ឯកឧត្តម នៅ លក្ខណា អនុញ្ញាតទទួលជួបថ្នាក់ដឹកនាំសមាគមគ្រឿងសម្អាង មកសម្ដែងការគួរសមនិងពិភាក្សា លើការងារប្រយុទ្ធប្រឆាំងផលិតផលក្លែងក្លាយ

ទីស្ដីការក្រសួងមហាផ្ទៃ៖ នៅព្រឹកថ្ងៃអង្គារទី៧ ខែមេសា ឆ្នាំ២០២៦ ឯកឧត្តម នៅ លក្ខណា រដ្ឋលេខាធិការក្រសួងមហាផ្ទៃ និងជាប្រធានគណៈកម្មការប្រយុទ្ធប្រឆាំងផលិតផលក្លែងក្លាយ ដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម (គ.ប.ផ.ក.) បានអនុញ្ញាតទទួលជួបថ្នាក់ដឹកនាំសមាគមគ្រឿងសម្អាង ដឹកនាំដោយលោកបណ្ឌិត ស៊ឹម មាស ប្រធានសមាគម មកសម្ដែងការគួរសមនិងពិភាក្សា លើការងារប្រយុទ្ធប្រឆាំងផលិតផលក្លែងក្លាយដែលបង្កគ្រោះថ្នាក់មានហានិភ័យខ្ពស់ដល់សុខភាព និងសុវត្ថិភាពសង្គម ដោយមានការអញ្ជើញចូលរួមពី ថ្នាក់ដឹកនាំលេខាធិការដ្ឋាន គ.ប.ផ.ក. និងថ្នាក់ដឹកនាំសមាគមគ្រឿងសម្អាង ជាច្រើនរូប៕