លោកជំទាវ អុង សុភាវី អញ្ជើញចូលរួមទិវាជាតិប្រយុទ្ធនឹងជំងឺគ្រុនចាញ់ ២៥ មេសា ២០២៦ ក្រោមប្រធានបទ “ប្តេជ្ញាបញ្ចប់ជំងឺគ្រុនចាញ់៖ ឥឡូវនេះ យើងអាចធ្វើបាន និងយើងត្រូវតែធ្វើ”

ថ្ងៃពុធ ទី២២ ខែមេសា ឆ្នាំ២០២៦ លោកជំទាវ អុង សុភាវី រដ្ឋលេខាធិការ ក្រសួងមហាផ្ទៃ បានអញ្ជើញចូលរួមទិវាជាតិប្រយុទ្ធនឹងជំងឺគ្រុនចាញ់ ២៥ មេសា ២០២៦ ក្រោមប្រធានបទ “ប្តេជ្ញាបញ្ចប់ជំងឺគ្រុនចាញ់៖ ឥឡូវនេះ យើងអាចធ្វើបាន និងយើងត្រូវតែធ្វើ” នៅសាលប្រជុំជាន់ទី៦ ទីស្តីការក្រសួងសុខាភិបាល ក្រោមអធិបតីភាពដ៏ខ្ពង់ខ្ពស់ ឯកឧត្តមសាស្ត្រាចារ្យ ឈាង រ៉ា រដ្ឋមន្ត្រីក្រសួងសុខាភិបាល ព្រមទាំងមានការចូលរួមដោយ ឯកឧត្តម លោកជំទាវ ថ្នាក់ដឹកនាំ និងលោក លោកស្រី មន្ត្រីបច្ចេកទេស តំណាងក្រសួងពាក់ព័ន្ធ អភិបាលរង នៃគណៈអភិបាលរាជធានី-ខេត្ត មជ្ឈមណ្ឌលជាតិប្រយុទ្ធនឹងជំងឺគ្រុនចាញ់ ប៉ារ៉ាស៊ីតសាស្ត្រ និងបាណតសាស្ត្រ នៃក្រសួងសុខាភិបាល មន្ទីរសុខាភិបាល រាជធានី-ខេត្ត ស្ថាប័នពាក់ព័ន្ធ និងអង្គការសង្គមស៊ីវិល ចូលរួមដោយផ្ទាល់ចំនួន១៨៥រូប និងតាមរយៈប្រព័ន្ធនិម្មិត(Zoom) ចំនួន ១,៦០៩រូប។