ឯកឧត្តម នាយឧត្តមសេនីយ៍សាស្ត្រាចារ្យ ឯក មនោសែន អញ្ជើញដឹកនាំកិច្ចប្រជុំ ស្តីពីការត្រៀមដំណើរការវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី២០ លើកទី១

នៅព្រឹកថ្ងៃពុធ ទី១១ ខែកុម្ភៈ ឆ្នាំ២០២៦ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញដឹកនាំកិច្ចប្រជុំ ស្តីពីការត្រៀមដំណើរការវគ្គបណ្តុះបណ្តាលកម្រិតបឋមវិជ្ជាជីវៈនគរបាល ជំនាន់ទី២០ លើកទី១ នៅសាលានគរបាលជាតិភូមិភាគទាំង៦ តាមប្រព័ន្ធអនឡាញ(Zoom Meeting) ដោយមានការអញ្ជើញចូលរួមពីឧត្តមសេនីយ៍ទោ ប្រធាននាយកដ្ឋានបណ្តុះបណ្តាល នាយកសាលានគរបាលជាតិភូមិភាគ និងមន្ត្រីពាក់ព័ន្ធមួយចំនួន។កិច្ចប្រជុំនេះ មានគោលបំណង ដើម្បីណែនាំតម្រង់ទិសដល់ថ្នាក់ដឹកនាំសាលានិងមន្ត្រីពាក់ព័ន្ធ ក្នុងការត្រៀមរៀបចំដំណើរការវគ្គបណ្តាបណ្តាល ឱ្យប្រព្រឹត្តទៅដោយរលូន តាមការគ្រោងទុក។

ប្រភព៖ បណ្ឌិត្យសភានគរបាលកម្ពុជា