អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ​ រៀបចំពិធីអបអរសាទរខួបលើកទី ១១៥ ទិវាអន្តរជាតិនារី ៨មីនា ក្រោមប្រធានបទ “សន្តិភាព សន្តិសុខសម្រាប់ស្ត្រី និងគ្រួសារ”

ទីស្តីការក្រសួងមហាផ្ទៃ ៖ នៅរសៀលថ្ងៃអង្គារ ទី១០ ខែមីនា ឆ្នាំ២០២៦ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ បានរៀបចំពិធីអបអរសាទរខួបលើកទី ១១៥ ទិវាអន្តរជាតិនារី ៨មីនា ក្រោមប្រធានបទ “សន្តិភាព សន្តិសុខសម្រាប់ស្ត្រី និងគ្រួសារ” ពិធីនេះដែរ ប្រព្រឹត្តទៅក្រោមអធិបតីភាព លោកស្រីឧត្តមសេនីយ៍ត្រី ឃឹម គង្គាបរមី អគ្គនាយករង តំណាងដ៏ខ្ពង់ខ្ពស់​ ឯកឧត្តម​ ឧត្តមសេនីយ៍ឯក​ ហោ​ សំអាត​ អគ្គនាយក​ នៃអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ដោយមានការអញ្ជើញចូលរួម ពីលោក លោកស្រី តំណាងនាយកដ្ឋាន នាយ – នាយរងការិយាល័យ ព្រមទាំង សមាជិក សមាជិកា ចំណុះអគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំជាច្រើនរូបផងដែរ។

លោកស្រី វរសេនីយ៍ទោ សុន សុវត្តី ប្រធានក្រុមការងារលេខាធិការដ្ឋាន នៃក្រុមការងារយេនឌ័រ នៃអគ្គនាយកដ្ឋាន បច្ចេកវិទ្យាឌីជីថល និងផ្សព្វផ្សាយអប់រំ បានធ្វេីសេចក្តីរាយការណ៍សង្ខេបអំពីលទ្ធផលការងារបញ្ជ្រាបយេនឌ័រឆ្នាំ២០២៥ និងលើកទិសដៅការងារ ឆ្នាំ២០២៦ អគ្គនាយកដ្ឋាន បចេ្ចកវិទ្យាឌីជីថល និងផ្សព្វផ្សាយអប់រំ។

ក្នុងឱកាសនោះដែរ លោកស្រីឧត្តមសេនីយ៍ត្រី ឃឹម គង្គាបរមី អគ្គនាយករង បានមានប្រសាសន៍ កោតសរសើរ និងវាយតម្លៃខ្ពស់ចំពោះតួនាទីស្ត្រី នៃអគ្គនាយកដ្ឋានបចេ្ចកវិទ្យាឌីជីថល និងផ្សព្វផ្សាយអប់រំ ដែលបានខិតខំប្រឹងប្រែងប្រកបដោយ ស្មារតីឆន្ទៈ មនសិការ និងការទទួលខុសត្រូវខ្ពស់។ លោកស្រីឧត្តមសេនីយ៍ត្រី អគ្គនាយករង បានផ្តល់អនុសាសន៍ ណែនាំដល់មន្ត្រីជាស្រ្តីទាំងអស់ត្រូវខិតខំបំពេញតួនាទីភារកិច្ចប្រកបដោយស្មារតី​ និងទំនួលខុសត្រូវខ្ពស់ និងត្រូវរួមចំណែកធ្វើឱ្យអគ្គនាយកដ្ឋាន​ សម្រេច​បាននូវសមិទ្ធិផលថ្មីៗបន្ថែមទៀត។

ជាចុងក្រោយ លោកស្រីឧត្តមសេនីយ៍ត្រី អគ្គនាយករង បានគោរពថ្លែងអំណរគុណយ៉ាងជ្រាលជ្រៅ ជូនចំពោះ ឯកឧត្តម ឧត្តមសេនីយ៍ឯក ហោ សំអាត អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ ដែលបានយកចិត្តទុកដាក់ទំនុកបំរុង និងលើកទឹកចិត្ត ជាពិសេសតែងតែផ្តល់ឱកាសដល់មន្ត្រីនគរបាលជាតិជានារី ក្នុងនាយកដ្ឋាន​ ស្ថានីយ៍ ចំណុះ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ។

ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ