សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា អនុញ្ញាតឱ្យ ឯកឧត្តម Franck E. W. ADJAGBA ឯកអគ្គរដ្ឋទូតតែងតាំងថ្មីសាធារណរដ្ឋបេណាំងប្រចាំនៅកម្ពុជា ចូលជួបប្រគល់សារតាំង នៅវិមានសាមគ្គីភាពនៃព្រឹទ្ធសភាជាតិ រាជធានីភ្នំពេញ។ ថ្ងៃអង្គារ ៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែឧសភា ឆ្នាំ២០២៦

សម្តេចអគ្គមហាសេនាបតីតេជោ ហ៊ុន សែន ប្រមុខរដ្ឋស្តីទីនៃព្រះរាជាណាចក្រកម្ពុជា អនុញ្ញាតឱ្យ លោកជំទាវ Magadalini Nicolaou ឯកអគ្គរដ្ឋទូតតែងតាំងថ្មីនៃសាធារណរដ្ឋក្រិកប្រចាំនៅកម្ពុជា ចូលជួបប្រគល់សារតាំង នៅវិមានសាមគ្គីភាពនៃព្រឹទ្ធសភាជាតិ រាជធានីភ្នំពេញ។ ថ្ងៃអង្គារ ៣កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៩ ខែឧសភា ឆ្នាំ២០២៦

សម្តេចកិត្តិសង្គហបណ្ឌិត ម៉ែន សំអន អញ្ជើញជាអធិបតីពិធីពុទ្ធាភិសេក «ព្រះវិស្ណុគង់លើស្ដេចគ្រុឌ» សម្តេចកិត្តិសង្គហបណ្ឌិត ម៉ែន សំអន ឧត្តមប្រឹក្សាផ្ទាល់ព្រះមហាក្សត្រ អញ្ជើញជាអធិបតីពិធីពុទ្ធាភិសេកព្រះបដិមា «ព្រះវិស្ណុគង់លើស្ដេចគ្រុឌ» ស្ថិតនៅរង្វង់មូលមុខវិទ្យាល័យសម្តេចឪ ផ្លូវជាតិលេខ៦ បំបែកទៅព្រលានយន្តហោះអន្តរជាតិសៀមរាបចាស់ និងបួងសួងសុំសេចក្តីសុខ សន្តិភាព និងភាពត្រជាក់ត្រជុំដល់ទឹកដី និងប្រជាពលរដ្ឋខ្មែរ នាព្រឹកថ្ងៃទី១៩ ខែឧសភា ឆ្នាំ២០២៦។ ប្រតិមា ព្រះវិស្ណុគង់លើស្ដេចគ្រុឌផ្លែងសរ មិនត្រឹមតែជារូបសំណាកសក្ការៈនោះទេ ប៉ុន្តែគឺជាដួងព្រលឹងដែលនាំមកនូវសេចក្តីសុខសន្តិភាព និងភាពត្រជាក់ត្រជុំដល់ទឹកដី និងប្រជារាស្ត្រខ្មែរ។  

នៅរសៀលថ្ងៃចន្ទ ទី១៨ ខែឧសភា ឆ្នាំ២០២៦ ឯកឧត្តម នៅ លក្ខណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មការប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម (គ.ប.ផ.ក.) បានទទួលជួបជាមួយថ្នាក់ដឹកនាំសមាគមចំនួន៣ រួមមានសមាគមអ្នកលក់ឱសថកម្ពុជា, សមាគមសហព័ន្ធសុវត្ថិភាពម្ហូបអាហារកម្ពុជា, និងសមាគមសម្ព័ភាពកសិកម្ម ជលផល ធនធានទឹក និងបរិស្ថានកម្ពុជា។ កិច្ចពិភាក្សានេះបានធ្វើឡើងនៅ បន្ទប់ប្រជុំ៧២៨ នាទីស្ដីការក្រសួងមហាផ្ទៃ ដោយមានការអញ្ជើញចូលរួមពីថ្នាក់ដឹកនាំលេខាធិការដ្ឋាន គ.ប.ផ.ក. និងថ្នាក់ដឹកនាំសមាគមទាំង០៣ ក្នុងគោលបំណងបន្តពិភាក្សាលម្អិតបន្ថែមលើការងារសំខាន់ចំនួន០២រួមមាន ទី១៖ បង្កើនកិច្ចសហការឱ្យកាន់តែជិតស្និត ដើម្បីឈានទៅចុះអនុស្សារណៈយោគយល់គ្នារវាងគ.ប.ផ.ក. និងសមាគមទាំង០៣ និងទី២៖ ពិភាក្សាលើការងារត្រៀមសហការរៀបចំសិក្ខាសាលាផ្សព្វផ្សាយមួយ ដែលគ្រោងនឹងប្រព្រឹត្តទៅក្នុងត្រីមាសទី៣ ឆ្នាំ២០២៦ នៅពេលខាងមុខនេះ៕

ខេត្តកោះកុង៖ ថ្ងៃចន្ទ ទី១៨ ខែឧសភា ឆ្នាំ២០២៦ លោកជំទាវ ឈី វ៉ា អភិបាល នៃគណៈអភិបាលខេត្តកោះកុង បានអញ្ជើញជាអធិបតី ក្នុងទិវាអតីតយុទ្ធជន និងនិវត្តជនកម្ពុជា លើកទី១៩ ថ្ងៃ១២ ខែឧសភា ឆ្នាំ២០២៦ ក្នុងគោលបំណងលើកតម្កើងវីរភាពដ៏អង់អាចក្លាហាន និងគុណបំណាច់ដ៏ធំធេង របស់អតីតយុទ្ធជន និងនិវត្តជនកម្ពុជា ដែលបានធ្វើពលិកម្ម បូជាសាច់ស្រស់ ឈាមស្រស់ ដើម្បីបុព្វហេតុជាតិ មាតុភូមិ និងប្រជាជន ដោយមានការចូលរួមពី អនុប្រធាន និងសមាជិកគណៈកម្មាធិការ អ.ន.ក. ខេត្ត ថ្នាក់ក្រុង ស្រុក និងសាខា អ.ន.ក. ឃុំ សង្កាត់ ចំនួន ៣១៤នាក់ ក្នុងនោះសមាជិកសមាគមអតីតយុទ្ធជន និងនិវត្តជនកម្ពុជាខេត្តចំនួន ១៧០នាក់។ សូមជម្រាបជូនថា បងប្អូនអតីតយុទ្ធជន ចំនួន ១៧០នាក់ ក្នុងម្នាក់ៗទទួល អង្ករ  ចំនួន ២៥គីឡូក្រាម និងឃីតចំនួន១ឃីត និងថវិកាមួយចំនួនផងដែរ។ ប្រភព៖ រដ្ឋបាលខេត្តកោះកុង

បន្ទាយមានជ័យ៖ ឯកឧត្ដម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ អញ្ជើញជាអធិបតីភាពដឹកនាំកិច្ចប្រជុំពិនិត្យ និងអនុម័តលើសេចក្តីព្រាងផែនការប្រើប្រាស់ដី ឃុំព្រះនេត្រព្រះ និងឃុំជប់វារី ស្រុកព្រះនេត្រព្រះ ខេត្តបន្ទាយមានជ័យ។ កិច្ចប្រជុំ នេះក៏មានការអញ្ជេីញចូលរួមអភិបាលរងខេត្ត មន្ទីរ អង្គភាព ស្ថាប័នពាក់ព័ន្ធ អភិបាលស្រុក មេឃុំទាំង៩ទូទាំងស្រុក ប្រារព្ធធ្វើឡើងនៅសាលប្រជុំ ក សាលខេត្តបន្ទាយមានជ័យ នារសៀលថ្ងៃទី១៨ ខែឧសភា ឆ្នាំ ២០២៦។ ក្នុងឱកាសនោះឯកឧត្តម អ៊ុំ រាត្រី ក៏បានណែនាំទៅដល់អាជ្ញាធរស្រុក ក៏ដូចជាឃុំទាំង២ ត្រូវរៀបចំសោភណភាពឃុំឱ្យមានភាពទាក់ទាញ និងមានភាពបៃតង ជាពិសេសការរៀបចំទុកដាក់សំរាម គឺជារឿងសំខាន់យេីងត្រូវយកចិត្តទុក ដោយត្រូវមានការរៀបចំទីតាំងទុកដាក់សំរាមឱ្យបានល្អត្រឹមត្រូវ។ រៀបចំទីតាំងរម្មណីដ្ឋានដែលមានស្រាប់ ដេីម្បីទាកទាញភ្ញៀវទេសចរណ៍ ចូលមកទស្សនា បង្កើនប្រាក់ចំណូលរបស់ប្រជាជននៅក្នុងសហគមន៍។ គូរបញ្ជាក់ដែរថា៖ ផែនការប្រើប្រាស់ដី ឃុំឃុំទាំងពីរ មានគោលដៅ ៖ ១-ធ្វើឱ្យសម្រេចបានតាមសេចក្តីត្រូវការរបស់រាជរដ្ឋាភិបាល ស្តីពីគោលនយោបាយដីធ្លី, ២-ធានាបាននូវការគ្រប់គ្រង ប្រើប្រាស់ដី និងធនធានធម្មជាតិប្រកបដោយប្រសិទ្ធភាព និងចីរភាព ដើម្បីរួមចំណែកដល់ការអភិវឌ្ឍសេដ្ឋកិច្ច សង្គមកិច្ច ប្រកបដោយសមធម៌, ៣-ធានានូវការលើកកម្ពស់ការអនុវត្តគោលនយោបាយវិមជ្ឈការ […]

នៅរសៀលថ្ងៃចន្ទ ទី១៨ ខែឧសភា ឆ្នាំ២០២៦ ឯកឧត្តមនាយឧត្តមសេនីយ៍សាស្ត្រាចារ្យ ឯក មនោសែន ប្រធាន បណ្ឌិត្យសភានគរបាលកម្ពុជា បានអញ្ជើញចូលរួមបើកកម្មវិធីតម្រង់ទិសដល់អ្នកសិក្សា-ហ្វឹកហាត់ មុនចុះកម្មសិក្សាតាម បណ្តាស្នងការដ្ឋាននគរបាលរាជធានី ខេត្ត លើប្រធានបទស្តីពី «គ្រឿងញៀននិងផលបះពាល់គ្រឿងញៀន ការប្រើប្រាស់ App NoDrugs និង App នានា របស់ក្រសួងមហាផ្ទៃ ការប្រើប្រាស់ដំបងនិងការបញ្ជាចរាចរណ៍ គោលនយោបាភូមិ ឃុំ សង្កាត់មានសុវត្ថិភាព និងការសង្គ្រោះបឋម និងការអន្តរាគមន៍ក្នុងគ្រាអាសន្ន» ដោយមានការអញ្ជើញចូលរួមពី ឯកឧត្តមនាយឧត្តមសេនីយ៍ មាស វិរិទ្ធ អគ្គលេខាធិការនៃអាជ្ញាធរជាតិប្រយុទ្ធប្រឆាំងគ្រឿងញៀន ព្រមទាំងឯកឧត្តម ឧត្តមសេនីយ៍ឯក សាស្ត្រាចារ្យ ថ្នាក់ដឹកនាំ គ្រូនគរបាលជាតិ និងមន្រ្តីនគរបាលជាតិ នៃបណ្ឌិត្យសភានគរបាលកម្ពុជា នាសាល សម្តេចអគ្គមហាធម្មពោធិសាល ជា ស៊ីម (អគារ ខ- B)។ ថ្លែងស្វាគមន៍ក្នុងឱកាសនោះ ឯកឧត្តមនាយឧត្តមសេនីយ៍ ប្រធានបណ្ឌិត្យសភា ពិតជាមានសោមនស្សក្រៃលែង ដោយ ឯកឧត្តមនាយឧត្តមសេនីយ៍ មាស វិរិទ្ធ […]

ខេត្តកំពង់ស្ពឺ៖ ថ្ងៃចន្ទ ទី១៨ ខែឧសភា ឆ្នាំ២០២៦ ឯកឧត្តម ឈុន ប៊ុនណារ៉ា អនុប្រធានលេខាធិការដ្ឋាន គ.ជ.អ.ប. និងឯកឧត្តម ម៉ាអុន ម៉ាអូណាត អនុប្រធានលេខាធិការដ្ឋាន គ.ជ.អ.ប. តំណាងឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប. បានអញ្ជើញដឹកនាំគណៈប្រតិភូជាតិ និងអន្តរជាតិ នៃធនាគារពិភពលោក (World Bank) លេខាធិការដ្ឋាន គ.ជ.អ.ប. និងក្រសួងមហាផ្ទៃចុះទស្សនកិច្ច ដើម្បីសិក្សាស្វែងយល់អំពីការអនុវត្តមុខងារ តួនាទី ភារកិច្ច ការរៀបចំផែនការ និងថវិកា ការគាំទ្រនិងអនុវត្តគម្រោងរបស់រដ្ឋបាលឃុំ និងរដ្ឋបាលស្រុកសម្រាប់ផ្តល់ជាធាតុចូលក្នុងការគិតគូរនៃរៀបចំគម្រោងជំរុញការអភិវឌ្ឍសេដ្ឋកិច្ចមូលដ្ឋានធន់នឹងការប្រែប្រួលអាកាសធាតុប្រកបដោយចីរភាព (SCALED) សម្រាប់គាំទ្រដល់ដំណើរការអនុវត្តកម្មវិធីកំណែទម្រង់វិមជ្ឈការ និងវិសហមជ្ឈការ ដោយផ្តោតទៅលើការពង្រឹងការផ្តល់សេវាសាធារណៈ និងការអភិវឌ្ឍសេដ្ឋកិច្ចមូលដ្ឋានដែលធន់នឹងការបម្រែបម្រួលអាកាសធាតុរបស់រដ្ឋបាលថ្នាក់ក្រោមជាតិ។ ក្នុងដំណើរបេសកកម្មនេះ គណៈប្រតិភូជាតិ និងអន្តរជាតិបានជួបសំណេះសំណាល និងប្រជុំជាមួយប្រជាពលរដ្ឋ អង្គការសង្គមស៊ីវិល សហគ្រាសធុនតូច រដ្ឋបាលឃុំ និងរដ្ឋបាលស្រុក ដើម្បីស្វែងយល់ពីស្ថានភាពរស់នៅ ការចូលរួមក្នុងដំណើរការកសាងផែនការ សមិទ្ធផល និងបញ្ហាប្រឈមនានា។ ដំណើរទស្សនកិច្ចនេះ មានការអញ្ជើញចូលរួមពីថ្នាក់ដឹកនាំ […]

ខេត្តព្រះសីហនុ៖ រសៀលថ្ងៃទី១៨ ខែឧសភា ឆ្នាំ២០២៦ ឯកឧត្តម ម៉ាង ស៊ីណេត ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុ អញ្ជើញទទួលអំណោយមនុស្សធម៌លើកទី២ ពីបងប្អូនសប្បុរសជនក្នុង និងក្រៅខេត្តព្រះសីហនុ ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ឧសភា ២០២៦ នៅទីស្នាក់ការសាខាកាកបាទក្រហមកម្ពុជា ខេត្តព្រះសីហនុ ដែលមានទីតាំងស្ថិតនៅសង្កាត់លេខ៣ ក្រុងព្រះសីហនុ។ ក្នុងឱកាសនោះ ឯកឧត្តម ម៉ាង ស៊ីណេត ប្រធានគណៈកម្មាធិការសាខាកាកបាទក្រហមកម្ពុជា ខេត្តព្រះសីហនុបានថ្លែងអំណរគុណ និងអរគុណចំពោះ ឯកឧត្តម លោកជំទាវ អ្នកឧកញ៉ា ឧកញ៉ា លោក លោកស្រី អ្នកនាងកញ្ញា ជាសប្បុរសជនគ្រប់មជ្ឈដ្ឋាន និងបងប្អូនជនរួមជាតិ សូមចូលរួមបរិច្ចាគថវិកា និងសម្ភារៈតាមសទ្ធាជ្រះថ្លាជូនសាខាកាកបាទក្រហមកម្ពុជា ខេត្តព្រះសីហនុ ក្នុងឱកាសខួបលើកទី១៦៣ ទិវាពិភពលោកកាកបាទក្រហម និងអឌ្ឍចន្ទក្រហម ៨ឧសភា ឆ្នាំ២០២៦ ក្រោមមូលបទ “បន្តរួមកម្លាំងគ្នា ដើម្បីមនុស្ស ធម៌” ដើម្បីឱ្យសាខាកាកបាទក្រហមកម្ពុជា ខេត្តព្រះសីហនុ មានធនធានបន្តផ្តល់សេវាកម្មមនុស្សធម៌ ដោះស្រាយបញ្ហាប្រឈមនានា បន្តពង្រឹងភាពធន់សហគមន៍ និងជួយសម្រាលទុក្ខលំបាកប្រជាពលរដ្ឋរងគ្រោះ […]

ភ្នំពេញ៖ រសៀលថ្ងៃទី១៨ ខែឧសភា ឆ្នាំ២០២៦ ឯកឧត្តម សរ សិទ្ធិ រដ្ឋលេខាធិការ ទទួលការងារអគ្គលេខាធិការដ្ឋាន នៃក្រុមប្រឹក្សាកីឡាក្រសួងមហាផ្ទៃ បានអញ្ជើញជួប និងរាយការណ៍ជូន ឯកឧត្តម ង្វៀន មិញវូ (NGUYEN Minh Vu) ឯកអគ្គរដ្ឋទូត នៃសាធារណរដ្ឋសង្គមនិយមវៀតណាម ប្រចាំព្រះរាជាណាចក្រកម្ពុជា អំពីដំណើរប្រព្រឹត្តទៅ នៃការរៀបចំព្រឹត្តិការណ៍ប្រកួតកីឡាវាយកូនគោលមិត្តភាពរវាងក្រសួងមហាផ្ទៃ នៃព្រះរាជាណាចក្រកម្ពុជា ជាមួយនឹងស្ថានទូត នៃសាធារណរដ្ឋសង្គមនិយមវៀតណាមប្រចាំកម្ពុជា ដែលគ្រោងនឹងធ្វើឡើងនៅទីលានវឌ្ឍនៈហ្គោលរីសត នាថ្ងៃទី២៣ ខែឧសភា ឆ្នាំ២០២៦ ខាងមុខនេះ៕ ប្រភព៖ អគ្គលេខាធិការដ្ឋានក្រុមប្រឹក្សាកីឡា

ទីស្ដីការក្រសួងមហាផ្ទៃ៖ នៅរសៀលថ្ងៃចន្ទ ទី១៨ ខែឧសភា ឆ្នាំ២០២៦ ឯកឧត្តម បណ្ឌិត ទូច វិសាលសុខ រដ្ឋលេខាធិការ ក្រសួងមហាផ្ទៃ បានអនុញ្ញាតឱ្យលោក វ៉ាង ជីហួ ដឹកនាំគណៈប្រតិភូបណ្ឌិត្យសភាវិទ្យាសាស្ត្រកសិកម្មខេត្តយូណានចូលជួបសម្តែងការគួរសម និងពិភាក្សាការងារ ដោយមានការអញ្ជើញចូលរួមពី ឯកឧត្ដម អ៊ូ វណ្ណា អនុរដ្ឋលេខាធិការ និងជានាយករងខុទ្ទកាល័យប្រចាំការ និងលោក លោកស្រី ជាមន្ត្រីពាក់ព័ន្ធផងដែរ។ ជាកិច្ចចាប់ផ្តើម ឯកឧត្ដមបណ្ឌិត រដ្ឋលេខាធិការ បានមានមតិស្វាគមន៍គណៈប្រតិភូបណ្ឌិត្យសភាវិទ្យាសាស្ត្រកសិកម្មខេត្តយូណានយ៉ាងកក់ក្តៅ ដែលបានអញ្ជើញមកពិភាក្សាដើម្បីជំរុញកិច្ចសហប្រតិបត្តិការផ្នែកកសិកម្មនៅកម្ពុជា។ លោក វ៉ាង ជីហួ បានរាយការណ៍ជូន ឯកឧត្តមបណ្ឌិត រដ្ឋលេខាធិការ ក្រសួងមហាផ្ទៃ អំពីជំនាញរបស់បណ្ឌិត្យសភាវិទ្យាសាស្ត្រកសិកម្មខេត្តយូណាន ក្នុងការស្រាវជ្រាវផ្នែកកសិកម្មជាពិសេសលើការបង្កាត់ពូជ និងការដាំដុះដំណាំជាច្រើនមានដូចជា ដំណាំស្វាយចន្ទី ដំណាំដំឡូងមី ដំណាំចេក ដំណាំពោត និងដំណាំកាហ្វេផងដែរ។ នាឱកាសនោះ ឯកឧត្តមបណ្ឌិត រដ្ឋលេខាធិការ បានស្នើឱ្យលោក វ៉ាង ជីហួ ពិនិត្យលទ្ធភាពសិក្សាលើការដាំដំណាំពោតជំនួសដំណាំស្រូវនៅខេត្តព្រៃវែង ព្រោះថាដំណាំពោតបានផ្តល់ទិន្នផលច្រើនជាងដំណាំស្រូវដែលអាចជួយបង្កើនជីវភាពរបស់ប្រជាពលរដ្ឋនៅក្នុងខេត្តព្រៃវែងឱ្យកាន់តែប្រសើរឡើង។ លោក វ៉ាង […]

តាកែវ ៖ នៅថ្ងៃទី១៨ ខែឧសភា ឆ្នាំ២០២៦នេះ ឯកឧត្តម ម៉ក់ ជីតូ រដ្ឋលេខាធិការក្រសួងមហាផ្ទៃ បានអញ្ជើញជាអធិបតីផ្សព្វផ្សាយផែនការ ស្ដីពីការបន្តនិរន្តរភាពយុទ្ធនាការបោសសំអាតការឆបោកតាមប្រព័ន្ធបច្ចេកវិទ្យា (Online Scams) ក្នុងព្រះរាជាណាចក្រកម្ពុជា នៅខេត្តតាកែវ។ ពិធីនេះ ក៏មានអញ្ជើញចូលរួមពី ឯកឧត្តម យស ណាស៊ី ប្រធានក្រុមប្រឹក្សាខេត្ត និងឯកឧត្តម វ៉ី សំណាង អភិបាល នៃគណៈអភិបាលខេត្តតាកែវ និងមន្រ្តីពាក់ព័ន្ធជាច្រើនរូបទៀត។ នាឱកាសនោះ ឯកឧត្តម វ៉ី សំណាង អភិបាលខេត្តតាកែវ បានបង្ហាញការប្ដេជ្ញាចិត្តខ្ពស់ និងដាក់បទបញ្ជាអាជ្ញាធរក្រុង ស្រុក បង្កើនការយកចិត្តទុកដាក់ ក្នុងការបង្ការ ទប់ស្កាត់មិនឱ្យមានបទល្មើសឆបោកតាមប្រព័ន្ធបច្ចេកវិទ្យា (Online Scams) កើតឡើងក្នុងភូមិសាស្រ្តខេត្តតាកែវ ជាដាច់ខាត ដើម្បីធានាបាននូវសន្ដិសុខសណ្តាប់ធ្នាប់ជូនប្រជាពលរដ្ឋ និងអ្នកវិនិយោគបរទេស។ ឯកឧត្តម អភិបាល បន្ដថា ក្នុងនាមគណៈបញ្ជាការឯកភាពរដ្ឋបាលក្រុង-ស្រុក ត្រូវតែបង្កើនការយកចិត្តទុកដាក់ខ្ពស់ចុះតាមដានត្រួតពិនិត្យជាប្រចាំ រាល់ទីតាំងស្នាក់នៅទាំងអស់ ចំពោះជនបរទេសដែលមកស្នាក់នៅក្នុងខេត្តតាកែវ ពិសេសតាមទីតាំងរោងចក្រ សំណង់ផ្ទះល្វែង និងទីតាំងផ្សេងទៀត ខ្លាចក្រែងមានការបង្កប់ការធ្វើអាជីវកម្ម […]

សាលាភូមិន្ទរដ្ឋបាល៖ នៅព្រឹកថ្ងៃចន្ទ ទី១៨ ខែឧសភា ឆ្នាំ២០២៦នេះ ឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ ប្រធានលេខាធិការដ្ឋានគណៈកម្មាធិការជាតិសម្រាប់ការអភិវឌ្ឍតាមបែបប្រជាធិបតេយ្យនៅថ្នាក់ក្រោមជាតិ (គ.ជ.អ.ប.) និងក្នុងនាមជាសមាជិកគណៈកម្មការវាយតម្លៃអង្គភាពផ្តល់សេវាសាធារណៈថ្នាក់ជាតិ (គ.វ.ជ.) បានចូលរួមវាយតម្លៃបេក្ខភាពជ័យលាភីអង្គភាពផ្តល់សេវាសាធារណៈគំរូ ក្នុងវិស័យអប់រំសម្រាប់អនុវិទ្យាល័យ និងសាលាបឋមសិក្សា និងវិស័យសុខាភិបាលសម្រាប់មណ្ឌលសុខភាព ឆ្នាំ២០២៥ ពិនិត្យវាយតម្លៃសម្រេចជ្រើសសម្រាំងដំណាក់កាលចុងក្រោយ។ ការអនុវត្តការវាយតម្លៃចុងក្រោយនេះ បេក្ខភាពនីមួយៗត្រូវធ្វើបទបង្ហាញពីសមិទ្ធផលសម្រេចបានរបស់អង្គភាពរយៈពេល៣០នាទី និងការឆ្លើយនូវរាល់សំណួរពីសំណាក់ គ.វ.ជ. រយៈពេល២០នាទី។ ការវាយតម្លៃរបស់គណៈកម្មការត្រូវធ្វើលើ២ផ្នែកគឺ ការដាក់ពិន្ទុលើតារាងលក្ខណៈវិនិច្ឆ័យនៃការវាយតម្លៃ និងការវិនិច្ឆ័យលើការធ្វើបទបង្ហាញ។ គ.វ.ជ. នឹងធ្វើការវាយតម្លៃជ្រើសសម្រាំងយកបេក្ខភាពដែលផ្តល់សេវាសាធារណៈបានល្អជាងគេ និងលេចធ្លោជាងគេ ដើម្បីធ្វើចំណាត់ថ្នាក់បេក្ខភាពជ័យលាភីពីលេខ១ ដល់លេខ៥ សម្រាប់អង្គភាព ៣កម្រិត មានអនុវិទ្យាល័យ សាលាបឋមសិក្សា និង មណ្ឌលសុខភាព។ ការវាយតម្លៃសម្រេចដំណាក់កាលចុងក្រោយនេះ ប្រព្រឹត្តទៅដោយមានការអញ្ជើញចូលរួម និងដាក់ពិន្ទុដោយផ្ទាល់ពីសំណាក់ ឯកឧត្តម ហ៊ុន ម៉ានី ឧបនាយករដ្ឋមន្រ្តី រដ្ឋមន្រ្តីក្រសួងមុខងារសាធារណៈ និងជាប្រធាន គ.វ.ជ. ព្រមទាំងថ្នាក់ដឹកនាំជា សមាជិក សមាជិកា នៃ គ.វ.ជ.។ មុនចាប់ផ្តើម ឯកឧត្តមឧបនាយករដ្ឋមន្ត្រី […]

ពោធិ៍សាត់៖ នៅថ្ងៃទី១៨ ខែឧសភា ឆ្នាំ២០២៦ ឯកឧត្តម ខូយ រីដា អភិបាលនៃគណៈអភិបាលខេត្តពោធិ៍សាត់ និងជាប្រធានកិត្តិយសសមាគមអតីតយុទ្ធជនខេត្ត បានអញ្ជើញដឹកនាំក្រុមការងារ និងអាជ្ញាធរមូលដ្ឋាន ចុះពិនិត្យមើលវឌ្ឍនភាពការងារ និងសមិទ្ធផលនានារបស់បងប្អូនអតីតយុទ្ធជន ដែលកំពុងរស់នៅក្នុងភូមិ ប៊ុន រ៉ានី ហ៊ុន សែន ដំណាក់ទ្រយឹង ស្ថិតក្នុងឃុំព្រងិល ស្រុកភ្នំក្រវាញ ខេត្តពោធិ៍សាត់។ ក្នុងឱកាសចុះពិនិត្យមើលវឌ្ឍនភាពការងារ និងសមិទ្ធផលនានា ឯកឧត្តម ខូយ រីដា បានថ្លែងនូវការកោតសរសើរចំពោះការខិតខំប្រឹងប្រែងរបស់អាជ្ញាធរគ្រប់លំដាប់ថ្នាក់ និងបងប្អូនអតីតយុទ្ធជនទាំងអស់ ដែលបានរួមគ្នាប្រែក្លាយតំបន់នេះឱ្យមានការអភិវឌ្ឍ និងមានសណ្តាប់ធ្នាប់ល្អ។ ឯកឧត្តម សង្ឃឹមថា នាពេលអនាគត ភូមិនេះនឹងការកែប្រែមុខមាត់ទាំងស្ថានភាពរស់នៅរបស់ប្រជាពលរដ្ឋ ទាំងសេដ្ឋកិច្ច នឹងអាចក្លាយជាតំបន់ទេសចរណ៍ថ្មីមួយទៀតរបស់ខេត្តពោធិ៍សាត់។ គួរជម្រាបជូនថា ភូមិប៊ុនរ៉ានី សែនជ័យ ដំណាក់ទ្រយឹង គឺជាភូមិដែលទើបនឹងបង្កើតថ្មី ដោយកាត់ចេញពីភូមិសាយ នៃឃុំព្រងិល ស្រុកភ្នំក្រវាញ ខេត្តពោធិ៍សាត់ មានចម្ងាយប្រមាណ៨០គីឡូម៉ែត្រ ពីទីរួមខេត្តពោធិ៍សាត់ និងមានចម្ងាយប្រមាណ៥០គីឡូម៉ែត្រ ពីទីរួមស្រុកក្រគរ។ ប្រជាពលរដ្ឋដែលរស់នៅភូមិថ្មីនេះ មានចំនួន៦២៨គ្រួសារ សុទ្ធសឹងជាគ្រួសារអតីតយុទ្ធក្រីក្រ ដែលត្រូវជ្រើសរើសឱ្យទទួលបានផ្ទះ និងដីសម្បទានសង្គមកិច្ច […]

ទីស្តីការក្រសួងមហាផ្ទៃ៖ នារសៀលថ្ងៃចន្ទ ទី១៨ ខែឧសភា ឆ្នាំ២០២៦ នេះ ឯកឧត្តម សួស ប្រាថ្នា អគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃ បាន អញ្ជើញទទួលជួបប្រជុំពិភាក្សាការងារជាមួយ លោក សូ សេយ៉ាម៉ា ប្រធានក្រុមដឹកនាំបេសកកម្មនិងជាអ្នកជំនាញវិស័យសាធារណៈ នៃធនាគារអភិវឌ្ឍន៍អាស៊ី(ADB) និងសហការី នៅទីស្តីការក្រសួងមហាផ្ទៃ។ កិច្ចប្រជុំនេះដែរក៏មានការអញ្ជើញចូលរួមពីឯកឧត្តម បួន ហេង អគ្គនាយករង នៃអគ្គនាយកដ្ឋានរដ្ឋបាល ក្រសួងមហាផ្ទៃ តំណាងនាយកដ្ឋានកិច្ចការរដ្ឋបាលរាជធានី ខណ្ឌ និងខេត្ត តំណាងនាយកដ្ឋានកិច្ចការរដ្ឋបាលក្រុង ស្រុក ឃុំ សង្កាត់ តំណាងធនាគារអភិវឌ្ឍន៍អាស៊ី និងលោក លោកស្រីមន្ត្រីបច្ចេកទេសពាក់ព័ន្ធសរុបចំនួន ១៥នាក់។ កិច្ចប្រជុំនេះ មានគោលបំណងពិភាក្សាអំពីការរៀបចំរបាយការណ៍បិទបញ្ចប់កម្មវិធីនេះដើម្បីពិនិត្យលទ្ធភាពក្នុងការផ្ដល់ការគាំទ្រណាមួយនៅពេលអនាគត ធនាគារអភិវឌ្ឍន៍អាស៊ីមានបំណងសិក្សា និងស្វែងយល់បន្ថែមអំពីតួនាទី ភារកិច្ចរបស់អគ្គនាយកដ្ឋានរដ្ឋបាល ដោយផ្ដោតលើតួនាទី ភារកិច្ច និងការសម្របសម្រួលរបស់អគ្គនាយកដ្ឋានរដ្ឋបាលជាមួយក្រសួង ស្ថាប័ន គាំទ្រដល់កិច្ចដំណើរការផ្ទេរមុខងារ និងធនធាន និងការផ្ដល់សេវារដ្ឋបាលនៅរដ្ឋបាលថ្នាក់ក្រោមជាតិ៖ វឌ្ឍនភាព និងបញ្ហប្រឈម។ ឯកឧត្ដមអគ្គនាយក នៃអគ្គនាយកដ្ឋានរដ្ឋបាល ក្រសួងមហាផ្ទៃបានស្នើសុំធនាគារអភិវឌ្ឍន៍អាស៊ី […]

ក្នុងគោលបំណងពញ្ញាក់ស្មារតី និងរម្លឹកឡើងវិញនូវភារកិច្ចស្នូលសំខាន់ៗ របស់មន្ត្រីនគរបាលជាតិ នាព្រឹកថ្ងៃទី១៨ ខែឧសភា ឆ្នាំ២០២៦ លោក ទូច សុឃៈ អ្នកនាំពាក្យរងក្រសួងមហាផ្ទៃ បានលើកយកខ្លឹមសារនៃប្រកាសលេខ៨៧៣ ស្តីពី បទវិន័យនគរបាលជាតិកម្ពុជា ត្រង់ជំពូកទី៣ ប្រការ៩ មកអត្ថាធិប្បាយបង្ហាញ និងរំលឹកឡើងវិញនូវភារកិច្ចស្នូលចំនួន១៥ចំណុច ដែលមន្ត្រីនគរបាលជាតិគ្រប់រូបត្រូវយល់ដឹង និងអនុវត្តឱ្យបានខ្ជាប់ខ្ជួនបំផុត ក្នុងគោលដៅបម្រើផលប្រយោជន៍ប្រជាពលរដ្ឋ និងសង្គមជាតិ។ បើតាមអ្នកនាំពាក្យរង ភារកិច្ចសំខាន់ៗទាំង១៥ចំណុចនោះ រួមមាន ដូចខាងក្រោម។ ទី១.មន្ត្រីនគរបាលជាតិត្រូវគោរព និងប្រតិបត្តិដោយស្មោះត្រង់ចំពោះរាជរដ្ឋាភិបាល ព្រមទាំងតម្កល់ផលប្រយោជន៍របស់ប្រជាពលរដ្ឋជាធំប្រកបដោយសុចរិតភាព ទី២.ត្រូវផ្តល់សេវាជូនប្រជាពលរដ្ឋ ទាក់ទងនឹងការងារសន្តិសុខ សណ្តាប់ធ្នាប់សាធារណៈ និងសុវត្ថិភាពសង្គម ដោយប្រកាន់ខ្ជាប់នូវអាកប្បកិរិយា និងឥរិយាបថល្អ ប្រកបដោយសីលធម៌ ភាពស្មោះត្រង់ យុត្តិធម៌ និងភាពមិនលម្អៀងក្នុងពេលបំពេញភារកិច្ច ទី៣.ត្រូវរក្សាកិត្តិយស ឥស្សរភាព និងសេចក្តីថ្លៃថ្នូររបស់មន្ត្រីនគរបាលជាតិ ក្នុងការបំពេញភារកិច្ច ទី៤.ត្រូវរក្សាការសម្ងាត់របស់ជាតិ ក្រសួង និងអង្គភាពខ្លួន ទាក់ទងនឹងហេតុការណ៍ ឯកសារ និងព័ត៌មានដែលខ្លួនបានដឹង ទី៥.ត្រូវមានអព្យាក្រឹត្យភាពជានិច្ច ក្នុងការបំពេញតួនាទី និងភារកិច្ច ទី៦.បញ្ចេញមតិយោបល់ដោយប្រុងប្រយ័ត្ន ព្រមទាំងគិតដល់ការប្រតិកម្មតបតមកវិញនូវរាល់ទង្វើ និងពាក្យសម្តីរបស់ខ្លួនពីសំណាក់សាធារណជន ទី៧.ត្រូវបំពេញភារកិច្ចក្នុងការផ្តល់សេវា […]

​ខេត្តកណ្តាល៖ រដ្ឋបាលខេត្តកណ្ដាល បានរៀបចំពិធីចុះហត្ថលេខាលើផែនទីព្រំប្រទល់រដ្ឋបាលឃុំ សង្កាត់ ទូទាំងខេត្តកណ្តាល ក្រោមអធិបតីភាពឯកឧត្តម ឈឿន ប៉ុណ្ណារ័ត្ន រដ្ឋលេខាធិការក្រសួងរៀបចំដែនដីនគរូបនីយកម្ម និងសំណង់ ឯកឧត្តម គួច ចំរើនអភិបាល នៃគណៈអភិបាលខេត្តកណ្តាល និងឯកឧត្តម វុឌ្ឍី វណ្ណារ៉ា អគ្គនាយក នៃអគ្គនាយកដ្ឋានសុរិយោដី និងភូមិសាស្ត្រ និងមានការអញ្ជើញចូលរួមពីសំណាក់ លោក-លោកស្រីអភិបាលក្រុង ស្រុក ទាំង១៣ មន្ទីររៀបចំដែនដី នគរូបនីយកម្ម សំណង់ និងសូរិយោដីខេត្ត មន្ត្រីបច្ចេកទេស ព្រមទាំងលោក-លោកស្រីមេឃុំ ចៅសង្កាត់ទូទាំងខេត្តយ៉ាងច្រើនកុះករ នាព្រឹកថ្ងៃទី១៨ ខែឧសភា ឆ្នាំ២០២៦។ ពិធីចុះហត្ថលេខានេះ ធ្វើឡើងបន្ទាប់ពីក្រុមការងារបច្ចេកទេស និងអាជ្ញាធរមូលដ្ឋាន បានខិតខំប្រឹងប្រែងចុះវាស់វែង កំណត់និយាមកា និងដោះស្រាយវិវាទព្រំប្រទល់នានាដោយជោគជ័យ និងទទួលបានការឯកភាពគ្នាយ៉ាងពេញលេញពីគ្រប់ភាគីពាក់ព័ន្ធ។ ​ មានប្រសាសន៍ក្នុងឱកាសនោះ ឯកឧត្តម គួច ចំរើន អភិបាល នៃគណៈអភិបាលខេត្តកណ្តាល បានបញ្ជាក់ថា៖ មកដល់ពេលនេះក្នុងចំណោម១២៧ឃុំ សង្កាត់នៅក្នុងខេត្តកណ្តាលរបស់យើងដែលសំរេចបាន៩០ឃុំ សង្កាត់ ដែលក្រសួងរៀបចំដែនដីផ្តល់ការគាំទ្រនូវផែនទីរដ្ឋបាលឃុំសង្កាត់ និងនៅសល់ ៣២ឃុំ […]

តាកែវ ៖ នៅថ្ងៃទី១៨ ខែឧសភា ឆ្នាំ២០២៦ ឯកឧត្តម វ៉ី សំណាង អភិបាលខេត្តតាកែវ និងជាប្រធានគណៈកម្មាធិការសាខាកាកបាទក្រហមកម្ពុជាខេត្ត និងលោកជំទាវ សុខ កែវ ច័ន្ទសារុន រួមដំណើរដោយសមាជិក សមាជិកាគណៈកម្មាធិការសាខា លោកនាយកប្រតិបត្តិសាខា មន្រ្តីប្រតិបត្តិសាខា និងអនុសាខាកាកបាទក្រហមកម្ពុជាស្រុកត្រាំកក់ បានអញ្ជើញចុះសួរសុខទុក្ខ និងនាំយកអំណោយមនុស្សធម៌របស់សាខា មកផ្តល់ជូនគ្រួសារប្រជាពលរដ្ឋរងគ្រោះដោយសារខ្យល់កន្រ្តាក់ចំនួន ៧៥គ្រួសារ  មានចំនួន ២ឃុំ ក្នុងនោះឃុំតាភេម ចំនួន៧១ គ្រួសារ និងឃុំត្រពាំងធំខាងត្បូង ចំនួន ៤គ្រួសារ ក្នុងស្រុកត្រាំកក់ ខេត្តតាកែវ។ ក្នុងឱកាសនោះ ឯកឧត្តម វ៉ី សំណាង ក៏បានពាំនាំនូវការផ្ដាំផ្ញើរសួរសុខទុក្ខពីសំណាក់ សម្ដេចកិតិ្តព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ជានិច្ចកាល សម្ដេច តែងតែយកចិត្តទុកដាក់គិតគូរខ្ពស់ជានិច្ចអំពីសុខទុក្ខដល់ប្រជាពលរដ្ឋដែលរងគ្រោះ និងងាយរងគ្រោះគ្រប់ប្រភេទ នៅគ្រប់ទីកន្លែងដោយមិនប្រកាន់និន្នាការ ពូជសាសន៍ សាសនា អ្វីឡើយ ដូចពាក្យស្លោក ទីណាមានការលំបាកទីនោះមានកាកបាទក្រហមកម្ពុជា។ ជាមួយគ្នានោះឯកឧត្តម វ៉ី សំណាង […]

មណ្ឌលគិរី៖ នៅថ្ងៃចន្ទ ទី១៨ ខែឧសភា ឆ្នាំ២០២៦ នេះ លោកឧត្តមសេនីយ៍ទោ ឡោ សុខា ស្នង ស្នងការ នៃស្នងការដ្ឋាននគរបាលខេត្តមណ្ឌលគិរី បានអញ្ជើញដឹកនាំកិច្ចប្រជុំគណៈស្នងការនគរបាលខេត្ត និងផ្សព្វផ្សាយផែនការ ការងារក្រុមប្រឹក្សាវិន័យ ទៅដល់លោកស្នងការរងនៅតាមបណ្តាផែន និងតាមបណ្តាការិយាល័យជំនាញនិងតាមបណ្តា អធិការនគរបាលក្រុងស្រុកទាំង៥ ព្រមទាំងលោកមេបញ្ជាការវរសេនាតូចនគរបាលការពារព្រំដែនគោកទាំង២ផងដែរ ដេីម្បីពង្រឹងវិន័យរបស់កងកម្លាំងនគរបាលជាតិ។ កិច្ចប្រជុំនេះដែរ ក៏មានការអញ្ជេីញចូលរួមពី លោកស្នងការរង លោកនាយការិយាល័យ នាយរងការិយាល័យ លោកអធិការនគរបាលក្រុង ស្រុក ព្រមទាំងមន្ត្រីពាក់ព័ន្ធជាច្រេីនរូបទៀត។ ប្រភព៖ ស្នងការដ្ឋាននគរបាលខេត្តមណ្ឌលគិរី

បាត់ដំបង៖ ឯកឧត្តម អ៊ុយ រី ប្រធានក្រុមប្រឹក្សាខេត្ត និងឯកឧត្តម សុខ លូ អភិបាល នៃគណៈអភិបាលខេត្ត បានអញ្ជើញចូលរួមក្នុងពិធីផ្ទេរ-ប្រគល់សមិទ្ធផលគម្រោងសមាហរណកម្មការបោសសម្អាតមីននិងសង្គ្រោះជនពិការដោយសារមីនដំណាក់កាលទី២និងការបើកគម្រោងថ្មីដំណាក់កាលទី៣គាំទ្រហិរញ្ញប្បទានដោយរដ្ឋាភិបាលជប៉ុន ក្រោមអធិបតីភាពដ៏ខ្ពង់ខ្ពស់ ឯកឧត្តម ប្រាក់ សុខុន ឧបនាយករដ្ឋមន្រ្តី រដ្ឋមន្រ្តីក្រសួងការបរទេស និងសហប្រតិបត្តិការអន្ដរជាតិ តំណាងដ៏ខ្ពង់ខ្ពស់សម្ដេចមហាបវរធិបតី ហ៊ុន ម៉ាណែត នាយករដ្ឋមន្រ្តីនៃព្រះរាជាណាចក្រកម្ពុជា និងឯកឧត្តម អ៊ូអិណុ អាត់ស៊ុស៊ិ (UENO Atsushi)ឯកអគ្គរាជទូតជប៉ុនប្រចាំព្រះរាជាណាចក្រកម្ពុជា ដែលពិធីនេះធ្វើឡើងនៅថ្ងៃទី១៨ ខែឧសភា ឆ្នាំ២០២៦ នៅមណ្ឌលអភិវឌ្ឍន៍មរតកតេជោ ស្ថិតនៅក្នុងស្រុកគាស់ក្រឡ ខេត្តបាត់ដំបង។ តាមរយៈរបាយការណ៍ស្វាគមន៍ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានគូសបញ្ជាក់ថា អង្គភាពស៊ីម៉ាក់ និងប្រតិបត្តិករដោះមីនដទៃទៀត បានដើរតួនាទីយ៉ាងសំខាន់ក្នុងបេសកកម្មបោសសម្អាតមីន និងគ្រាប់មិនទាន់ផ្ទុះ ជាពិសេសក្នុងភូមិសាស្ត្រទឹកដីនៃខេត្តបាត់ដំបង រួមជាមួយនឹងដៃគូអភិវឌ្ឍន៍ដទៃទៀតបានជួយបោសសម្អាតមីន និងធ្វើការអភិវឌ្ឍយ៉ាងសកម្មបំផុតតាមបណ្តាស្រុកមួយចំនួនដូចជា៖ ស្រុករតនមណ្ឌល ស្រុកបវេល ស្រុកបាណន់ ស្រុកសំឡូត ស្រុកគាស់ក្រឡ ស្រុកមោងឫស្សី និងស្រុករុក្ខគិរីជាដើម ដែលទទួលការគម្រាមកំហែងដោយសារគ្រាប់មីន និងគ្រាប់មិនទាន់ផ្ទុះ […]

ឧត្តរមានជ័យ៖ នាព្រឹកថ្ងៃចន្ទ ទី១៨ ខែឧសភា ឆ្នាំ២០២៦នេះ ឯកឧត្តម ប៊ុន ហុន រដ្ឋលេខាធិការ ក្រសួងមហាផ្ទៃ និងជាតំណាងដ៏ខ្ពង់ខ្ពស់ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ បានអញ្ជើញជាអធិបតីប្រកាសចូលកាន់មុខតំណែង អភិបាលរងខេត្តឧត្តរមានជ័យ និងនាយករដ្ឋបាលសាលាខេត្តឧត្តរមានជ័យ ពិធីប្រកាសនេះ ក៏មានការអញ្ជើញចូលរួមពី អនុរដ្ឋលេខាធិការ ក្រសួងមហាផ្ទៃ តំណាងអង្គភាពចំណុះក្រសួងមហាផ្ទៃ ប្រធានក្រុមប្រឹក្សាខេត្ត អភិបាលខេត្ត ថ្នាក់ដឹកនាំខេត្ត ប្រធានមន្ទីរអង្គភាពជុំវិញខេត្ត អភិបាលក្រុង ស្រុក មេឃុំ ចៅសង្កាត់ មន្រ្តីរាជការ និងកងកម្លាំងប្រដាប់អាវុធគ្រប់លំដាប់ សរុបប្រមាណ ២៤០នាក់ ពិធីនេះប្រារព្ធធ្វើឡើងនៅសាលាប្រជុំខេត្តឧត្តរមានជ័យ។ សូមជម្រាបជូនថា ពិធីប្រកាសមុខតំណែងខាងលើ ត្រូវបានរៀបចំឡើងក្នុងការតែងតាំងមន្ត្រីរាជការចំនួន ២រូប ដូចខាងក្រោម៖ ១. លោក រិទ្ធី ប៉ាក់ ឱ្យកាន់មុខតំណែងជាអភិបាលរង នៃគណ:អភិបាលខេត្តឧត្តរមានជ័យ ជំនួសលោក ផៃ ប៊ុនវណ្ណៈ។ ២.លោក ប៉ិច រតនៈ ឱ្យកាន់មុខតំណែងជានាយករដ្ឋបាលសាលាខេត្តឧត្តរមានជ័យ […]

(កំពង់ចាម)៖ នៅព្រឹក ថ្ងៃចន្ទ ទី១៨ ខែឧសភា ឆ្នាំ២០២៦ ឯកឧត្តម អ៊ុន ចាន់ដា អភិបាល នៃគណៈអភិបាលខេត្តកំពង់ចាម និងជាប្រធានគណៈកម្មាធិការសាខាកាកបាទក្រហមកម្ពុជាខេត្តកំពង់ចាម រួមដំណើរដោយឯកឧត្តម លោកជំទាវ អនុប្រធាន សមាជិក សមាជិកាគណ:កម្មាធិការសាខា លោកបណ្ឌិត សំ ពិសិដ្ឋ ប្រធានអនុសាខាស្រុក រួមនឹងក្រុមការងារ បានអញ្ជើញចុះជួបសួរសុខទុក្ខ និងនាំយកអំណោយមនុស្សធម៌ ដ៏ថ្លៃថ្លារបស់សម្តេចកិត្តិព្រឹទ្ធបណ្ឌិត ប៊ុន រ៉ានី ហ៊ុនសែន ប្រធានកាកបាទក្រហមកម្ពុជា ផ្តល់ជូនប្រជាពលរដ្ឋរងគ្រោះដោយខ្យល់កន្ត្រាក់ សរុប ៧៣គ្រួសាររស់នៅក្នុង១២ភូមិ ក្នុងឃុំចំនួន ៤ រួមមាន: ឃុំស្វាយទាប ៦ភូមិ ឃុំស្ពឺ ១ភូមិ ឃុំល្វាលើ ៣ភូមិ និងឃុំជយោ ២ភូមិ ក្នុងស្រុកចំការលើ។ សូមបញ្ជាក់ថា ហេតុការណ៍នេះ បានកើតឡើង កាលពីម៉ោង ១០យប់ ថ្ងៃទី១៦ ខែឧសភា ឆ្នាំ២០២៦ ដែលពេលនោះ មានភ្លៀង លាយឡំនឹងខ្យល់កន្ត្រាក់បក់គួច […]

នៅព្រឹកថ្ងៃចន្ទ ទី១៨ ខែឧសភា ឆ្នាំ២០២៦ ឯកឧត្តម អ៊ូច ភា រដ្ឋលេខាធិការ តំណាងដ៏ខ្ពង់ខ្ពស់ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម ហ៊ូ តាំងអេង រដ្ឋលេខាធិការ តំណាងដ៏ខ្ពង់ខ្ពស់ ឯកឧត្តម ប៊ិន ត្រឈៃ រដ្ឋមន្ត្រីក្រសួងផែនការ អញ្ជើញជាអធិបតីក្នុងពិធីផ្សព្វផ្សាយខ្លឹមសារគោលនយោបាយ«ភូមិ-ឃុំ-សង្កាត់មានសុវត្ថិភាព»របស់រាជរដ្ឋាភិបាល ដល់ថ្នាក់ដឹកនាំមន្ត្រីរាជការនៅសាលប្រជុំ ទីស្តីការក្រសួងផែនការ ដោយមានការអញ្ជើញចូលរួម ឯកឧត្តម រដ្ឋលេខាធិការ  ឯកឧត្តម អគ្គលេខាធិការ  អគ្គនាយក អគ្គាធិការ អគ្គលេខាធិការងអគ្គនាយករង  អគ្គាធិការរង ប្រធាន-អនុប្រធាននាយកដ្ឋាន  ប្រធាន- អនុប្រធានការិយាល័យ និងមន្ត្រី  សរុបចំនួន ២៣៣នាក់ ស្រី ៧៦នាក់ ។   ការផ្សព្វផ្សាយគោលនយោបាយនេះ មានគោលបំណង ដើម្បីបញ្ជ្រាបការយល់ដឹងអំពីគោលនយោបាយជាតិ ឱ្យបានកាន់តែទូលំទូលាយ និងដើម្បីកៀរគរការចូលរួមពីគ្រប់ភាគីពាក់ព័ន្ធទាំងអស់ ក្នុងការចូលរួមផ្សព្វផ្សាយ និងអនុវត្តគោលនយោបាយនេះឱ្យមានប្រសិទ្ធភាព ស្របតាមឆន្ទៈ និងការប្ដេជ្ញាចិត្ត របស់រាជរដ្ឋាភិបាលកម្ពុជា ក្នុងការលើកកម្ពស់សុខសុវត្ថិភាពសង្គម អនាម័យបរិស្ថាន សុខុមាលភាពប្រជាពលរដ្ឋ ការផ្តល់សេវាសាធារណៈ ការទប់ស្កាត់នូវគ្រោះមហន្តរាយ គ្រោះថ្នាក់ចរាចរណ៍ […]

នៅព្រឹកថ្ងៃទី១៨ ខែឧសភា ឆ្នាំ២០២៦ ឯកឧត្ដមឧបនាយករដ្ឋមន្ត្រី ប្រាក់ សុខុន រដ្ឋមន្ត្រីការបរទេស និងសហប្រតិបត្តិការអន្តរជាតិ តំណាងដ៏ខ្ពង់ខ្ពស់សម្តេចមហាបវរធិបតី ហ៊ុន ម៉ាណែត នាយករដ្ឋមន្រ្តី នៃព្រះរាជាណាចក្រកម្ពុជា រួមជាមួយ ឯកឧត្ដម UENO Atsushi ឯកអគ្គរាជទូតជប៉ុន ប្រចាំព្រះរាជាណាចក្រកម្ពុជា បានអញ្ជើញជាអធិបតីក្នុងពិធីប្រគល់-ទទួលសមិទ្ធផល នៃគម្រោងសមាហរណកម្មការបោសសម្អាតមីន និងជួយសង្គ្រោះជនពិការ ដោយសារមីនដំណាក់កាលទី២ និងការបើកគម្រោងដំណាក់កាលទី៣ ក្រោមហិរញ្ញប្បទានឥតសំណងរបស់រដ្ឋាភិបាលជប៉ុន នៅមជ្ឈមណ្ឌលអភិវឌ្ឍន៍ស៊ីម៉ាក់ “មរតកតេជោ” នៅស្រុកគាស់ក្រឡ ខេត្តបាត់ដំបង។  ពិធីនេះដែរក៏មានការអញ្ជើញចូលរួមពីសំណាក់ ឯកឧត្ដមប្រតិភូអគ្គនាយកស៊ីម៉ាក់ (CMAC) ឯកឧត្ដមអភិបាលខេត្តបាត់ដំបង ឯកឧត្តមលោកជំទាវ សមាជិករដ្ឋសភា សមាជិករាជរដ្ឋាភិបាល អង្គទូត តំណាងអង្គការអន្តរជាតិ មន្ដ្រីរាជការ កងកម្លាំងប្រដាប់អាវុធ មន្រ្តី-បុគ្គលិក CMAC លោកគ្រូ-អ្នកគ្រូ សិស្សានុសិស្ស និងប្រជាពលរដ្ឋសរុបចំនួន ២.០៤២ រូប។ ឯកឧត្ដមឧបនាយករដ្ឋមន្ត្រី បានថ្លែងអំណរគុណយ៉ាងជ្រាលជ្រៅដល់ប្រជាជន និងរដ្ឋាភិបាល ជប៉ុនចំពោះជំនួយដ៏ថ្លៃថ្លានេះ សម្រាប់គាំទ្រ គម្រោងសមាហរណកម្មការបោសសម្អាតមីន និងជួយសង្គ្រោះជនពិការដោយសារមីន ដំណាក់ […]

AKP ភ្នំពេញ ថ្ងៃទី១៨ ខែឧសភា ឆ្នាំ២០២៦– សេចក្តីប្រកាសព័ត៌មាន ស្តីពីការបើកយុទ្ធនាការ «និយាយថាទេចំពោះព័ត៌មានក្លែងក្លាយ» ជំហានទី២ ពង្រឹងអក្ខរកម្មព័ត៌មាននិងប្រព័ន្ធផ្សព្វផ្សាយដើម្បីសុវត្ថិភាពព័ត៌មាន បានលើកឡើងថា ប្រឈមមុខនឹងហានិភ័យឌីជីថល និងព័ត៌មានក្លែងក្លាយក្នុងបរិយាកាសដែលបច្ចេកវិទ្យាមានការ វិវត្តយ៉ាងរហ័ស យុវវ័យចាំបាច់ត្រូវអភិវឌ្ឍផ្នត់គំនិតតាមអភិក្រម សុវត្ថិភាពព័ត៌មាន» ដែលទាមទារឱ្យចេះ គិតពិចារណា និងការយល់ដឹងច្បាស់អំពីប្រព័ន្ធឌីជីថល មធ្យោបាយទទួលព័ត៌មាន ជំនួសឱ្យទម្លាប់នៃការ ទទួលយកព័ត៌មានដោយអកម្ម។ ទិដ្ឋភាពទាំងនេះជាផ្នែកនៃការពង្រឹងអក្ខរកម្មព័ត៌មាន និងប្រព័ន្ធផ្សព្វផ្សាយ ក្នុងក្របខណ្ឌនៃយុទ្ធនាការនិយាយថាទេចំពោះព័ត៌មានក្លែងក្លាយ» ជំហានទី២ ដែលត្រូវបាន ប្រកាសបើកនិងដាក់ឱ្យដំណើរការជាផ្លូវការ នៅព្រឹកថ្ងៃចន្ទ ២កើត ខែជេស្ឋ ឆ្នាំមមី អដ្ឋស័ក ព.ស.២៥៧០ ត្រូវនឹងថ្ងៃទី១៨ ខែឧសភា ឆ្នាំ២០២៦ ក្នុងបរិវេណវិទ្យាល័យ ហ៊ុន សែន ប៊ុន រ៉ានី វត្តភ្នំ រាជធានីភ្នំពេញ។ ពិធីនេះបានប្រព្រឹត្តទៅក្រោមអធិបតីភាព ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន និងវត្តមានរបស់ ថ្នាក់ដឹកនាំនិងមន្ត្រីក្រសួងព័ត៌មាន តំណាងនៃក្រសួងអប់រំ យុវជន និងកីឡា ព្រមទាំងគណៈគ្រប់គ្រង […]

ខេត្តសៀមរាប ៖ នាថ្ងៃចន្ទ ទី១៨ ខែឧសភា ឆ្នាំ២០២៦ ឯកឧត្តម ឆេង វឌ្ឍនៈ អនុប្រធានលេខាធិការដ្ឋាន គ.ជ.អ.ប. និងជានាយកគម្រោងរដ្ឋបាលមូលដ្ឋាន និងការប្រែប្រួលអាកាសធាតុ ដំណាក់កាលទី៣ តំណាងឯកឧត្តម ចាន់ សុធា រដ្ឋលេខាធិការក្រសួងមហាផ្ទៃ និងជាប្រធានលេខាធិការដ្ឋាន គ.ជ.អ.ប.  លោក Enrico Gaveglia អ្នកតំណាងកម្មវិធីអភិវឌ្ឍសហប្រជាជាតិប្រចាំកម្ពុជា (UNCDF/UNDP/UNV Resident Representative) បានអញ្ជើញជាគណៈអធិបតីដឹកនាំសិក្ខាសាលាចាប់ផ្ដើមអនុវត្តគម្រោងរដ្ឋបាលមូលដ្ឋាន និងការប្រែប្រួលអាកាសធាតុ ដំណាក់កាលទី៣។   សិក្ខាសាលានេះរៀបចំឡើងដោយផ្ទាល់ និងតាមរយៈប្រព័ន្ធបញ្ជូនរូបភាពនិងសម្លេងពីចម្ងាយ (Zoom) ក្នុងគោលបំណងដើម្បីផ្សព្វផ្សាយជាផ្លូវការដល់រដ្ឋបាលខេត្តគោលដៅចំនួន០៣គឺ ពោធិ៍សាត់ បាត់ដំបង និងព្រះវិហារ រដ្ឋបាលស្រុកគោលដៅចំនួន២៥ និងអ្នកពាក់ព័ន្ធនានាអំពីការចាប់ផ្ដើមអនុវត្តគម្រោង LGCC-3 ដែលមានរយៈពេល៥ឆ្នាំ។ គួរបញ្ជាក់ផងដែរថា គម្រោងនេះនឹងត្រូវសម្រេចឱ្យបាននូវសមិទ្ធផលរំពឹងទុកសំខាន់ចំនួន០២រួមមាន ១). ការបន្ស៊ាំទៅនឹងការប្រែប្រួលអាកាសធាតុត្រូវបានបញ្ជ្រាប ក្នុងដំណើរការកសាងផែនការ និងការរៀបចំថវិកាប្រកបដោយបរិយាបន្នរបស់រដ្ឋបាលមូលដ្ឋាន និង ២). ភាពធន់នឹងការប្រែប្រួលអាកាសធាតុក្នុងវិស័យកសិកម្ម សន្តិសុខស្បៀង សុខភាព ទឹក បរិស្ថាន ប្រព័ន្ធអេកូឡូស៊ី […]

AKP ភ្នំពេញ ថ្ងៃទី១៨ ខែឧសភា ឆ្នាំ២០២៦–ក្នុងយុទ្ធនាការនិយាយថាទេចំពោះព័ត៌មានក្លែងក្លាយ ដែលមានការចូលរួមពីសិស្សានុសិស្សនៃវិទ្យាល័យហ៊ុន សែន ប៊ុន រ៉ានី វត្តភ្នំជាង ២៥០០នាក់ នាព្រឹកថ្ងៃទី១៨ ខែឧសភា ឆ្នាំ២០២៦នេះ ឯកឧត្តម នេត្រ ភក្ត្រា រដ្ឋមន្ត្រីក្រសួងព័ត៌មាន បានអះអាងថា ព័ត៌មានក្លែងក្លាយបានផ្តល់ផលអវិជ្ជមានដល់សង្គមជាតិដែលចាំបាច់យើងត្រូវតែចូលរួមក្នុងការទប់ស្កាត់វា។ ឯកឧត្តមរដ្ឋមន្ត្រី នេត្រ ភក្ត្រា បានគូសបញ្ជាក់បន្ថែមថា ដើម្បីចូលរួមប្រឆាំងនឹងព័ត៌មានក្លែងក្លាយឱ្យមានប្រសិទ្ធភាព គឺសូមកុំចែករំលែកព័ត៌មានក្លែងក្លាយ ដោយក្នុងករណីដែលប្អូនៗយល់ថាព័ត៌មានមួយនេះវាមិនត្រឹមត្រូវទេ សូមកុំចែករំលែកបន្តឱ្យសោះ ព្រោះថាកាលបើយើងចែករំលែកបន្តនូវព័ត៌មានក្លែងក្លាយអាចនាំឱ្យយើងប្រឈមមុខនឹងផ្លូវច្បាប់ ដែលសិស្សានុសិស្សយើងត្រូវតែចៀសវាងការប្រឈមនឹងផ្លូវច្បា​ប់​​ព្រោះយើងកំពុងតែសិក្សាត្រូវប្រឹងសិក្សារៀនសូត្រ និងនាំគ្នាចូលរួមទប់ស្កាត់ព័ត៌មានក្លែងក្លាយទាំងអស់គ្នា។ បើតាម ឯកឧត្តមរដ្ឋមន្ត្រី ដើម្បីប្រឆាំងនឹងព័ត៌មានក្លែងក្លាយ ទី១.ត្រូវមានដែលមានប្រភពច្បាស់លាស់ ទី២.ត្រូវមើលថាព័ត៌មានមួយនេះមានគេផ្សព្វផ្សាយច្រើនគ្នាដែរទេ ទី៣.ត្រូវគិតថាវាពិតជាត្រឹមត្រូវដែរឬទេមុននឹងជឿ តែយកល្អយើងត្រូវជឿទៅលើប្រភពផ្លូវការ ដែលជាប្រព័ន្ធផ្សព្វផ្សាយរបស់រដ្ឋ និងប្រព័ន្ធផ្សព្វ​ផ្សា​យឯកជន ដែលមានការដកស្រង់ព័ត៌មានពីប្រភពច្បាស់លាស់មកធ្វើការចុះផ្សាយ សូមកុំឱ្យមើលព័ត៌មានណាដែលគ្មានប្រភពច្បាស់លាស់ដែលអាចជាព័ត៌មានមិនពិត តែបើមកពីប្រភពផ្លូវការ គឺជាព័ត៌មានដែលត្រឹមត្រូវ។ ឯកឧត្តមរដ្ឋមន្ត្រីក្រសួងព័ត៌មានបានបន្តថា យុទ្ធនាការនិយាយថាទេចំពោះព័ត៌មានក្លែងក្លាយនេះនឹងត្រូវធ្វើនៅតាមសាលារៀននៅទូទាំងប្រទេសបន្ទាប់ពីយុទ្ធនាការនៅវិទ្យាល័យ ហ៊ុន សែន ប៊ុន រ៉ានី វត្តភ្នំនាពេលនេះ ដែលជាការជួបជុំដ៏សំខាន់ពីសំណាក់តំណាងមន្ទីរព័ត៌មានរាជធានី ខេត្ត និងអ្នកពាក់ព័ន្ធសម្រាប់យកទៅរៀបចំបន្តនៅតាមបណ្តាសាលារៀននានានៅទូទាំងប្រទេស ក្នុងគោលបំណងលើកកម្ពស់ចំណេះដឹងអំពីអក្ខរកម្មព័ត៌មាន […]

បាត់ដំបង៖ ឯកឧត្តម សុខ លូ អភិបាលនៃគណៈអភិបាលខេត្តបាត់ដំបង បានអញ្ជើញទទួលបដិសណ្ឋារកិច្ចស្វាគមន៍ឯកឧត្តម វ៉ាន់ឡុលវ៉ាណា បាវីតលុង (VANLALVAWNA BAWITLUNG) ឯកអគ្គរដ្ឋទូតនៃសាធារណរដ្ឋឥណ្ឌាប្រចាំនៅកម្ពុជា និងក្រុមគ្រួសារដែលបានមកទស្សនាកម្សាន្តនៅរមណីយដ្ឋានប្រវត្តិសាស្រ្តភ្នំសំពៅដែលជាគោលដៅទេសចរណ៍ដ៏ប្រណីតប្រចាំខេត្តបាត់ដំបង នៅល្ងាចថ្ងៃទី១៧ ខែឧសភា ឆ្នាំ២០២៦។ ក្នុងឱកាសនោះ ឯកឧត្តម សុខ លូ បានបង្ហាញជូនឯកឧត្តមឯកអគ្គរដ្ឋទូតអំពីវឌ្ឍនភាពការអភិវឌ្ឍហេដ្ឋារចនាសម្ព័ន្ធនានាដែលសម្រេចបានកន្លងមក ជាពិសេសសួនច្បារថ្មីដែលទើបសាងសង់រួចរាល់ដើម្បីបង្កលក្ខណៈងាយស្រួលឱ្យភ្ញៀវអង្គុយទស្សនាហ្វូងសត្វប្រចៀវ និងផែនការអភិវឌ្ឍបន្ថែមសំដៅបង្កើនការទាក់ទាញភ្ញៀវទេសចរជាតិនិងអន្តរជាតិមកទស្សនាកម្សាន្តសប្បាយឱ្យបានកាន់តែច្រើនឡើងបន្ថែមទៀត។ ឯកឧត្តមឯកអគ្គរដ្ឋទូត បានបង្ហាញការចាប់អារម្មណ៍ខ្លាំងលើប្រណីតភាព ភាពទាក់ទាញ និងទេសភាពដ៏ស្រស់បំព្រងនៃរមណីយដ្ឋានភ្នំសំពៅ។ បងប្អូនប្រជាពលរដ្ឋទាំងក្នុង និងក្រៅខេត្តដែលបានអញ្ជើញមកទស្សនាកម្សាន្តនៅរមណីយដ្ឋានភ្នំសំពៅបានលើកសរសើរពីកិច្ចខិតខំប្រឹងប្រែងរបស់រដ្ឋបាលខេត្តបាត់ដំបងក្នុងការរៀបចំគោលដៅទេសចរណ៍មួយនេះបានកាន់តែស្រស់ស្អាតប្លែក និងមានភាពទាក់ទាញមកទស្សនាហើយចង់មកទស្សនាម្ដងទៀតដោយមិនជិនណាយ។ សូមជម្រាបថា ភ្នំសំពៅជាគោលដៅទេសចរណ៍ដ៏សំខាន់ និងជាបេះដូងទេសចរណ៍ដ៏ល្បីល្បាញមួយក្នុងខេត្តបាត់ដំបងដែលទាក់ទាញភ្ញៀវទេសចរជាតិ និងអន្តរជាតិឱ្យមកទស្សនាកម្សាន្តជារៀងរាល់ថ្ងៃ។ភ្ញៀវទេសចរដែលមកលេងខេត្តបាត់ដំបងគឺកម្ររំលងទីតាំងនៃរមណីយដ្ឋានវប្បធម៌ប្រវត្តិសាស្ត្រភ្នំសំពៅនេះណាស់ដោយសារតែនៅទីនេះគឺមានសក្តានុពលយ៉ាងទាក់ទាញដ៏សម្បូរបែប។ សូមបញ្ជាក់ថា ភ្នំសំពៅជារមណីយដ្ឋានវប្បធម៌ប្រវត្តិសាស្ត្រមួយស្ថិតនៅតាមដងផ្លូវជាតិលេខ៥៧ (អតីតផ្លូវជាតិលេខ១០) ស្ថិតក្នុងឃុំភ្នំសំពៅស្រុកបាណន់មានចម្ងាយ១២គីឡូម៉ែត្រពីទីរួមខេត្តបាត់ដំបង។ អ្វីដែលពិសេសនោះគឺទស្សនីយភាពហ្វូងសត្វប្រចៀវរាប់លានក្បាលដែលហោះចេញពីល្អាង។ ជារៀងរាល់ថ្ងៃនៅមុនពេលសូរិយារៀបអស្តង្គតគឺជាពេលវេលាដ៏ជាក់លាក់ដែលហ្វូងសត្វប្រចៀវចាប់ផ្តើមហោះហើរបណ្តែតខ្លួនចេញពីរូងខ្មៅដាស់ពេញមេឃនិងតម្រង់ជួរគ្នាចេញពីរូងធ្វើឱ្យមានការចាប់អារម្មណ៍យ៉ាងខ្លាំងពីភ្ញៀវជាតិ និងអន្តរជាតិមកពីគ្រប់ទិសទី៕ ប្រភព៖ រដ្ឋបាលខេត្តបាត់ដំបង

ប៉ៃលិន៖ ថ្ងៃទី១៧ ខែឧសភា ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន និងជាប្រធានគណៈបញ្ជាការឯកភាពខេត្ត បានដឹកនាំសមត្ថកិច្ចចម្រុះ សហការជាមួយព្រះរាជអាជ្ញាអមសាលាដំបូងខេត្ត បន្តចុះធ្វើរដ្ឋបាលត្រួតពិនិត្យ នៅតាមទីតាំងស្នាក់នៅប្រមូលផ្តុំ ស្ថិតនៅភូមិអូរអិល ឃុំស្ទឹងកាច់ ស្រុកសាលាក្រៅ ខេត្តប៉ៃលិន ដោយធ្វើការឃាត់ខ្លួនជនជាតិចិន ចំនួន០៧នាក់និងវត្ថុតាងមួយចំនួនដែលសង្ស័យមានលួចបង្កប់បទល្មើសបច្ចេកវិទ្យា (Online Scams) ដើម្បីអនុវត្តយ៉ាងហ្មឺងម៉ាត់តាមអនុក្រឹត្យលេខ ០៣អនក្រ.បកចុះថ្ងៃទី០៥ ខែមករា ឆ្នាំ២០២៦ របស់រាជរដ្ឋាភិបាលកម្ពុជា ក្នុងការការពារសន្តិសុខ សណ្តាប់ធ្នាប់ជូនប្រជាពលរដ្ឋនៅទូទាំងខេត្ត។ ការបន្តយុទ្ធនាការចុះបង្ក្រាបបទល្មើសបច្ចេកវិទ្យា (Online Scams) របស់គណៈបញ្ជាការឯកភាពរដ្ឋបាលខេត្តប៉ៃលិន គឺក្នុងគោលបំណងរឹតបន្តឹងនៃការអនុវត្តរបបសន្តិសុខសង្គម របៀបរៀបរយ និងសណ្តាប់ធ្នាប់សាធារណៈនៅក្នុងខេត្តទាំងមូល ស្របតាមវិធានការចាំបាច់របស់រាជរដ្ឋាភិបាល ដោយត្រូវយកចិត្តទុកដាក់ខ្ពស់ លើការងារគ្រប់គ្រងសុវត្ថិភាព តាមទីតាំងរស់នៅប្រមូលផ្តុំ ការពិនិត្យការតាំងទីលំនៅរបស់ជនបរទេស, ទីតាំងកាស៊ីណូ ដើម្បីទប់ស្កាត់ និងបង្ក្រាបសកម្មភាពជួញដូរមនុស្ស ជាពិសេសបទល្មើសបច្ចេកវិទ្យា ឱ្យមានប្រសិទ្ធភាពខ្ពស់។ ក្រោមគោលនយោបាយ និងឆន្ទៈដឹកនាំប្រកបដោយភាពម៉ឺងម៉ាត់ ច្បាស់លាស់របស់រាជរដ្ឋាភិបាលដែលមានសម្ដេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី បានកំពុងអនុវត្តច្បាប់ លើករណីឆបោកតាមប្រព័ន្ធអនឡាញដោយឃាត់ខ្លួនឧក្រិដ្ឋជន និងអ្នកពាក់ព័ន្ធបញ្ជូនទៅតុលាការដើម្បីផ្ដន្ទាទោស […]

ខេត្តព្រះសីហនុ៖ នៅព្រឹកថ្ងៃអាទិត្យ ទី១៧ ខែឧសភា ឆ្នាំ២០២៦ ឯកឧត្ដម ឧត្ដមសេនីយ៍ឯក បណ្ឌិត តុប នេត អគ្គនាយក នៃអគ្គនាយកដ្ឋានអត្តសញ្ញាណកម្ម អមដំណើរដោយ លោកអគ្គនាយករង លោក ប្រធាននាយកដ្ឋានលិខិតឆ្លងដែន និងក្រុមការងារ បានអញ្ជេីញចុះពិនិត្យវឌ្ឍនភាពការងាររៀបចំទីស្នាក់ការផ្តល់សេវាលិខិតឆ្លងដែន ប្រចាំខេត្តព្រះសីហនុ។ ការរៀបចំទីស្នាក់ការផ្តល់សេវាលិខិតឆ្លងដែន ប្រចាំខេត្តព្រះសីហនុនេះ គឺជាសមិទ្ធផលថ្មីបន្ថែមមួយទៀតរបស់អគ្គនាយកដ្ឋានអត្តសញ្ញាណកម្ម ក្រសួងមហាផ្ទៃ សំដៅបង្កើនការផ្ដល់សេវាលិខិតឆ្លងដែនជូនប្រជាពលរដ្ឋឱ្យកាន់តែជិត និងមានភាពងាយស្រួល ស្របទៅតាមចក្ខុវិស័យដ៏ឈ្លាសវៃរបស់ ឯកឧត្ដមអភិសន្តិបណ្ឌិត ស សុខា ឧបនាយករដ្ឋមន្រ្តី រដ្ឋមន្រ្តីក្រសួងមហាផ្ទៃ។ ប្រភព៖ អគ្គនាយកដ្ឋានអត្តសញ្ញាណកម្ម