស្ត្រី និងគ្រួសារ” នាថ្ងៃទី១១ ខែមីនា ឆ្នាំ២០២៦។ ក្នុងឱកាសនោះ លោកជំទាវអភិបាលខេត្ត បានអានសារលិខិតរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា ក្នុងឱកាសអបអរសាទរខួបលើកទី១១៥ ទិវាអន្តរជាតិនារី ៨ មីនា ឆ្នាំ២០២៦ ក្រោមប្រធានបទ «សន្តិភាព និងសន្តិសុខសម្រាប់ស្ត្រី និងគ្រួសារ» ជូនអង្គពិធីទាំងមូល។   នៅក្នុងពិធីប្រកបដោយអត្ថន័យនេះផងដែរ លោកជំទាវអភិបាលខេត្ត បានគូសបញ្ជាក់ពីតម្លៃមិនអាចកាត់ថ្លៃបានរបស់ស្ត្រី ដែលជា ឆ្អឹងខ្នងនៃសេដ្ឋកិច្ច និងសង្គមជាតិ។ លោកជំទាវបាន អំពាវនាវដល់គ្រប់ស្ថាប័នជុំវិញខេត្ត ឱ្យបន្តជំរុញសមភាព យេនឌ័រ តាមរយៈការផ្តល់ឱកាសដល់ស្ត្រីក្នុងតួនាទីដឹកនាំ និងការសម្រេចចិត្តយ៉ាងពេញលេញ ។ […]

នាថ្ងៃពុធ ទី១១ ខែមីនា ឆ្នាំ២០២៦ ឯកឧត្តម អង មង្គល និងឯកឧត្តម ជាម ហ៊ីម រដ្ឋលេខាធិការ ទទួលបន្ទុក អគ្គាធិការដ្ឋាន ក្រសួងមហាផ្ទៃ បានអញ្ជើញជាសហប្រធានដឹកនាំកិច្ចប្រជុំត្រួតពិនិត្យលើវឌ្ឍនភាពទទួលពាក្យបណ្តឹង និងដំណោះស្រាយប្រចាំសប្តាហ៍។ កិច្ចប្រជុំនេះប្រព្រឹត្តទៅនៅសាលប្រជុំ អគ្គាធិការដ្ឋាន ទីស្តីការក្រសួងមហាផ្ទៃ និងមានការអញ្ជើញចូលរួមពីឯកឧត្តម អនុរដ្ឋលេខាធិការ ឯកឧត្តម ឧត្តមសេនីយ៍ឯក ឯម វិចិត្រ អគ្គាធិការ នៃអគ្គាធិការដ្ឋាន អគ្គាធិការរង លោកប្រធាននាយកដ្ឋាន អនុប្រធាននាយកដ្ឋាន ព្រមទាំងមន្រ្តីរាជការពាក់ព័ន្ធ៕ ប្រភព៖ អគ្គាធិការដ្ឋាន

រសៀលថ្ងៃទី១១ ខែមីនា ឆ្នាំ២០២៦ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ  បានអញ្ជើញចុះពិនិត្យមើលការរៀបចំការិយាល័យ សម្រាប់ផ្តល់សេវាលិខិតឆ្លងដែន ជូនប្រជាពលរដ្ឋ នៅអគារ Diamond Plaza ក្នុងក្រុងព្រះសីហនុ ខេត្តព្រះសីហនុ។

នៅព្រឹកថ្ងៃទី ១១ ខែមីនា ឆ្នាំ២០២៦ ឯកឧត្តម សរ សុពុត្រា អភិបាល នៃគណៈអភិបាលខេត្តស្ទឹងត្រែង ដឹកនាំគណៈប្រតិភូចូលរួមកិច្ចប្រជុំ ស្តីពីកិច្ចសហប្រតិបត្តិការទ្វេរភាគី កម្ពុជា-ឡាវ ឡាវ-កម្ពុជា ជាផ្លូវការ លើកទី១៥ រវាងខេត្តស្ទឹងត្រែង និងខេត្តចំប៉ាសាក់ ។ ក្នុងនោះដែរ ភាគីទាំងពីរបានអបអរសាទរ និងសម្តែងការវាយតម្លៃខ្ពស់ចំពោះលទ្ធផល នៃដំណើរទស្សនកិច្ចជាផ្លូវការ របស់គណៈប្រតិភូជាន់ខ្ពស់ឡាវ ដឹកនាំដោយឯកឧត្តមបណ្ឌិត សនសៃ ស៊ីផាន់ដន នាយករដ្ឋមន្ត្រី នៃសាធារណរដ្ឋប្រជាធិបតេយ្យប្រជាមានិតឡាវ នាថ្ងៃទី៤-៥ ខែធ្នូ ឆ្នាំ២០២៥ នៅរាជធានីភ្នំពេញ តបតាមការអញ្ជើញរបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃព្រះរាជាណាចក្រកម្ពុជា។ ក្នុងពិធីចុះហត្ថលេខា លើកំណត់ហេតុរួមនៃកិច្ចប្រជុំនោះ ភាគីទាំងសងខាង បានបង្ហាញពីកិច្ចសហការណ៍ឱ្យបានស្អិតរមួត ពង្រឹងកិច្ចសហប្រតិបត្តិការយ៉ាងរឹងមាំ រវាងខេត្តទាំង២ បង្ក្រាបរាល់បទល្មើសឆ្លងដែនខុសច្បាប់ គ្រប់ប្រភេទ ក្នុងនោះមានការយកចិត្តទុកដាក់ខ្ពស់ លើអំពើ ភេរវកម្ម ការជួញដូរមនុស្សឆ្លងដែន បទល្មើសឆបោកតាមប្រព័ន្ធបច្ចេកវិទ្យា (Online Scams)។រក្សាប្រពៃណី ទំនៀមទំលាប់ និងវប្បធម៌ប្រវត្តិសាស្ត្រល្អ របស់ប្រជាជាតិទាំងពីរ ក៏ដូចជាខេត្តទាំងពីរឱ្យកាន់តែល្អប្រសើរឡើង […]

ភ្នំពេញ៖ រសៀលថ្ងៃទី១១ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ បានអនុញ្ញាតដល់ប្រតិភូ-ប្រតិភូរង ព្រមទាំងគ្រូបង្វឹក-គ្រូជំនួយ និងកីឡាករ-កីឡាការិនី នៃសមាគមកីឡាទោចក្រយានក្រសួងមហាផ្ទៃ ចូលជួបសំណេះសំណាល និងសម្តែងការគួរសម ក្រោយពីទទួលបានជ័យជម្នះពីការប្រកួតកីឡាទោចក្រយានជ្រើសរើសជើងឯកថ្នាក់ជាតិ ឆ្នាំ២០២៥។ នាឱកាសដ៏វិសេសវិសាលនោះ ឯកឧត្តមអគ្គលេខាធិការ បានសម្ដែងការអបអរសាទរដល់កីឡាករ-កីឡាការិនីជ័យលាភីទាំងអស់ ដែលបានដណ្ដើមមេដាយមេដាយជូនអង្គភាពប្រកបដោយមោទនភាព។ ហើយឯកឧត្តម ក៏បានចាត់ទុកលទ្ធផលទាំងអស់នេះ គឺពិតជាកើតចេញពីការខិតខំប្រឹងប្រែងរបស់កីឡាករ-កីឡាការិនីគ្រប់រូបក្រោមការយកចិត្តទុកដាក់ពីប្រតិភូ ប្រតិភូរងសមាគមកន្លងមក។ ឯកឧត្តមអគ្គលេខាធិការ បានបង្ហាញក្តីជឿជាក់យ៉ាងខ្លាំងដែរថា ល្គឹកណាអត្តពលិកទាំងអស់ បន្តដុសខាត់សមត្ថភាពបន្ថែម នោះជោគជ័យនឹងបន្តកើតមាននាការប្រកួតលើកក្រោយទៀតជាមិនខាន។ ជាទីបញ្ចប់ ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ បានក្រើនរម្លឹកដល់ កីឡាករ-កីឡាការិនី នៃសមាគមកីឡាទោចក្រយានក្រសួងមហាផ្ទៃទាំងអស់ ត្រូវឱ្យបន្តយកចិត្តទុកដាក់ក្នុងការហ្វឹកហាត់ បំប៉នបច្ចេកទេស សមត្ថភាព គុណភាពរបស់ខ្លួន ជាពិសេសត្រូវថែរក្សាសុខភាពឱ្យបានល្អប្រសើរ ត្បិតសុខភាពគឺជារឿងចម្បងសម្រាប់ការឈានទៅសម្រេចគោលដៅនានាក្នុងការប្រកួតប្រជែងដណ្ដើមមេដាយនានា ជូនអង្គភាព និងជូនជាតិ នៅពេលខាងមុខ។ ឆ្លៀតក្នុងឱកាសនោះ ឯកឧត្តមអគ្គលេខាធិការ ក៏បានឧបត្ថម្ភថវិកាមួយចំនួន និងទឹកពិសាប្រណិត V-Active […]

បន្ទាយមានជ័យ ៖ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ បានណែនាំដល់ស្នងការថ្មី នៃស្នងការដ្ឋាននគរបាលខេត្តបន្ទាយមានជ័យ លោកឧត្តមសេនីយ៍ត្រី សឿម សារិទ្ធ ត្រូវរក្សាសាមគ្គីផ្ទៃក្នុងអង្គភាព ពង្រឹងរបៀបរបបនៃការធ្វើការងារ និងបង្ការ ទប់ស្កាត់បទល្មើសគ្រប់ប្រភេទពិសេស Online Scam និងការគ្រប់គ្រងជនបរទេស អនុវត្តតាមបទបញ្ជារបស់រាជរដ្ឋាភិបាល ដើម្បីធានាសន្ដិសុខ សណ្ដាប់ធ្នាប់ និងសុវត្ថិភាពជូនប្រជាពលរដ្ឋក្នុងខេត្តបន្ទាយមានជ័យឱ្យបានល្អប្រសើរ។ ការណែនាំរបស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ធ្វើឡើងនៅព្រឹកថ្ងៃទី១១ ខែមីនា ឆ្នាំ២០២៦នេះ ក្នុងឱកាសអញ្ជើញជាតំណាងដ៏ខ្ពង់ខ្ពស់ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ ក្នុងពិធីប្រកាសផ្ទេរភារកិច្ច និងតែងតាំងមុខតំណែងស្នងការ នៃស្នងការដ្ឋាននគរបាលខេត្តបន្ទាយមានជ័យ នៅសាលាខេត្តបន្ទាយមានជ័យ។ ថ្លែងក្នុងឱកាសនោះ ឯកឧត្តម នាយឧត្តមសេនីយ៍ ស ថេត បាននាំនូវការផ្តាំផ្ញើសាកសួរសុខទុក្ខពីសំណាក់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ដ្រីនៃកម្ពុជា និងឯកឧត្តមអភិសន្តិបណ្ឌិត ស សុខា […]

ខេត្តកណ្តាល៖ ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល បានជំរុញ និងលើទឹកចិត្ត ដល់មន្ត្រីជំនាញនៅស្រុក និងភូមិ-ឃុំ ក្រោយពីបញ្ចប់ការចែកប័ណ្ណកម្មសិទ្ធិដីធ្លី ដែលមានលក្ខណៈជាប្រព័ន្ធជូនប្រជាពលរដ្ឋរួចហើយ សូមសហការគ្នា ធ្វើស្រាវជ្រាវចំនួនក្បាលដីមិនទាន់មានប័ណ្ណដោយសារមានទំនាស់ទាំងអស់ក្នុងមូលដ្ឋានរបស់ខ្លួន ហើយធ្វើការបូកសរុបឱ្យបានច្បាស់លាស់ ដើម្បីរួមគ្នាសម្របសម្រួលដោះស្រាយឱ្យអស់លទ្ធភាព សំដៅធ្វើឱ្យបញ្ហាដីធ្លីកាន់តែតិចទៅៗ ស្របទៅតាមគោលនយោបាយរបស់រាជរដ្ឋាភិបាល ក្រោមការដឹកនាំរបស់សម្តេចធិបតី ហ៊ុន ម៉ាណែត ជានាយករដ្ឋមន្រ្តី នៃព្រះរាជាណាចក្រកម្ពុជា ដែលបាន និងកំពុងអនុវត្តយ៉ាងសកម្មលើគោលនយោបាយដីធ្លី ជូនដល់ប្រជាពលរដ្ឋ ដើម្បីផលប្រយោជន៍របស់ប្រជាពលរដ្ឋយ៉ាងពិតប្រាកដ ធ្វើឱ្យដីធ្លីមានសុវត្ថិភាព និងកាត់បន្ថយវិវាទដីធ្លី។ មានប្រសាសន៍បែបនេះនាឱកាស ឯកឧត្តម នូ សាខន ប្រធានក្រុមប្រឹក្សាខេត្ត និងឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល បានអញ្ជើញជាអធិបរីចែកប័ណ្ណកម្មសិទ្ធិដីធ្លី ឬវិញ្ញាបនបត្រសម្គាល់ម្ចាស់អចលនវត្ថុចំនួន ២០,៦១៥ប័ណ្ណ ត្រូវបានអាជ្ញាធរខេត្តកណ្ដាល និងមន្ទីរជំនាញចែកជូនប្រជាពលរដ្ឋចំនួន ២៣ភូមិ ក្នុងឃុំទួលព្រេជ ស្រុកអង្គស្នួល នាព្រឹកថ្ងៃទី១១ ខែមីនា ឆ្នាំ២០២៦ នៅក្នុងបរិវេណវត្តឱង្ការ ស្ថិតនៅក្នុងភូមិថ្មី ឃុំទួលព្រេជ។ ថ្លែងក្នុងពិធីនេះ ឯកឧត្តម គួច […]

ខេត្តក្រចេះ៖​ ឯកឧត្តម វ៉ា ថន អភិបាល នៃគណៈអភិបាលខេត្ត និងជាប្រធានគណៈបញ្ជាការឯកភាពខេត្ត បានជរុញការផ្សព្វផ្សាយពីបញ្ហាគ្រោះអគី្គភ័យ ដែលអាចកើតឡើងពីការទិញប្រេងឥន្ទនៈស្តុបទុក ទៅក្នុងគោលនយោបាយភូមិឃុំសង្កាត់មានសុត្ថិភាព ។ ការជំរុញបែបនេះធ្វើឡើង នាឱកាសដែរឯកឧត្តម វ៉ា ថន អភិបាលខេត្ត និងជាប្រធានគណៈបញ្ជាការឯកភាពខេត្ត អញ្ជើញជាអធិបតីក្នុងកិច្ចប្រជុំបូកសរុបលទ្ធផលការងារប្រចាំខែកុម្ភៈ និងលើកទិសដៅបន្ត របស់រដ្ឋបាលខេត្តក្រចេះ នៅសាលប្រជុំកាំពីសាលាខេត្ត នាព្រឹកថ្ងៃពុធ ទី១១ ខែមីនា ឆ្នាំ២០២៦ ។ ឯកឧត្តម វ៉ា ថន ក៏បានជរុញដល់អាជ្ញាធរក្រុងស្រុក បន្តពិនិត្យតម្លៃប្រេងឥន្ទនៈ ដែលដាក់លក់ប្រចាំថ្ងៃ ដើម្បីបញ្ចៀសការលក់តម្លៃលើសហួសពីការកំណត់ -បន្តពិនិត្យស្ថានភាពរស់នៅរបស់ប្រជាពលរដ្ឋខ្វះខាត ដើម្បីដាក់ផែនការចុះបន្តអន្តរាគមន៍ចែកជូនឱ្យទាន់ស្ថានភាព រួមនិងការពន្យល់ណែនាំអំពីការផ្តល់ជូន និងការយកចិត្តទុកដាក់ពីសំណាក់អាជ្ញាធរ -ត្រូវពិនិត្យ និងរៀបចំគុណភាព សុវត្ថិភាពចំណីអាហារ ក្នុងវិស័យទេសចរណ៍ ដោយមន្ទីរទេសចរណ៍ត្រូវចុះផ្សព្វផ្សាយណែនាំចេញសេចក្តីជូនដំណឹងដល់ម្ចាស់អាជីវកម្មទាំងអស់ដើម្បីរៀបចំទីតាំងឱ្យបានសមរម្យ និងមានសណ្តាប់ធ្នាប់ អនាម័យ ពិសេសនៅតំបន់រមណីយដ្ឋានទេសចរណ៍នានា ឱ្យបានមុនព្រឹត្តិការបុណ្យទន្លេ -ជម្រុញចលនាភូមិ១ផលិតផល១ ឱ្យត្រៀមយកមកដាក់តាំងលក់នៅក្នុងតាមបណ្តាស្តង់ ក្នុងព្រឹត្តិបុណ្យទន្លេ ដើម្បីជាឱកាសផ្សព្វផ្សាយឱ្យបានទូលំទូលាយ ។ ឯកឧត្តម វ៉ា ថន បន្តថា៖ […]

(កំពង់ចាម)៖ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម បានព្រមានទៅកាន់ម្ចាស់ស្ថានីយ និងដេប៉ូចែកចាយប្រេងឥន្ធនៈទូទាំងខេត្តកំពង់ចាម មិនឱ្យមានការស្តុកទុកប្រេងដើម្បីរង់ចាំលក់ក្នុងតម្លៃខ្ពស់ ដែលបង្កផលប៉ះពាល់ដល់ជីវភាពរបស់ប្រជាពលរដ្ឋ និងស្ថិរភាពសេដ្ឋកិច្ច។ ការថ្លែងបែបនេះ នាឱកាសដែល ឯកឧត្តម ខ្លូត ផន ប្រធានក្រុមប្រឹក្សាខេត្តកំពង់ចាម និងឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាមអញ្ជើញក្នុងកិច្ចប្រជុំសាមញ្ញលើកទី២២ អាណត្តិទី៤ របស់ក្រុមប្រឹក្សាខេត្តកំពង់ចាម នាព្រឹកថ្ងៃទី១១ ខែមីនា ឆ្នាំ២០២៦ ។ ឯកឧត្តម អភិបាលខេត្ត បានបញ្ជាក់ថា យោងតាមការចុះត្រួតពិនិត្យ និងតាមដានស្ថានភាពទីផ្សារ របស់មន្ត្រីជំនាញពាក់ព័ន្ធបានកត់សម្គាល់ឃើញថា មានករណីខ្លះម្ចាស់ស្ថានីយ បានព្យាយាមផ្អាកការលក់ជាបណ្តោះអាសន្ន ឬស្តុកទុកប្រេង នៅពេលដែលតម្លៃទីផ្សារពិភពលោកមានសន្ទុះឡើងថ្លៃ។ ជុំវិញបញ្ហានេះ ឯកឧត្តម អ៊ុន ចាន់ដា បានបញ្ជាក់យ៉ាងច្បាស់ថា ម្ចាស់អាជីវកម្មត្រូវលក់តាមតម្លៃកំណត់មានន័យថា រាល់ស្ថានីយទាំងអស់ត្រូវតែលក់ប្រេងឥន្ធនៈតាមតម្លៃសេចក្តីជូនដំណឹងដែលចេញដោយក្រសួងពាណិជ្ជកម្ម ។ ហាមឃាត់ការស្តុកទុកដោយខុសច្បាប់ ដូចជាការផ្អាកលក់ដោយគ្មានមូលហេតុបច្ចេកទេសត្រឹមត្រូវ ឬការលាក់ទុកប្រេងឥន្ធនៈដើម្បីរង់ចាំលក់ក្នុងតម្លៃខ្ពស់ គឺជាទង្វើខុសច្បាប់។ ឯកឧត្តមអភិបាលខេត្ត បន្តថា ករណីរកឃើញម្ចាស់អាជីវកម្មណាដែលបានប្រព្រឹត្តល្មើស នឹងត្រូវប្រឈមមុខនឹងវិធានការ ដោយការផាកពិន័យជាប្រាក់ទៅតាមទំហំនៃបទល្មើសដែលបានកំណត់ក្នុងច្បាប់ស្តីពីការគ្រប់គ្រងគុណភាព […]

លេខាធិការដ្ឋាន គ.ជ.អ.ប. ៖ ព្រឹកថ្ងៃពុធ ទី១១ ខែមីនា ឆ្នាំ២០២៦ ឯកឧត្តម នី គឹមសាន អនុប្រធានលេខាធិការដ្ឋាន គ.ជ.អ.ប. តំណាង ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. អញ្ជើញជាដឹកនាំកិច្ចប្រជុំពិភាក្សារវាងលេខាធិការដ្ឋាន គ.ជ.អ.ប. និងធនាគារអភិវឌ្ឍន៍អាស៊ី (ADB) ស្តីពីការវាយតម្លៃ និងពិនិត្យអំពីកិច្ចសហការរវាង ADB ជាមួយអង្គការសង្គមស៊ីវិល ដោយមានការអញ្ជើញចូលពីថ្នាក់ដឹកនាំនៃលេខាធិការដ្ឋាន គ.ជ.អ.ប. និងតំណាង ADB សរុបអ្នកចូលរួមប្រមាណ ៧រូប (ស្ត្រី១រូប)។ គោលបំណងកិច្ចប្រជុំនេះ គឺដើម្បីដាក់ឱ្យអនុវត្តនូវការវាយតម្លៃទូលំទូលាយអំពីការចូលរួមរបស់ ធនាគារអភិវឌ្ឍន៍អាស៊ី (ADB) ជាមួយសង្គមស៊ីវិល។ ការវាយតម្លៃនេះនឹងពិនិត្យអំពីកិច្ចសហការរវាង ADB ជាមួយអង្គការសង្គមស៊ីវិល ក្នុងបង្កើនប្រសិទ្ធភាពលើការអភិវឌ្ឍ និងបន្ស៊ីប្រតិបត្តិការរបស់ខ្លួនសមស្របទៅនឹងតម្រូវការរបស់សហគមន៍ ជាពិសេសសម្រាប់ក្រុមជនងាយរងគ្រោះ និងក្រុមជនដែលបាត់បង់ឱកាស៕

ទីស្តីការក្រសួងមហាផ្ទៃ៖ នាព្រឹកថ្ងៃពុធ ទី១១ ខែមីនា ឆ្នាំ២០២៦នេះ ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ បានអញ្ជើញដឹកនាំកិច្ចប្រជុំពិភាក្សាជាមួយអគ្គនាយកដ្ឋានអត្តសញ្ញាណកម្ម អំពីការរៀបចំយន្តការផ្តល់សេវាអត្តសញ្ញាណប័ណ្ណសញ្ជាតិខ្មែរនៅយន្តការច្រកចេញចូលតែមួយនៃរដ្ឋបាលថ្នាក់ក្រោមជាតិ និងការធ្វើសន្ធានកម្មទិន្នន័យរវាងកម្មវិធីព័ត៌មានវិទ្យាសម្រាប់គ្រប់គ្រង និងផ្តល់សេវារដ្ឋបាលតាមយន្តការច្រកចេញចូលតែមួយនៅរដ្ឋបាលថ្នាក់ក្រោមជាតិ ជាមួយនឹងប្រព័ន្ធគ្រប់គ្រងទិន្នន័យដែលគ្រប់គ្រងដោយអគ្គនាយកដ្ឋានអត្តសញ្ញាណកម្ម នៅទីស្តីក្រសួងមហាផ្ទៃ។ កិច្ចប្រជុំនេះមានការអញ្ជើញចូលរួមពី អគ្គនាយករង ប្រធាន -អនុប្រធាននាយកដ្ឋានមុខងារនិងធនធាន នៃអគ្គនាយកដ្ឋានរដ្ឋបាល និងតំណាងអគ្គនាយកដ្ឋានអត្តសញ្ញាណកម្ម ព្រមទាំងមន្រ្តីជំនាញជាច្រើនរូប។នៅក្នុងកិច្ចប្រជុំនោះដែរ ឯកឧត្តម សួស ប្រាថ្នា បានលើកឡើងចំណុចសំខាន់ៗចំនួន៤ ដែលជាប្រធានបទយកមកពិភាក្សា ដូចខាងក្រោម៖ ១- ពិនិត្យលទ្ធភាពនីតិវិធីផ្តល់សេវាអត្តសញ្ញាណប័ណ្ណសញ្ជាតិខ្មែរនៅតាមច្រកចេញចូលតែមួយ ២- សម្របសម្រួលការងារជាមួយអង្គភាព ឬក្រសួងពាក់ព័ន្ធ ៣- ពិនិត្យសន្ធានកម្មទិន្នន័យរវាងកម្មវិធីព័ត៌មានវិទ្យា ៤- កំណត់វិធានដើម្បីអនុវត្តជាក់ស្តែងនិងដើម្បីធានាឱ្យមានប្រសិទ្ធភាព ។ ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

មណ្ឌលគិរី៖ នាព្រឹកថ្ងៃពុធ ទី១១ ខែមីនា ឆ្នាំ២០២៦ នេះ នៅស្នងការដ្ឋាននគរបាលខេត្តមណ្ឌលគិរី បានរៀបចំពិធីអបអរសាទរខួបលើកទី១១៥ ទិវាអន្តរជាតិនារី ៨មីនា ក្រោមប្រធានបទ «សន្តិភាព និងសន្តិ សុខសម្រាប់ស្ត្រី និងគ្រួសារ» ឆ្នាំ២០២៦ ក្រោមអធិបតីយភាព លោកឧត្តមសេនីយ៍ទោ ឡោ សុខា ស្នង ការ នៃស្នងការដ្ឋាននគរបាលខេត្តមណ្ឌលគិរី។ ពិធីនេះដែរ ក៏មានការអញ្ជើញចូលរួមពី លោក លោកស្រីស្នងការរង លោក នាយការិយាល័យ និងមន្ត្រីនគរបាលជានារី ចំណុះស្នងការដ្ឋាននគរបាលខេត្តមណ្ឌលគិរីចំនួន១០៣ រូប។ ក្នុងនោះ លោកស្រីឧត្តមសេនីយ៍ត្រី ហួន គឹមហេង ស្នង ការរងទទួលផែនប្រឆាំងការងារជួញដូរមនុស្សនិងការពារអនីតិជន និងយ៉េនឌ័រ ឡើងអានសារលិខិតរបស់សម្តេចព្រះមហាក្សត្រី នរោត្តមមុនីនាថសីហនុ ព្រះមាតាឯករាជ្យជាតិខ្មែរជូនអង្គពិធី។ លោកស្នងការ បានមានមតិសំណេះសំណាលសួរសុខទុក្ខ និងផ្ដល់ជូននូវបាច់ផ្កាកាដូអនុស្សាវរីយ៍ និងបានថតរូបទុកជាអនុស្សាវរីយ៍ ព្រមទាំងបានផ្តល់នូវថវិកាមួយចំនួនជូនដល់នគរបាលជានារីផងដែរ។ ប្រភព៖ ស្នងការដ្ឋាននគរបាលខេត្តមណ្ឌលគិរី

ភ្នំពេញ៖ ព្រឹកថ្ងៃទី១១ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក យិត ភីរៈ អគ្គលេខាធិការ នៃអគ្គលេខាធិការដ្ឋានក្រុមប្រឹក្សាកីឡាក្រសួងមហាផ្ទៃ និងជាប្រធានក្រុមការងារចងក្រងសៀវភៅព្រឹត្តិការណ៍កីឡា របស់អគ្គលេខាធិការដ្ឋាននៃក្រុមប្រឹក្សាកីឡាក្រសួងមហាផ្ទៃ បានអញ្ជើញដឹកនាំកិច្ចប្រជុំស្តីពី“ការពិនិត្យបច្ចុប្បន្នភាពការងារចងក្រងសៀវភៅព្រឹត្តការណ៍កីឡាស៊ីហ្គេម លើកទី៣២ ឆ្នាំ២០២៣” របស់​អគ្គលេ​ខា​ធិ​កា​រ​ដ្ឋាននៃក្រុមប្រឹក្សាកីឡាក្រសួងមហាផ្ទៃ។ កិច្ចប្រជុំនេះ ប្រព្រឹត្តទៅអគារមជ្ឈមណ្ឌលកីឡាក្នុងពហុកីឡាដ្ឋានជាតិ រាជធានីភ្នំពេញ ដោយមានការអញ្ជើញចូលរួមពី សំណាក់ ឯកឧត្តមប្រធាន-អនុប្រធាន និងសមាជិកគណៈកម្មការរៀបចំចងក្រងទាំងអស់។ ឯកឧត្តម អគ្គលេខាធិការ បានបន្តផ្ដល់ជូននូវធាតុផ្សំសំខាន់ៗមួយចំនួនបន្ថែមទៀត ដើម្បីដាក់បញ្ចូលទៅក្នុងសៀវភៅព្រឹត្តការណ៍កីឡាស៊ីហ្គេម លើកទី៣២ ឆ្នាំ២០២៣ របស់អគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ ឱ្យកាន់តែមានខ្លឹមសារសម្បូរបែប និងជាពិសេសគឺការរំលេចនូវខ្លឹមសារដ៏មានអត្ថន័យរបស់ថ្នាក់ដឹកនាំជាតិ ក៏ដូចជាស្នាដៃរបស់អត្តពលិកក្រសួងមហាផ្ទៃ ពីព្រឹត្តិការណ៍សំខាន់ៗកន្លងមក ឱ្យបានទទួលជ្រាបដល់អ្នកអាន។ ជាទីបញ្ចប់ ឯកឧត្តមប្រធានក្រុមការងារ បានស្នើដល់ក្រុមការងារទាំង ៦ផ្នែក ត្រូវបន្តយកចិត្តទុកដាក់ និងពន្លឿនការចងក្រង ដើម្បីអាចបោះពុម្ពចេញផ្សាយឱ្យបានឆាប់រហ័ស សម្រាប់តម្កល់ទុកជាឯកសារដ៏សំខាន់៕ ប្រភព៖ អគ្គលេខាធិការដ្ឋាននៃក្រុមប្រឹក្សាកីឡា

ប៉ៃលិន៖ នាថ្ងៃទី១១ ខែមីនា ឆ្នាំ២០២៦ ក្រុមប្រឹក្សាខេត្តប៉ៃលិន បានបើកកិច្ចប្រជុំសាមញ្ញលើកទី២២ អាណត្តិទី៤ ស្ថិតក្រោមអធិបតីភាព ឯកឧត្តម ជាចាន់ឌិន ប្រធានក្រុមប្រឹក្សាខេត្ត និង លោកជំទាវបណ្ឌិត បាន ស្រីមុំ អភិបាលនៃគណៈអភិបាលខេត្តប៉ៃលិន ព្រមទាំងមានការចូលរួមពីសំណាក់ឯកឧត្តម លោកជំទាវសមាជិកក្រុម ប្រឹក្សាខេត្ត គណៈអភិបាលខេត្ត នាយក នាយករងរដ្ឋបាលខេត្ត នាយកទីចាត់ការ លោក-លោកស្រី ប្រធានមន្ទីរអង្គភាព ស្ថាប័នជុំវិញខេត្ត និងអាជ្ញាធរក្រុង-ស្រុក ជាច្រើននាក់ផងដែរ។ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានមានប្រសាសន៍ក្រើនរំលឹកមន្ទីរជំនាញស្ថាប័នជុំវិញខេត្ត និងអាជ្ញាធរ ក្រុង/ ស្រុក ត្រូវមើលឡើងវិញនូវរាល់បញ្ហានាពេលកន្លងមក មិនត្រូវទុកចោលនោះទេ គឺត្រូវដោះស្រាយជូនពលរដ្ឋឱ្យបានទាន់ពេលវេលា ជាពិសេសត្រូវយកចិត្តទុក្ខដាក់ខ្ពស់ចំពោះសុខទុក្ខ និងជីវភាពរស់នៅរបស់បងប្អូនពលករដែលទើបវិលត្រឡប់មកពីប្រទេសថៃ ព្រមទាំងសហការគ្នាជួយសម្របសម្រួលរកការងារជូនពួកគាត់ផងដែរ។ លោកជំទាវ ក៏បានមានប្រសាសន៍កោតសរសើរ ដល់ថ្នាក់ដឹកនាំ មន្ត្រីរាជការ និងកងកម្លាំង ប្រដាប់ អាវុធទាំង ៣ប្រភេទ ដែលកន្លងមកបានសហការគ្នាធ្វើការងារ តាមតួរនាទីភារៈកិច្ច ប្រកបដោយការទទួលខុស ត្រូវខ្ពស់ជាពិសេសបានចូលរួមក្នុងការការពារបូរណៈភាពទឹកដីថែរក្សាសន្តិសុខសណ្តាប់ធ្នាប់សាធារណៈការបម្រើ សេវាសាធារណៈនានាបានល្អប្រសើ […]

នៅព្រឹកថ្ងៃពុធ ទី១១ ខែមីនា ឆ្នាំ២០២៦ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញជាអធិបតីក្នុងពិធីបើកវគ្គបណ្តុះបណ្តាលសុក្រឹតការនិងវិក្រឹតការ សរុប៧វគ្គ រួមមាន៖ ១- វគ្គបំប៉នជំនាញគ្រប់គ្រងច្រកទ្វារអន្តរជាតិនិងទ្វេភាគី ២- វគ្គបំប៉នជំនាញអត្តសញ្ញាណកម្ម ៣- វគ្គបំប៉នជំនាញប្រឆាំងឧក្រិដ្ឋកម្មឆ្លងដែន ៤- វគ្គបំប៉នជំនាញសន្តិសុខសុវត្ថិភាពពន្ធនាគារ ជំនាន់ទី៣ ៥- វគ្គបណ្តុះបណ្តាលបឋមមន្ត្រីពន្ធនាគារ ជំនាន់ទី២១ លើកទី១ ៦- វគ្គបណ្តុះបណ្តាលមន្ត្រីនគរបាលយុត្តិធម៌ ជំនាន់ទី១៥ លើកទី១ ៧- វគ្គវគ្គបណ្តុះបណ្តាលតាមឋានានុក្រមដឹកនាំ កម្រិត១ ជំនាន់ទី៣ មានសិក្ខាកាមសរុប៥៥០នាក់ នារីចំនួន៣២នាក់ នាសាលសម្តេចអគ្គមហាធម្មពោធិសាល ជា ស៊ីម (អគារ ខ- B)។ ក្នុងឱកាសនោះ ឯកឧត្តមនាយឧត្តមសេនីយ៍ ប្រធានបណ្ឌិត្យសភា ក៏សូមថ្លែងអំណរគុណយ៉ាងជ្រាលជ្រៅចំពោះ អង្គភាពប្រើប្រាស់កងកម្លាំង ដែលបានចាត់បញ្ជូនមន្ត្រីនគរបាលនិងមន្ត្រីពន្ធនាគារ មកសិក្សានៅបណ្ឌិត្យសភាដើម្បីបង្កើនចំណេះដឹង ជំនាញ និងបទពិសោធថ្មីៗ តាមការជូនដំណឹងរបស់អគ្គនាយកដ្ឋានធនធានមនុស្ស។ ឯកឧត្តមនាយឧត្តមសេនីយ៍ ប្រធាន បានបញ្ជាក់ឱ្យដឹងថា វគ្គនេះ ពិតជាបានឆ្លើយតបទៅតាមតម្រូវការនិងសំណូមពររបស់អង្គភាពសាមី ដើម្បីបំប៉នសមត្ថភាពនិងជំនាញដល់មន្ត្រីនគរបាលនិងមន្ត្រីពន្ធនាគារ […]

ទីស្ដីការក្រសួងមហាផ្ទៃ៖ នៅព្រឹកថ្ងៃពុធ ទី១១ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានអញ្ជើញដឹកនាំកិច្ចប្រជុំស្តីពីការពិនិត្យវឌ្ឍនភាពនៃការកសាងប្រព័ន្ធទទួលពាក្យបណ្តឹងតាមអនឡាញជំនាន់ទី២​ (version 2) ដែលមានការអញ្ជេីញចូលរួមពី​ លោក​ អគ្គនាយករង​ ប្រធាន​ អនុប្រធាន​នាយកដ្ឋាន​ នាយការិយាល័យ​ ព្រមទាំង​លោក​ លោកស្រីជាមន្ត្រីបច្ចេកទេសជាច្រេីនរូបផងដែរ​។ ឯកឧត្តម ឧត្តមសេនីយ៍ឯក អគ្គនាយក​​ បានកោតសរសើរ និងវាយតម្លៃខ្ពស់ចំពោះថ្នាក់ដឹកនាំ និងមន្ត្រីបច្ចេកទេស ដែលបានយកអស់កម្លាំងកាយចិត្តខិតខំប្រឹងប្រែងយ៉ាងសកម្មក្នុងការ​អនុវត្តការងារកន្លងមក តាមរយៈការដាក់ឱ្យប្រើប្រាស់ប្រព័ន្ធទទួលពាក្យបណ្តឹងតាមអនឡាញជំនាន់ទី១​ (version 1)​។ ក្នុងនោះដែរ​ ឯកឧត្តម ឧត្តមសេនីយ៍ឯក អគ្គនាយក​ បានមាន​ប្រសាសន៍បន្ថែមថា កិច្ចប្រជុំនេះមាន​គោលបំណងត្រួតពិនិត្យ និងពិភាក្សា ផ្ដល់ជាមតិយោបល់​ ដើម្បីទទួលបានធាតុចូលល្អជាច្រើនបន្ថែមទៀត ទៅលើការងារការពិនិត្យវឌ្ឍនភាព​នៃការកសាងប្រព័ន្ធទទួល​ពាក្យបណ្តឹងតាមអនឡាញជំនាន់ទី២ (version 2) ។ ឯកឧត្តម ឧត្តមសេនីយ៍ឯក ក៏បានស្នើឱ្យថ្នាក់ដឹកនាំ និងមន្រ្តីជំនាញពាក់ព័ន្ធទាំងអស់ត្រូវតែពន្លឿន​នូវការរៀបចំប្រព័ន្ធទទួល​ពាក្យបណ្តឹងតាមអនឡាញជំនាន់ទី២ (version 2) ​និងត្រូវពិនិត្យកែ​សម្រួលមុខងារមួយចំនួន ដើម្បីតម្រង់ទិស​ឱ្យដំណើរការក្នុងការអនុវត្តផែនការនីមួយៗ ប្រកបដោយប្រសិទ្ធភាព […]

ទីស្តីការក្រសួងមហាផ្ទៃ៖ នៅព្រឹកថ្ងៃពុធ ទី១១ ខែមីនាឆ្នាំ២០២៦ លោកជំទាវ ជូ ប៊ុនអេង រដ្ឋលេខាធិការ ក្រសួងមហាផ្ទៃ និងជាអនុប្រធានអចិន្ត្រៃយ៍ គណៈកម្មាធិការជាតិប្រយុទ្ធប្រឆាំងអំពើ ជួញដូរមនុស្ស (គ.ជ.ប.ជ) បានអនុញ្ញាតឱ្យ លោកស្រី Jane Duke ឯកអគ្គរាជទូត អូស្ត្រាលី ទទួលបន្ទុកការងារប្រឆាំងទាសភាពសម័យទំនើប រត់ពន្ធមនុស្ស និងការជួញដូរមនុស្ស និងក្រុមការងារ ចូលជួបសម្តែងការគួរសម និងពិភាក្សាការងារ ពាក់ព័ន្ធនឹងការប្រយុទ្ធប្រឆាំងអំពើជួញដូរមនុស្ស និងទាសភាពសម័យទំនើបនៅកម្ពុជា។ ក្នុងកិច្ចជំនួបពិភាក្សានេះដែរ ក៏មានការអញ្ជេីញចូលរួមពី លោកជំទាវ ឧត្តមសេនីយ៍ឯក ប៉ុណ្ណ សំខាន់ អគ្គលេខាធិការ នៃអគ្គលេខាធិការដ្ឋាន (គ.ជ.ប.ជ) អគ្គលេខាធិការរង តំណាងក្រសួងសង្គមកិច្ច អតីតយុទ្ធជន និងយុវនីតិសម្បទា តំណាងក្រសួងការបរទេស តំណាងក្រសួងយុត្តិធម៌ តំណាងអគ្គស្នងការនគរបាលជាតិ ព្រមទាំង លោក លោកស្រី គណៈប្រតិភូអមដំណេីរ តំណាងស្ថានទូត អូស្ត្រាលី ជាច្រេីនរូបទៀត ។ ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

ទីស្ដីការក្រសួងមហាផ្ទៃ៖ នៅព្រឹកថ្ងៃពុធ ទី១១ ខែមីនា ឆ្នាំ២០២៦ ឯកឧត្តម អ៊ុច សុខុន អនុរដ្ឋលេខាធិការក្រសួងមហាផ្ទៃ និងជាប្រធានគណៈកម្មាធិការការពារ សន្តិសុខ សណ្តាប់ធ្នាប់ ក្នុងទីស្តីការក្រសួងមហាផ្ទៃ បានអញ្ជើញដឹកនាំកិច្ចប្រជុំការពង្រឹង សន្តិសុខ សណ្ដាប់ធ្នាប់ និងរបៀប រៀបរយ នៅក្នុងទីស្ដីការក្រសួងមហាផ្ទៃ។ កិច្ចប្រជុំនេះដែរ ក៏មានការអញ្ជើញ​ចូលរួមពីថ្នាក់ដឹកនាំ កងកម្លាំង និង សន្តិសុខសណ្តាប់ធ្នាប់ និងមន្ត្រីពាក់ព័ន្ធជា​ច្រើនរូបទៀតផងដែរ។ឯកឧត្តម អនុរដ្ឋលេខាធិការ បានលើកឡើងថា កិច្ចប្រជុំនេះគឺធ្វើឡើង ដើម្បីពិភាក្សាគ្នា រកចំណុចខ្វះខាត ចំណុចប្រឈម តាមអង្គភាពនីមួយៗ និងយកចំណុចដែលខ្វះខាតទាំងនោះ ដើម្បីយកមកដោះស្រាយ និងធ្វើឱ្យមានសុវត្ថិភាពនៅក្នុងទីស្តីការក្រសួងមហាផ្ទៃ។ ឯកឧត្តម បានស្នើដល់មន្ត្រីគ្រប់អង្គភាពដែលពាក់ព័ន្ធទាំងអស់ ត្រូវបន្តព្យាយាមពង្រឹង និងអនុវត្តន៍ការងារឡើងវិញដោយយកចិត្តទុកដាក់​លើការពិនិត្យលើច្រកចេញ-ចូលក្នុងទីស្តីការក្រសួង។ ឯកឧត្តម អនុរដ្ឋលេខាធិការ ក៏បានណែនាំបន្ថែមទៀត ដល់គ្រប់អង្គភាពពាក់ព័ន្ធទាំងអស់ ត្រូវពង្រឹងការហ្វឹកហាត់របស់ខ្លួនឱ្យបានរឹងមាំ និងគោរពពេលវេលាឱ្យបានច្បាស់លាស់៕ ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

សៀមរាប ៖ ថ្ងៃអង្គារ ទី១០ ខែមីនា ឆ្នាំ២០២៦ ដោយអនុវត្តតាមអនុសាសន៍ដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលដឹកនាំតម្រង់ទិសដោយផ្ទាល់របស់ លោកឧត្តមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្តសៀមរាប កម្លាំងការិយាល័យនគរបាលចរាចរណ៍ផ្លូវគោក និងកម្លាំងតាមបណ្តាអធិការដ្ឋាននគរបាលក្រុង-ស្រុក បានចុះសម្រួលចរាចរណ៍ ជូនលោកគ្រូ អ្នកគ្រូ និងសិស្សានុសិស្សនៅតាមសាលារៀនបានជាប់ជាប្រចាំ៕ ប្រភព៖ ស្នងការដ្ឋាននគរបាលខេត្តសៀមរាប

(កំពង់ចាម​):​ ឯកឧត្ដម​ អ៊ុន​ ចាន់ដា​ អភិបាលខេត្តកំពង់ចាម​ នារសៀលថ្ងៃទី​១០ ខែមិនា​​ ឆ្នាំ​២០២៦​នេះ​ បាន​ដឹកនាំកិច្ចប្រជុំត្រួតពិនិត្យវឌ្ឍនភាពការងាររៀបចំព្រឹត្តិការណ៍សង្ក្រាន្តកំពង់ចាម ក្នុងឱកាសបុណ្យចូលឆ្នាំថ្មីប្រពៃណីជាតិ ឆ្នាំមមី​ អដ្ឋស័ក ព.ស ២៥៦៩ គ.ស ២០២៦ ដេីម្បី​ចូលរួមអបអរសាទរទទួលទេវតាឆ្នាំថ្មីព្រះនាម «រាក្សសាទេវី» ក៏ដូចជា​ការចូលរួមចំណែកលើកកម្ពស់វប្បធម៌ប្រពៃណីជាតិខ្មែរ​ ។ ឯកឧត្ដម អភិបាលខេត្ត បានគូសបញ្ជាក់ថា ដោយ​មាន​ការ​ណែនាំដ៏ខ្ពង់ខ្ពស់របស់ សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រីនៃកម្ពុជា​ ក្នុង​ឱកាសអបអរសាទរ ពិធីបុណ្យចូលឆ្នាំ​ថ្មី​ប្រពៃណីជាតិ នឹងឈានចូលមកដល់ នាពេលខាងមុខឆាប់នេះ រដ្ឋបាលខេត្តគ្រោងនឹងរៀបចំព្រឹត្តិការណ៍សង្ក្រាន្តកំពង់ចាម​ ដើម្បី​បង្ក​ភាព​សប្បាយរីករាយ ជូន​ដល់ប្រជាពលរដ្ឋ មកលេងកំសាន្ត ដោយមានការរៀបចំនូវលេងល្បែងប្រជាប្រិយ ការប្រគុំតន្ត្រីសម័យនាពេលរាត្រី និងលេងកម្សាន្តសប្បាយក្រោមម្លប់សុខសន្តិភាព។ បេី​តាម​លោក​ ស្រី​ សុភ័ក្ដ្រ​ អភិបាល​ រងខេត្តកំពង់ចាម បានឱ្យដឹងថា​ ដើម្បីចូលរួមអបអរសាទរស្វាគមន៍ឆ្នាំថ្មី ប្រពៃណីជាតិខ្មែរ ដែលនឹងឈានមកដល់នាពេលខាងមុខនេះ។ រដ្ឋបាលខេត្តនឹងរៀបចំព្រឹត្តិការណ៍សង្ក្រាន្តកំពង់ចាម​ រយៈពេល ៤ថ្ងៃ ចាប់ពីថ្ងៃទី១៣ ដល់ថ្ងៃទី១៦ ខែមេសា ឆ្នាំ២០២៦ […]

ខេត្តកោះកុង៖ លោកជំទាវ ឈី វ៉ា អភិបាល នៃគណៈអភិបាលខេត្តកោះកុង និងប្រធានគណៈកម្មាធិការសមាគមអតីតយុទ្ធជន និងនិវត្តជនខេត្តកោះកុង បានអញ្ជើញចូលរួមក្នុងពិធីប្រកាសសមាសភាពគណៈកម្មា ធិការសមាគមអតីតយុទ្ធជន និងនិវត្តជនខេត្តកោះកុង ក្រោមអធិបតីភាពដ៏ខ្ពង់ខ្ពស់ ឯកឧត្តម នាយឧត្តមសេនីយ៍ កិត្តិសង្គហបណ្ឌិត គន់ គីម ទេសរដ្ឋមន្ត្រី អនុប្រធាន និងជាអគ្គលេខាធិការសមាគមអតីតយុទ្ធជន និងនិវត្តជនកម្ពុជា នាថ្ងៃអង្គារ ទី១០ ខែមីនា ឆ្នាំ២០២៦។ ក្នុងឱកាសនោះ ដើម្បីជាការឆ្លើយតបចំពោះទំនុកចិត្តដ៏ថ្លៃថ្លានេះ និងក្នុងនាមគណៈកម្មាធិការសមាគមអតីត យុទ្ធជន និងនិវត្តជនកម្ពុជាខេត្តកោះកុង លោកជំទាវបានធ្វើការប្តេជ្ញាចិត្តដូចតទៅ ៖ ទី១៖ គោរពប្រតិបត្តិយ៉ាងម៉ឺងម៉ាត់ និងខ្ជាប់ខ្ជួនជាប្រចាំ នូវលក្ខន្តិកៈ គោលការណ៍ និងគោលនយោបាយនានារបស់សមាគមអតីតយុទ្ធជន និងនិវត្តជនកម្ពុជា ព្រមទាំងសេចក្តីសម្រេចមហាសន្និបាត និងមហាសន្និបាតវិសាមញ្ញតំណាងសមាគមអតីតយុទ្ធជនកម្ពុជាទូទាំងប្រទេស ក្រោមការដឹកនាំដ៏ខ្ពង់ខ្ពស់បំផុតរបស់ សម្តេចអគ្គមហាសេនាបតីតេជោ ហ៊ុន សែន បិតាស្ថាបនិក និងជាប្រធានសមាគមអតីតយុទ្ធជន និងនិវត្តជនកម្ពុជា។ ទី២៖ ប្តេជ្ញា! ពង្រឹងពង្រីកការអនុវត្តភាពដឹកនាំសមាគមអតីតយុទ្ធជន និងនិវត្តជនកម្ពុជា ក្នុងក្របខ័ណ្ឌទូទាំងខេត្ត ប្រកបដោយប្រសិទ្ធភាព តម្លាភាព […]

ខេត្តកែប៖ នៅព្រឹកថ្ងៃទី១០ ខែមីនា ឆ្នាំ២០២៦នេះ រដ្ឋបាលខេត្តកែប បានប្រារព្ធទិវាទីក្រុងស្អាត លើកទី១៣ ឆ្នាំ២០២៦ ក្រោមប្រធានបទ “ សាមគ្គី ដើម្បីទីក្រុងស្អាត ” កម្មវិធីនេះប្រព្រឹត្តិទៅនៅបរិវេនសួនច្បារមុខសាលាខេត្តកែប ក្រោមអធិបតីភាពឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប ព្រមទាំងមានការអញ្ជើញចូលរួមអបអរសាទរពីសំណាក់ឯកឧត្តម លោកជំទាវ ថ្នាក់ដឹកនាំខេត្ត ថ្នាក់ដឹកនាំស្ថាប័នសាលាដំបូងខេត្ត មន្រ្តីរាជការ  កងកម្លាំងប្រដាប់អាវុធគ្រប់ប្រភេទក្នុងខេត្ត  លោកនាយក នាយិកាគ្រប់កម្រិតសិក្សា លោកគ្រូ អ្នកគ្រូ សិស្សានុសិស្ស គ្រប់កម្រិតសិក្សាក្នុងខេត្ត យុវជន យុវនារីប្រមាណជិត ២ពាន់នាក់។ បន្ទាប់ពីអានសារលិខិតដ៏ថ្លៃថ្លារបស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា ឯកឧត្តមបណ្ឌិត សោម ពិសិដ្ឋ អភិបាលនៃគណៈអភិបាលខេត្តកែប ក៏បានគូសបញ្ជាក់បន្ថែមថា ខេត្តកែបក្រោមការយកចិត្តទុកដាក់ចូលរួមសហការអនុវត្តតួនាទី ភារកិច្ចប្រកបដោយស្មារតីទទួលខុសត្រូវខ្ពស់របស់ថ្នាក់ដឹកនាំ មន្រ្តីរាជការគ្រប់ប្រភេទ គ្រប់លំដាប់ថ្នាក់ ព្រមទាំងមានការចូលរួមសហការពីសំណាក់សមាសភាពពាក់ព័ន្ធ ដូចជាអាជីវករ សេវាករ និងប្រជាពលរដ្ឋ បានធ្វើឱ្យមានកែបកាន់តែមានភាពរីកចម្រើន ប្រកបដោយសោភណ្ឌភាព និងសុខសុវត្ថិភាពខ្ពស់ និងធ្វើឱ្យខេត្តកែបនាពេលកន្លងមក និងបច្ចុប្បន្នទទួលបានពាន់រង្វាន់ទាំងថ្នាក់ជាតិ និងថ្នាក់តំបន់ជាបន្តបន្ទាប់​ ដែលបានទាក់ទាញភ្ញៀវទេសចរជាតិ​ […]

ខេត្តត្បូងឃ្មុំ៖ នៅព្រឹកថ្ងៃទី១០ ខែមីនា ឆ្នាំ២០២៦នេះ ឯកឧត្តម ប៉ែន កុសល្យ អភិបាលនៃគណៈអភិបាលខេត្តត្បូងឃ្មុំ បានដាក់ចេញនូវបទបញ្ជាយ៉ាងម៉ឺងម៉ាត់ដល់កងកម្លាំងប្រដាប់អាវុធ និងអាជ្ញាធរពាក់ព័ន្ធគ្រប់លំដាប់ថ្នាក់ ត្រូវបង្កើនការយកចិត្តទុកដាក់ខ្ពស់លើការងារសន្តិសុខ សណ្តាប់ធ្នាប់សង្គម ដោយផ្តោតសំខាន់លើការបង្ក្រាបបទល្មើសគ្រប់ប្រភេទ ជាពិសេសទៅលើការបង្ក្រាបបទល្មើសឆបោកតាមអនឡាញ (Online scams) ព្រមទាំងត្រៀមរៀបចំសង្ក្រាន្តឆ្នាំថ្មី។ កិច្ចប្រជុំនេះធ្វើឡើងនៅសាលប្រជុំ ក សាលាខេត្តត្បូងឃ្មុំ ដោយមានការអញ្ជើញចូលរួមពី អភិបាលរងខេត្ត ថ្នាក់ដឹកនាំស្ថាប័នតុលាការ កងកម្លាំងទាំង៣ មន្ទីរ-អង្គភាព ក្រុង-ស្រុក និងអ្នកពាក់ព័ន្ធ។ ក្នុងឱកាសនោះ ឯកឧត្តម ប៉ែន កុសល្យ អភិបាលខេត្ត បានថ្លែងការកោតសរសើរ និងវាយតម្លៃខ្ពស់ចំពោះការខិតខំប្រឹងប្រែងធ្វើការងារអស់កម្លាំងកាយចិត្តរបស់មន្ទីរអង្គភាព អាជ្ញាធរ ក្រុង ស្រុក ទាំងអស់។ ក្នុងនោះដែរ ឯកឧត្តម អភិបាលខេត្ត បានជំរុញឱ្យកងកម្លាំងមានសមត្ថកិច្ច ត្រូវរឹតបន្តឹង និងអនុវត្តវិធានការក្តៅក្នុងការបង្ក្រាបបទល្មើសគ្រឿងញៀន ការលុបបំបាត់ល្បែងស៊ីសងគ្រប់ប្រភេទ និងការទប់ស្កាត់ក្រុមក្មេងទំនើង មិនឱ្យបង្កអសន្តិសុខក្នុងមូលដ្ឋានឡើយ។ ឯកឧត្តម អភិបាលខេត្ត បានមានប្រសាសន៍ផ្តោតសំខាន់លើការយកចិត្តទុកដាក់ខ្លាំងលើការបង្ក្រាបបទល្មើសឆបោកតាមអនឡាញ (Online scams) ដែលជាបញ្ហាចំពោះមុខ ត្រូវទប់ស្កាត់ឱ្យខានតែបាន ដើម្បីការពារទ្រព្យសម្បត្តិ […]

កំពង់ស្ពឺ៖ ឯកឧត្តមបណ្ឌិត ជាម ច័ន្ទសោភ័ណ អភិបាល នៃគណៈអភិបាលខេត្តកំពង់ស្ពឺ បានជួបសំណេះសំណាលនិងស្វែងយល់ពីសក្តានុពលខេត្តជាមួយអ្នកវិនិយោគិននៃទីក្រុងប៉េកាំង ប្រទេសចិន នារសៀលថ្ងៃទី១០ ខែមីនា ឆ្នាំ២០២៦។ ឯកឧត្តមអភិបាលខេត្ត បានប្រាប់ដល់អ្នកវិនិយោ គិនទាំងអស់ឱ្យបង្កើនការប្រុងប្រយ័ត្នក្នុងការចាញ់បោកឈ្មួញកណ្តាល គ្រាដែលករណីនេះកើតមានច្រើនលើកមកហើយនៅក្នុងខេត្តកំពង់ស្ពឺ។ ឯកឧត្តមបណ្ឌិត ជាម ច័ន្ទសោភ័ណ បានលើកឡើងថា ខេត្តកំពង់ស្ពឺបច្ចុប្បន្នកំពុងទទួលបានការចាប់អារម្មណ៍ខ្លាំងពីសំណាក់អ្នកវិនិយោគិននានា ពិសេសអ្នកវិនិយោគិននៃសាធារណរដ្ឋប្រជាមានិតចិន ដែលគិតមកទល់ពេលនេះខេត្តមានអ្នកវិនិយោគិនចិនប្រមាណជាង៩៥%។ តែទន្ទឹមនិងការចាប់អារម្មណ៍នេះ អ្នកវិនិយោគជាច្រើនត្រូវបានចាញ់បោកឈ្មួញកណ្តាលក្នុងការដាក់លុយឱ្យទិញដី រត់ការឯកសារគតិយុត្តផ្សេងៗ ហើយក្រោយទទួលបានលុយកាក់ ឈ្មួញកណ្តាលទាំងនោះក៏បានគេចខ្លួនបាត់ ដែលទីបំផុតបន្ទុកទាំងអស់ត្រូវបានធ្លាក់មកលើអាជ្ញាធរនិងថ្នាក់ដឹកនាំខេត្តជាអ្នកដោះស្រាយ។ ឯកឧត្តមបញ្ជាក់ទៀតថា ដើម្បីបញ្ជៀសនូវហានិភ័យនេះ គប្បីអ្នកវិនិយោគិនទាំងអស់ ទំនាក់ទំនង់ដោយផ្ទាល់មករដ្ឋបាលខេត្តឬមន្ទីរជំនាញពាក់ព័ន្ធ ដើម្បីទទួលបានព័ត៌មានជាក់លាក់ជុំវិញការដាក់ទុន ទីតាំងវិនិយោគ។ មួយវិញទៀត ការទំនាក់ទំនងផ្ទាល់មកអាជ្ញាធរ ឬអង្គភាពពាក់ព័ន្ធគឺមានសុវត្ថិភាពគ្រប់គ្រាន់ ពិសេសបានការណែនាំ និងចង្អុលបង្ហាញចំគោលដៅដែលអ្នកវិនិយោគចង់បាន។ក្នុងនោះក៏បានឱកាសក្នុងការជួយសម្របសម្រួល ជ្រោមជ្រែងនិងលើកទឹកចិត្តពីគណបញ្ជាការឯកភាពខេត្តដោយផ្ទាល់ផងដែរ៕ ប្រភព៖ រដ្ឋបាលខេត្តកំពង់ស្ពឺ