Author: bvt

ប៉ៃលិន៖ នៅរសៀលថ្ងៃចន្ទ ទី២៣ ខែកុម្ភៈ ឆ្នាំ២០២៦ លោកឧត្តមសេនីយ៍ទោ សេង សុគន្ធ ស្នងការ នៃស្នងការដ្ឋាននគរបាលខេត្តប៉ៃលិន បានដឹកនាំកិច្ចប្រជុំបូកសរុបលទ្ធផលការងារក្នុងការរក្សាសន្តិសុខ សណ្តាប់ធ្នាប់សង្គម ប្រចាំខែកុម្ភៈ និងលើកទិសដៅអនុវត្តបន្តសម្រាប់ខែមីនា ឆ្នាំ២០២៦ របស់ស្នងការដ្ឋាននគរបាលខេត្តប៉ៃលិន ដោយមានការអញ្ជើញចូលរួមពី លោក-លោកស្រី ស្នងការរង លោកនាយ-នាយរងការិយាល័យ លោកអធិការ-អធិការរងក្រុង-ស្រុក លោកមេបញ្ជាការ-មេបញ្ជាការរង វរសេនាតូចនគរបាលការពារព្រំដែនគោកលេខ៨២១ និងលោកនាយប៉ុស្តិ៍នគរបាលរដ្ឋបាលទាំង០៨ ឃុំ/សង្កាត់ជាច្រេីនរូបទៀត ។ ក្នុងកិច្ចប្រជុំនេះលោកស្នងការ បានវាយតម្លៃលទ្ធផលការងារដែលសម្រេចបាន និងបានលើកឡើងពីចំណុចខ្វះខាតមួយចំនួននៅតាមការិយាល័យជំនាញ ក្នុងការអនុវត្តតួនាទីភារកិច្ច ដោយជំរុញឱ្យពង្រឹងវិន័យ ការទទួលខុសត្រូវ និងប្រសិទ្ធភាពការងារ ឱ្យកាន់តែល្អប្រសើរ។ ជាមួយគ្នានេះ លោកស្នងការ ក៏បានណែនាំឱ្យត្រៀមវិធានការបង្ការ និងទប់ស្កាត់ដាច់ខាតចំពោះបញ្ហាក្មេងទំនើង មិនអនុញ្ញាតឱ្យមានសកម្មភាពបង្កចលាចល ឬប៉ះពាល់ដល់សន្តិសុខ សណ្តាប់ធ្នាប់សង្គម ត្រូវបង្កើនការចុះល្បាត ការសហការជាមួយអាជ្ញាធរមូលដ្ឋាន និងស្ថាប័នពាក់ព័ន្ធដើម្បីធានាឱ្យបាននូវសន្តិសុខសុវត្ថិភាពជូនប្រជាពលរដ្ឋ។ បន្ថែមពីនេះ លោកស្នងការ ក៏បានណែនាំអំពីការពង្រឹងការគ្រប់គ្រងនិងតាមដានព័ត៌មានសន្តិសុខការស្រាវជ្រាវត្រួតពិនិត្យជនបរទេសនៅក្នុងមូលដ្ឋាន ព្រមទាំងបង្ក្រាបបទល្មើសអនឡាញ(Online Scam) ដោយត្រូវអនុវត្តវិធានការយ៉ាងម៉ឺងម៉ាត់ និងសហការជាមួយអង្គភាពពាក់ព័ន្ធឱ្យបានល្អប្រសើរ លោកស្នងការ បានជំរុញដល់មន្ត្រីនគរបាលទាំងអស់ ត្រូវបន្តខិតខំបំពេញនូវភារកិច្ច តួនាទីរបស់ខ្លួនឱ្យកាន់តែមានប្រសិទ្ធភាពបន្ថែមទៀត […]

ឯកឧត្តម គួច ចំរើន អភិបាល នៃគណៈអភិបាលខេត្តកណ្ដាល បានធ្វើការណែនាំបែបនេះ ក្នុងឱកាសដែលឯកឧត្តមអញ្ជើញដឹកនាំមន្ត្រីជំនាញ មន្ទីរអង្គភាពពាក់ព័ន្ធ និងអាជ្ញាធរក្រុងតាខ្មៅ ចុះពិនិត្យស្ថានភាពជាក់ស្ដែងអគារសិក្សា ១ខ្នង ក្នុងសាលាបឋមសិក្សា ព្រែកតាពៅ ស្ថិតនៅសង្កាត់ដើមមៀន ក្រុងតាខ្មៅ ខេត្តកណ្ដាល នាព្រឹកថ្ងៃទី២៣ ខែកុម្ភៈ ឆ្នាំ២០២៦។ ឯកឧត្តមអភិបាលខេត្ត បន្តថា៖ បន្ទាប់ពីទទួលបានសំណើរ និងសំណូមពររបស់លោកនាយកសាលា ស្នើសុំអគារសិក្សាថ្មី ព្រោះអាគារសិក្សាសព្វថ្ងៃ មានសភាពចាស់ទ្រុឌទ្រោម សាងសង់តាំងពីឆ្នាំ១៩៧៩ ដែលប្រឈមនឹងហានិភ័យ បង្កគ្រោះថ្នាក់ដល់សិស្សានុសិស្សពេលកំពុងសិក្សា ដូច្នេះទើបឯកឧត្តម បានដឹកនាំមន្ត្រីជំនាញ មន្ទីរពាក់ព័ន្ធ និងអាជ្ញាធរក្រុងតាខ្មៅ ចុះពិនិត្យស្ថានភាពជាក់ស្ដែង ឃើញថាអគារនេះមានសភាពចាស់ទ្រុឌទ្រោម ប្រេះតាមជញ្ជាំង សសរប្រេះចេញដែក មិនអាចឱ្យសិស្សានុសិស្សបន្តការសិក្សានៅទីនេះបានយូរតទៅទៀតឡើយ។ ដូច្នេះឯកឧត្តមអភិបាលខេត្ត បានណែនាំដល់មន្ត្រីជំនាញបច្ចេកទេស ចុះធ្វើការសិក្សា និងលើកគម្រោងដើម្បីសាងសង់អគារសិក្សាថ្មី ជំនួសអគារចាស់ទ្រុឌទ្រោមនេះនាពេលខាងមុខ ដើម្បីសម្រួលដល់ការសិក្សារៀនសូត្ររបស់ កុមារា កុមារី នៅសាលាបឋមសិក្សា ព្រែកតាពៅ នេះបន្តទៅទៀត។ ក្នុងឱកាសចុះពិនិត្យនេះដែរ ឯកឧត្តមអភិបាលខេត្តកណ្ដាល ក៏បានបន្តចុះពិនិត្យករណីបាក់ស្រុតផ្លូវនៅបណ្ដោយស្ទឹងព្រែកត្នោត ស្ថិតក្នុងសង្កាត់ដើមមៀន ក្រុងតាខ្មៅ និងបានណែនាំដល់មន្ទីរជំនាញ […]

ប៉ៃលិន

ខេត្តកំពង់ឆ្នាំង៖ នៅថ្ងៃទី២៣ ខែកុម្ភៈ ឆ្នាំ២០២៦ ដោយមានការចង្អុលណែនាំដ៏ខ្ពង់ខ្ពស់របស់ ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ, លោកឧត្តមសេនីយ៍ទោ តេង ច័ន្ទណាត ស្នងការ នគរបាលខេត្ត បានអញ្ជើញដឹកនាំនាយនគរបាល និងមន្ត្រីក្រោមឱវាទចូលរួមកិច្ចប្រជុំ បូកសរុបសភាពការណ៍ និងលទ្ធផលនៃកិច្ចប្រតិបត្តិការ ប្រចាំត្រីមាសទី១ និងលើក ទិសដៅការងារត្រីមាសទី២ ឆ្នាំ២០២៦ និងប្រកាសផ្ទេរភារកិច្ច តែងតាំង មុខតំណែង មន្ត្រីនគរបាលជាតិ(ផ្ទៃក្នុង)ចំនួន០៣រូប នៃស្នងការដ្ឋាននគរបាលខេត្តកំពង់ឆ្នាំង៕ ប្រភព៖ ស្នងការដ្ឋាននគរបាលខេត្តកំពង់ឆ្នាំង

នាព្រឹកថ្ងៃចន្ទ ទី២៣ ខែកុម្ភៈ ឆ្នាំ២០២៦ ឯកឧត្តម ឧត្តមសេនីយ៍ឯក ឯម វិចិត្រ អគ្គាធិការ នៃអគ្គាធិការដ្ឋាន ក្រសួងមហាផ្ទៃ អញ្ជើញដឹកនាំកិច្ចប្រជុំពិនិត្យវឌ្ឍនភាពការទទួលពាក្យបណ្តឹងអនឡាញ Complaint Submission System (CSS)។ កិច្ចប្រជុំនេះប្រព្រឹត្តទៅនៅទីស្តីការក្រសួងមហាផ្ទៃ និងដោយមានការអញ្ជើញចូលរួមពី ឯកឧត្តម ឧត្តមសេនីយ៍ឯក អគ្គាធិការរង និងលោកឧត្តមសេនីយ៍ទោ ប្រធាននាយកដ្ឋានរដ្ឋបាលសរុប នៃអគ្គាធិការដ្ឋាន និងមន្រ្តីពាក់ព័ន្ធ៕ ប្រភព៖ អគ្គាធិការដ្ឋាន

ព្រឹកថ្ងៃទី២៣ ខែកុម្ភៈ ឆ្នាំ២០២៦ អនុវត្តតាមគោលការណ៍ដឹកនាំដ៏ខ្ពង់ខ្ពស់របស់ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ឯកឧត្តម ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ បានចាត់តំណាង លោកឧត្តមសេនីយ៍ទោ បេង ដាណារ៉ា ស្នងការរង ផែនការងារភស្ថុភារ និងហិរញ្ញវត្ថុ រៀបចំចាត់ចែង និងប្រគល់អំណោយជាគ្រឿងឧបភោគបរិភោគ សម្ភារ និងមធ្យោបាយមួយចំនួនរបស់ក្រុមសម្ព័ន្ធមេត្រីភាព និងសប្បុរសជន ជូនកងកម្លាំងនគរបាលប្រចាំការទិសទី២ និងទិសទី៣ ខេត្តឧត្តរមានជ័យ ដើម្បីបន្តយកចិត្តទុកដាក់គាំទ្រកម្លាំងនគរបាលជាតិឈរជើងនៅជួរមុខ៕ ប្រភព៖ ស្នងការដ្ឋាននគរបាលរាជធានីភ្នំពេញ

សៀមរាប ៖ នៅព្រឹកថ្ងៃចន្ទ ទី២៣ ខែកុម្ភៈ ឆ្នាំ២០២៦ លោកឧត្ដមសេនីយ៍ទោ ហួត សុធី ស្នងការ នៃស្នងការដ្ឋាននគរបាលខេត្ដសៀមរាប បានអញ្ជើញដឹកនាំកិច្ចប្រជុំបូកសរុបលទ្ធផលកិច្ចប្រតិបត្តិការ រក្សាសន្តិសុខ សណ្ដាប់ធ្នាប់សាធារណៈ សុវត្ថិភាពសង្គម ប្រចាំខែកុម្ភៈ ត្រីមាសទី១ ឆ្នាំ២០២៦ និងលើកទិសដៅការងារបន្ត របស់ស្នងការដ្ឋាននគរបាលខេត្តសៀមរាប ដោយមានការអញ្ជើញចូលរួមពី អង្គភាពនគរបាលការពារបេតិកភណ្ឌ អង្គភាពនគរបាលទេសចរណ៍ លោក-លោកស្រីស្នងការរងទាំងអស់ លោកនាយការិយាល័យទាំង៣៣ លោកអធិការនគរបាលក្រុង-ស្រុកទាំង១៣ ប្រធានមជ្ឈមណ្ឌលស្តារនីតិសម្បទា អ្នកញៀនគ្រឿងញៀន លោកនាយប៉ុស្តិ៍នគរបាលរដ្ឋបាលទាំង១០០ និងលោកនាយប៉ុស្តិ៍គោលដៅការពារបេតិកភណ្ឌទាំង៦ ផងដែរ។ ក្នុងឱកាសនោះដែរ លោកឧត្តមសេនីយ៍ទោ ស្នងការ បានមានប្រសាសន៍លើកសរសើរពីការខិតខំប្រឹងប្រែងអនុវត្តតួនាទីភារកិច្ច ក្នុងកិច្ចប្រតិបត្តិការ រក្សាសន្តិសុខ សណ្ដាប់ធ្នាប់សាធារណៈ នាពេលកន្លងមកបានល្អប្រសើរ។ បន្ថែមលើនោះផងដែរ លោកឧត្តមសេនីយ៍ទោ ស្នងការ ក៏បានណែនាំបន្ថែម និងដាក់ចេញនូវផែនការ ការពាររក្សាសន្តិសុខ សុវត្ថិភាព សណ្តាប់ធ្នាប់ និងត្រូវបន្តជំរុញការអនុវត្តន៍គោលនយោបាយ ភូមិ ឃុំ-សង្កាត់មានសុវត្ថិភាព ឱ្យកាន់តែសកម្មផុលផុស និងជាពិសេសផងដែរត្រូវយកចិត្តទុកដាក់គ្រប់គ្រងឱ្យបានហ្មត់ចត់នូវមុខសញ្ញាប្រព្រឹត្តបទល្មើសព្រហ្មទណ្ឌ ការអនុវត្តដីកា ករណីក្មេងទំនើង រួមទាំងបទល្មើសផ្សេងៗទៀត […]

ភ្នំពេញ ៖ នៅថ្ងៃទី២៣ ខែកុម្ភៈ ឆ្នាំ២០២៦នេះ ឯកឧត្តមអភិសន្ដិបណ្ឌិត ស សុខា ឧបនាយករដ្ឋមន្ដ្រី រដ្ឋមន្ដ្រីក្រសួងមហាផ្ទៃ និងលោកជំទាវ កែ សួនសុភី ស សុខា បានអញ្ជើញចូលរួមពិធីសំណេះសំណាល ក្នុងឱកាសបុណ្យចម្រើនអាយុវឌ្ឍនមង្គល និងឆ្លងប្រាង្គរម្មណីប្រសិទ្ធីវង្ស ថ្វាយប្រគេន សម្តេចព្រះវនរ័ត កិត្តិបណ្ឌិត មួង រ៉ា សម្តេចព្រះសង្ឃនាយករងទី២ គណៈមហានិកាយ នៃព្រះរាជាណាចក្រកម្ពុជា ក្រោមអធិបតីភាពដ៏ខ្ពង់ខ្ពស់ សម្តេចក្រឡាហោម ស ខេង ឧត្តមប្រឹក្សាផ្ទាល់ព្រះមហាក្សត្រ នៃព្រះរាជាណាចក្រកម្ពុជា និងលោកជំទាវ ញ៉ែម សាខន នៅវត្តមុនីប្រសិទ្ធីវង្ស ក្នុងខណ្ឌព្រែកព្នៅ រាជធានីភ្នំពេញ៕

រតនគិរី៖ លោកឧត្តមសេនីយ៍ទោ អ៊ុង សុភាព ស្នងការ នៃស្នងការដ្ឋាននគរបាលខេត្តរតនគិរី បានអញ្ជើញដឹកនាំកិច្ចប្រជុំ “បូកសរុបសភាពការណ៍ និងលទ្ធផលកិច្ចប្រតិបត្តិការ រក្សាសន្តិសុខ សណ្តាប់ធ្នាប់សាធារណៈ ប្រចាំខែកុម្ភៈ ឆ្នាំ២០២៦ និងលើកទិសដៅការងារបន្តរបស់ស្នងការដ្ឋាននគរបាលខេត្តរតនគិរី” ដែលប្រព្រឹត្តទៅនៅព្រឹកថ្ងៃចន្ទ ទី២៣ ខែកុម្ភៈ ឆ្នាំ២០២៦ ដោយក្នុងនោះមានសមាសភាពចូលរួមពី លោក-លោកស្រីស្នងការរង នាយ-នាយរងការិយាល័យ អធិការ-អធិការរងក្រុង-ស្រុកទាំង៩ មេបញ្ជាការ-មេបញ្ជារការរងវរ:សេនាតូចនគរបាលការពារព្រំដែនគោកលេខ៦២៣និង២០៣ និងនាយប៉ុស្តិ៍នគរបាលរដ្ឋបាលទាំង៥០ឃុំ/សង្កាត់។ ឆ្លងតាមរយៈការអានរបាយការណ៍ប្រចាំខែកុម្ភៈ ឆ្នាំ២០២៦ ដោយលោកឧត្តមសេនីយ៍ត្រី ចៅ នាង ស្នងការរងផែនការងារសេនាធិការ អាចធ្វើការវាយតម្លៃក្នុងកម្រិតអតិបរមា និងមានការឯកភាពជារួមលេីលទ្ធផលនៃកិច្ចប្រតិបត្តិការផ្តោតលើសភាពការណ៍សន្តិសុខនយោបាយ ការថែរក្សាសន្តិសុខ សណ្តាប់ធ្នាប់សាធារណៈ និងការងាររបស់ជំនាញនីមួយៗ ដោយទទួលបាននូវលទ្ធផលល្អគួរឱ្យកត់សម្គាល់ដោយគិតចាប់ពីពាក់កណ្តាលខែមករា និងដល់ពាក់ខែកុម្ភ: ឆ្នាំ២០២៦នេះ។ លោកឧត្តមសេនីយ៍ទោស្នងការ បានថ្លែងកោតសរសើរដល់កម្លាំងនគរបាលទាំងអស់ដែលបានខិតខំប្រឹងប្រែងក្នុងកិច្ចប្រតិបត្តិការការពារសន្តិសុខ សណ្តាប់ធ្នាប់សាធារណៈ និង សុវត្ថិភាពជូនប្រជាពលរដ្ឋ ភ្ញៀវទេសចរណ៍ប្រកបដោយសន្តិសុខសុវត្ថិភាព ជាពិសេសក្នុងកំឡុងពេលបុណ្យចូលឆ្នាំប្រពៃណីចិន-វៀតណាមកន្លងទៅថ្មីៗនេះ ។ ទន្ទឹមនឹងនេះលោកស្នងការក៏បានបន្តផ្តល់ប្រសាសន៍ដឹកនាំបន្ថែមទៀតដល់ជំនាញនីមួយៗដើម្បីបន្តបេសកកម្មកិច្ចប្រតិបត្តិការរក្សាសន្តិសុខ សណ្តាប់ធ្នាប់សាធារណៈ ជាពិសេសផ្តោតលើការបង្រ្កាប និងទប់ស្កាត់ក្មេងទំនើងដែលតែងបង្ករអុកឡុកក្នុងមជ្ឈដ្ឋានសង្គម។ លោកស្នងការបានអនុញ្ញាតដល់លោកស្នងការរង និងនាយការិយាល័យជំនាញមួយចំនួនធ្វើការឡើងផ្តល់បទពិសោធន៍ និងលើកពីបញ្ហាប្រឈមលើជំនាញរបស់ខ្លួនដល់ក្នុងអង្គប្រជុំផងដែរ។ បន្ថែមលើនេះ លោកស្នងការបានក្រើនរំលឹកដល់កងកម្លាំងទាំងអស់ចំណុះស្នងការដ្ឋាន ត្រូវគោរពវិន័យ […]

ទីស្តីការក្រសួងមហាផ្ទៃ៖ នៅព្រឹកថ្ងៃចន្ទ ទី២៣ ខែកុម្ភៈ ឆ្នាំ២០២៦​ ឯកឧត្តម សួស ប្រាថ្នា អគ្គនាយក​ នៃអគ្គនាយកដ្ឋានរដ្ឋបាល ក្រសួងមហាផ្ទៃ អញ្ជើញ​ដឹកនាំ​កិច្ចប្រជុំ​ពិនិត្យ​ និងពិភាក្សាលេីប្រព័ន្ធគ្រប់គ្រងទិន្នន័យគម្រោងរបស់រដ្ឋបាលថ្នាក់ក្រោមជាតិ​ (PID) ដោយមានការ​អញ្ជើញ​ចូលរួម​ពី​ លោក​ ប្រធាន​នាយកដ្ឋាន​ អនុប្រធាន​នាយកដ្ឋាន​ និងលោក​ លោកស្រី​ មន្រ្តីចំណុះអគ្គនាយកដ្ឋានរដ្ឋបាល ក្រសួងមហាផ្ទៃ សរុប២៣រូប​ ។ ជាកិច្ចចាប់ផ្តើម ឯកឧត្តមអគ្គនាយក បានថ្លែងកោតសរសើរ និងវាយតម្លៃខ្ពស់ចំពោះថ្នាក់ដឹកនាំ និងមន្ត្រីរាជការគ្រប់លំដាប់ថ្នាក់ របស់អគ្គនាយកដ្ឋានរដ្ឋបាល​ទាំងអស់ដែល​បានឆ្លៀតពេលវេលាដ៏មមាញឹក ដើម្បីចូលរួមនៅក្នុងកិច្ចប្រជុំនាពេលនេះ។​ ​ ក្នុងនោះឯកឧត្ដម អគ្គនាយក​ បានមានប្រសាសន៍​ថាជារៀងរាល់ឆ្នាំរដ្ឋបាលថ្នាក់ក្រោមជាតិត្រូវរៀបចំ និងអនុវត្តគម្រោងហេដ្ឋារចនាសម្ព័ន្ធ សេវាសង្គម និងគម្រោងសេវាកម្មឱ្យស្របតាមគោលការណ៍ បែបបទ និងនីតិវិធីនៃការរៀបចំ និងអនុវត្តគម្រោងនៅគ្រប់រដ្ឋបាលរាជធានី ខេត្ត ក្រុង ស្រុក ខណ្ឌ និងឃុំ សង្កាត់។​ ទន្ទឹមនេះ ឯកឧត្ដម​ អគ្គនាយកបានឱ្យក្រុមការងាររបស់អគ្គនាយកដ្ឋានត្រូវធ្វើការសហការឱ្យបានជិតស្និទ្ធ ជាមួយលោកទីប្រឹក្សា ធ្វើការជំរុញការងារនេះឱ្យបានចប់សព្វគ្រប់ក្នុងរយៈពេលដ៏ខ្លីខាងមុខ និងបានធ្វើការណែនាំដល់កិច្ចការមួយចំនួនដើម្បីឱ្យការៀបចំប្រព័ន្ធនេះ គ្រប់គ្រងទិន្ន័យ គម្រោងរបស់រដ្ឋបាលថ្នាក់ក្រោមជាតិ […]