ព័ត៌មានជាតិ

ឯកឧត្តម នាយឧត្តមសេនីយ៍ ប៉ោ ភក្ដិ អញ្ជើញជាអធិបតីក្នុងកម្មវិធីបើកសិក្ខាសាលា ស្ដីពី ការរាយការណ៍ស្របតាមលិខិតតូបករណ៍អន្តរជាតិពាក់ព័ន្ធនឹងការគ្រប់គ្រងអាវុធកែច្នៃ និងគ្រាប់រំសេវ

April 3, 2026 bvt Comment(0)

ភ្នំពេញ៖ ឯកឧត្តម នាយឧត្តមសេនីយ៍ ប៉ោ ភក្ដិ រដ្ឋលេខាធិការ និងជាប្រធានក្រុមការងារ SOMTC-កម្ពុជា បានអញ្ជើញជាអធិបតីក្នុងកម្មវិធីបើកសិក្ខាសាលា ស្ដីពី ការរាយការណ៍ស្របតាមលិខិតតូបករណ៍អន្តរជាតិពាក់ព័ន្ធនឹងការគ្រប់គ្រងអាវុធកែច្នៃ និងគ្រាប់រំសេវ សហការរៀបចំដោយ SOMTC-កម្ពុជា និងស្ថាប័នស្រាវជ្រាវ UNIDIR នាថ្ងៃទី០២ ខែមេសា ឆ្នាំ២០២៦ នៅសណ្ឋាគារ Sun & Moon Riverside ដោយមានការចូលរួមពីតំណាងនាយកដ្ឋានគ្រប់គ្រងអាវុធជាតិផ្ទុះ ស្នងការរងមកពីតាមបណ្ដាខេត្តជាប់ព្រំដែន និងមន្រ្តីពាក់ព័ន្ធមួយចំនួន៕

bvt

ព័ត៌មានជាតិ

ឯកឧត្ដម អ៊ុំ រាត្រី ដាក់ចេញបទបញ្ជាយ៉ាងម៉ឺងម៉ាត់គ្រប់គោលដៅត្រួតពិនិត្យជនបរទេស២៤ម៉ោងលេី២៤ម៉ោង ដែលឆ្លងកាត់ចូលមកខេត្តបន្ទាយមានជ័យ

February 24, 2026 bvt

ខេត្តបន្ទាយមានជ័យ៖ នៅថ្ងៃទី២៣ ខែកុម្ភៈ ឆ្នាំ២០២៦ ឯកឧត្ដម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានដឹកនាំកិច្ចប្រជុំ ដាក់ចេញផែនការត្រួតពិនិត្យជនបរទេសឆ្លងកាត់ខេត្តបន្ទាយមានជ័យ ដេីម្បីទប់ស្កាត់បទល្មេីសឆបោកតាមប្រព័ន្ធបច្ចេកវិទ្យា Online Scams ដោយមានការចូលរួមពីអភិបាលរង ស្នងការ ដ្ឋាននគរបាលខេត្ត បញ្ជាការដ្ឋានកងរាជអាវុធហត្ថ ខេត្ត អភិបាលក្រុង-ស្រុកពាក់ព័ន្ធ ដែលប្រារព្ធធ្វេីឡើងនៅសាលប្រជុំ ខ សាលាខេត្តបន្ទាយមានជ័យ។ ជាមួយគ្នានេះ ឯកឧត្តម អ៊ុំ រាត្រី បានដាក់បទបញ្ជាយ៉ាងម៉ឺងម៉ាត់ឱ្យគ្រប់គោលដៅត្រួតពិនិត្យ អនុវត្តការត្រួតពិនិត្យ ២៤ម៉ោងលើ២៤ម៉ោង ចំពោះជនបរទេសដែលឆ្លងកាត់ចូលមកក្នុងភូមិសាស្ត្រខេត្តបន្ទាយមានជ័យ។ សមត្ថកិច្ចត្រូវពិនិត្យឯកសារពាក់ព័ន្ធឱ្យបានត្រឹមត្រូវ និងហ្មត់ចត់ ក្នុងករណីជនបរទេសចូលមកបំពេញការងារ ត្រូវសួរព័ត៌មានលម្អិតអំពីទីតាំងការងារ និងត្រូវមានលិខិតធានាពីម្ចាស់ក្រុមហ៊ុន ឬសហគ្រាសពាក់ព័ន្ធ ដើម្បីធានាការគ្រប់គ្រង និងបង្ការកុំឱ្យមានការប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា Online Scams។ សូមបញ្ជាក់ផងដែរថា ក្រោយពេលដែលប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បាន ដាក់ចេញនូវផែនការយ៉ាងមុតស្រួច ក្នុងការបង្ក្រាបប្រយុទ្ធប្រឆាំងនឹងបទល្មើសឆបោកតាមប្រព័ន្ធអនឡាញទូទាំងប្រទេស ក្នុងនោះរដ្ឋបាលខេត្តបន្ទាយមានជ័យ បានធ្វើការបន្ថែមនៅទីតាំងត្រួតពិនិត្យគ្រប់ច្រកល្ហក និងពង្រឹងការត្រួតពិនិត្យជនបរទេសឆ្លងកាត់ចូលមកខេត្តបន្ទាយមានជ័យ៕ ប្រភព៖ […]

ព័ត៌មានជាតិ

ឯកឧត្តមអភិបាលខេត្តសៀមរាប ជួបសម្ដែងការគួរសម ជាមួយ ឯកឧត្តម ប្រធានក្រុមមិត្តភាពរដ្ឋសភាបារាំង-កម្ពុជា

February 28, 2026 bvt

ខេត្តសៀមរាប៖នាព្រឹកថ្ងៃទី២៧ ខែកុម្ភៈ ឆ្នាំ២០២៦ ឯកឧត្តម ប្រាក់ សោភ័ណ អភិបាល នៃគណៈអភិបាលខេត្តសៀមរាប បានទទួលជួបសម្ដែងការគួរសម ជាមួយ ឯកឧត្តម Thomas Lam ប្រធានក្រុមមិត្តភាពរដ្ឋសភាបារាំង-កម្ពុជា នៅសាលាខេត្តសៀមរាប។ ឯកឧត្តម ប្រធានប្រតិភូ ក្រុមមិត្តភាពរដ្ឋសភាបារាំង-កម្ពុជា បានសម្ដែងនូវក្ដីសោមនស្សរីករាយយ៉ាងក្រៃលែង និងបានបង្ហាញពីចំណាប់អារម្មណ៍ក្រោយពេលទៅទស្សនកិច្ចនៅទីតាំងមួយចំនួនក្រោមការគាំទ្រពីភាគីបារាំង មានដូចជា សាលា សណ្ឋាគារ និងទេសចរណ៍ ប៉ូឌុយប៊្រូល សាលាបង្រៀនភាសាបារាំង និងអង្គការផ្សេងៗផងដែរ។ ឆ្លៀតក្នុងឱកាសនោះ ឯកឧត្តម ប្រធានក្រុមមិត្តភាពរដ្ឋសភាបារាំង-កម្ពុជា ក៏បានសម្ដែងនូវអំណរសាទរ ដែលកម្ពុជានឹងក្លាយជាម្ចាស់ផ្ទះត្រៀមរៀបចំកិច្ចប្រជុំកំពូលហ្វ្រង់កូហ្វូនីលើកទី២០ ឆ្នាំ២០២៦នេះ។ ឯកឧត្តម បានបន្តទៀតថា ក្រោយបញ្ចប់ដំណើរទស្សនកិច្ចនៅព្រះរាជាណាចក្រកម្ពុជា លោកនឹងរៀបចំរបាយការណ៍ពាក់ព័ន្ធការងារសំខាន់ៗមួយចំនួន ដែលកម្ពុជាបានស្នើសុំទៅកាន់រដ្ឋាភិបាលបារាំង ឱ្យបន្តការយកចិត្តទុកដាក់ គាំទ្រ និងពង្រឹងទំនាក់ទំនងរវាងភាគីទាំងពីរកាន់តែស៊ីជម្រៅថែមទៀត។ ជាមួយគ្នានោះ ឯកឧត្តម អភិបាលខេត្ត បានថ្លែងអំណរគុណយ៉ាងជ្រាលជ្រៅដល់រដ្ឋាភិបាលបារាំង ដែលតែងតែយកចិត្តទុកដាក់ក្នុងការជួយគាំទ្រដល់ប្រទេសកម្ពុជា និងជាពិសេសខេត្តសៀមរាប ដែលសកម្មភាពទាំងអស់នោះ ពិតជាបានរួមចំណែកដ៏សំខាន់ក្នុងការអភិវឌ្ឍទាំងផ្នែកសេដ្ឋកិច្ច និងសង្គមកិច្ចនៅខេត្តសៀមរាប ក៏ដូចជាព្រះរាជាណាចក្រកម្ពុជាផងដែរ។ ប្រភព៖ រដ្ឋបាលខេត្តសៀមរាប

ព័ត៌មានជាតិ

រដ្ឋបាលខេត្តព្រៃវែង រៀបចំកិច្ចប្រជុំផ្សព្វផ្សាយអនុក្រឹត្យស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំ ដើម្បីប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (Online Scams)

February 2, 2026 bvt

ព្រៃវែង៖ នៅថ្ងៃទី២ ខែមករា ឆ្នាំ២០២៦ ឯកឧត្តម សួន សុម៉ាលីន អភិបាល នៃគណៈអភិបាលខេត្តព្រៃវែង បានអញ្ជើញជាអធិបតីក្នុងកិច្ចប្រជុំផ្សព្វផ្សាយអនុក្រឹត្យស្តីពីការគ្រប់គ្រងសន្តិសុខសុវត្ថិភាពតាមទីតាំងរស់នៅប្រមូលផ្តុំ ដើម្បីប្រយុទ្ធប្រឆាំងការឆបោកតាមប្រព័ន្ធបច្ចេកវិទ្យា (Online Scams) ក្នុងភូមិសាស្ត្រខេត្តព្រៃវែង ដោយមានការអញ្ជើញចូលរួមពីសំណាក់អភិបាលរងខេត្ត កងកម្លាំងប្រដាប់អាវុធទាំងបីប្រភេទ អាជ្ញាធរក្រុង-ស្រុក និងម្ចាស់ផ្ទះសំណាក់ សណ្ឋាគារ ដើម្បីដាក់ចេញនូវវិធានការក្តៅក្នុងការទប់ស្កាត់បទល្មើសបច្ចេកវិទ្យាដែលកំពុងរីករាលដាល។ ក្នុងឱកាសនោះ ឯកឧត្តម សួន សុម៉ាលីន អភិបាលខេត្តព្រៃវែង មានប្រសាសន៍ថា ទន្ទឹមនឹងការរីកចម្រើនលើវិស័យសេដ្ឋកិច្ចកម្ពុជាក្នុងពេលបច្ចុប្បន្ន បានធ្វើឱ្យមានការរីកចម្រើនយ៉ាងឆាប់រហ័សលើវិស័យសំណង់ ជាពិសេសការអភិវឌ្ឍលំនៅឋានបែបទំនើប ជាច្រើន ដូចជាបុរី ខុនដូ អាផាតមិន រីសត បឹងកាឡូ ផ្ទះសំណាក់ សណ្ឋាគារ ជាដើម។ លំនៅឋានទាំងនេះ គឺជាទីតាំងដែលមានមនុស្សជាច្រើនចម្រុះជាតិសាសន៍រស់នៅប្រមូលផ្តុំ ដើម្បីប្រកបមុខរបរ និងបំពេញការងារផ្សេងៗ។ ក្នុងបរិបទបែបនេះ បញ្ហាសន្តិសុខ និងសណ្តាប់ ធ្នាប់សាធារណៈក៏បានលេចចេញឡើងក្រោមរូបភាពផ្សេងៗនៅតាមទីតាំងរស់នៅប្រមូលផ្តុំមួយចំនួន និងបានបង្កផលប៉ះពាល់ដល់សន្តិសុខ សុវត្ថិភាពប្រជាពលរដ្ឋដែល រស់នៅតាមទីតាំងទាំងនោះ។ ជាក់ស្តែងបទល្មើសផ្សេងៗដែលសមត្ថកិច្ចបង្ក្រាបបាន ត្រូវបានបង្កឡើងដោយមុខសញ្ញាដែលបានពួនសំងំនិងស្នាក់នៅក្នុងទីតាំងរស់នៅប្រមូលផ្តុំមួយចំនួន។ ម្យ៉ាងទៀត ការរីកចម្រើនយ៉ាងឆាប់រហ័សនៃបច្ចេកវិទ្យាក៏បានបង្កើតបញ្ហា ប្រឈមថ្មីៗជាច្រើន ជាពិសេសបទល្មើសឆបោកតាមប្រព័ន្ធអនឡាញ […]

Related Articles

ឯកឧត្តមអភិបាលខេត្តសៀមរាប ជួបសម្ដែងការគួរសម ជាមួយ ឯកឧត្តម ប្រធានក្រុមមិត្តភាពរដ្ឋសភាបារាំង-កម្ពុជា

Leave a Reply Cancel reply