ទីស្ដីការក្រសួងមហាផ្ទៃ៖ នារសៀលថ្ងៃពុធ ទី១១ ខែមីនា ឆ្នាំ២០២៦ ឯកឧត្តម ឧត្តមសេនីយ៍ឯក ហោ សំអាត អគ្គនាយក នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានអញ្ជើញដឹកនាំកិច្ចប្រជុំស្តីពីការពិនិត្យវឌ្ឍនភាពនៃការកសាងប្រព័ន្ធបច្ចេកវិទ្យា Hotline ដោយមានការអញ្ជេីញចូលរួមពី លោក អគ្គនាយករង ប្រធាន-អនុប្រធាននាយកដ្ឋាន នាយ-នាយរងការិយាល័យ ព្រមទាំងលោក លោកស្រីជាមន្ត្រីជំនាញពាក់ព័ន្ធជាច្រេីនរូបទៀតផងដែរ។
ជាកិច្ចចាប់ផ្តេីម ឯកឧត្តម ឧត្តមសេនីយ៍ឯក អគ្គនាយក បានមានមតិស្វាគមន៍ និងបានលេីកឡេីងថាការកសាងប្រព័ន្ធបច្ចេកវិទ្យា Hotline ពិតជាមានសារ:សំខាន់ណាស់ ដេីម្បីធានាបាន ប្រសិទ្ធភាពខ្ពស់ក្នុងការគ្រប់គ្រងបទល្មេីស ងាយស្រួលទប់ស្កាត់បទល្មេីស ព្រមទាំងថែរក្សាបាននូវសណ្តាប់ធ្នាប់សាធារណៈ សន្តិសុខ និងសុវត្ថិភាពសង្គមនៅកម្ពុជា។
ទន្ទឹមនេះ ឯកឧត្តម ឧត្តមសេនីយ៍ឯក អគ្គនាយក ក៏បានផ្តល់ការណែនាំតម្រង់ទិសដល់អង្គប្រជុំ ក្នុងការរៀបចំនូវស្តង់ដារប្រតិបត្តិការ ការងារ សម្រាប់ដំណើរការកសាងប្រព័ន្ធបច្ចេកវិទ្យា Hotline ដើម្បីទទួលបានលទ្ធផលកាន់តែល្អទាន់ពេលវេលា។
ក្នុងនោះដែរ លោក ឧត្តមសេនីយ៍ត្រី ង៉ែត សុគន្ធារិទ្ធ ប្រធាននាយកដ្ឋាន ហេដ្ឋារចនាសម្ព័ន្ធ បច្ចេកវិទ្យាគមនាគមន៍ និងព័ត៌មាន បានធ្វេី សេចក្តីរាយការណ៍សង្ខេបអំពីវឌ្ឍនភាពនៃការកសាងប្រព័ន្ធបច្ចេកវិទ្យា Hotline និងដំណេីរការសាងសង់អគារ E ព្រមទាំងបញ្ហាប្រឈម និងសំណូមពរ មួយចំនួនផងដែរ។
បន្ថែមលើសពីនេះ ឯកឧត្តម ឧត្តមសេនីយ៍ឯក អគ្គនាយក បានឯកភាពទៅលេីវឌ្ឍនភាព និងលទ្ធផលការងារដែលសម្រេចបាន និងបានកោតសរសេីរ វាយតម្លៃខ្ពស់ចំពោះការខិតខំប្រឹងប្រែងរបស់ថ្នាក់ដឹកនាំ និងមន្ត្រីជំនាញទាំងអស់ដែលបានកសាងប្រព័ន្ធបច្ចេកវិទ្យា Hotlineនេះឡេីងផងដែរ។
ឯកឧត្តម ឧត្តមសេនីយ៍ឯក អគ្គនាយក បានថ្លែងអំណរគុណចំពោះកិច្ចខិតខំប្រឹងប្រែងរបស់ សមាជិក សមាជិកា ក្រុមការងារទាំងអស់ដែលបានចូលរួមផ្តល់នូវគំនិតយោបល់យ៉ាងផុសផុល ដើម្បីធានាថាការកសាងប្រព័ន្ធបច្ចេកវិទ្យា Hotline នឹងទទួលបានលទ្ធផលនាពេលឆាប់ៗខាងមុខ។
ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ
