ព័ត៌មានជាតិ

ឯកឧត្តមអភិសន្តិបណ្ឌិត ស សុខា ទទួលជួបពិភាក្សាការងារ និងជម្រាបលា ជាមួយឯកអគ្គរដ្ឋទូតឥណ្ឌូណេស៊ី ប្រចាំកម្ពុជា

February 19, 2026 bvt Comment(0)

រសៀលថ្ងៃទី១៩ ខែកុម្ភៈ ឆ្នាំ២០២៦ នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ បានអញ្ជើញទទួលជួបពិភាក្សាការងារ និងជម្រាបលា ជាមួយឯកឧត្តមបណ្ឌិត សាន់តូ ដាម៉ូស៊ូម៉ាតូ (Santo Darmosumarto) ឯកអគ្គរដ្ឋទូតវិសាមញ្ញនិងពេញសមត្ថភាពនៃសាធារណរដ្ឋឥណ្ឌូណេស៊ី ប្រចាំព្រះរាជាណាចក្រកម្ពុជា និងសហការី នៅសាលទទួលភ្ញៀវអន្តរជាតិ នៃទីស្តីការក្រសួងមហាផ្ទៃ។

bvt

ព័ត៌មានជាតិ

ឯកឧត្តមនាយឧត្តមសេនីយ៍សាស្ត្រាចារ្យ ឯក មនោសែន អញ្ជើញធ្វើបាឋកថា ចែករំលែកបទពិសោធ ស្តីពី “ការអភិវឌ្ឍជំនាញទំនាក់ទំនងអន្តរបុគ្គល” ដល់សិក្ខាកាមនៃវគ្គបណ្តុះបណ្តាលមន្ត្រីនគរបាលយុត្តិធម៌

January 31, 2026 bvt

នៅព្រឹកថ្ងៃសៅរ៍ ទី៣១ ខែមករា ឆ្នាំ២០២៦ ឯកឧត្តមនាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញធ្វើបាឋកថា ចែករំលែកចំណេះដឹងនិងបទពិសោធ ស្តីពី “ការអភិវឌ្ឍជំនាញទំនាក់ទំនងអន្តរបុគ្គល” ដល់សិក្ខាកាមនៃវគ្គបណ្តុះបណ្តាលមន្ត្រីនគរបាលយុត្តិធម៌ ដែលកំពុងសិក្សា ហ្វឹកហាត់ នៅបណ្ឌិត្យសភានគរបាលកម្ពុជា នៅសាលសម្តេចអគ្គមហាធម្មពោធិសាល ជា ស៊ីម (អគារ ខ- B) នៃបណ្ឌិត្យសភានគរបាលកម្ពុជា។ បាឋកថានេះ មានគោលបំណង ដើម្បីឱ្យសិក្ខាកាម ទទួលបាននូវចំណេះដឹងថ្មីៗថែម ទៀត ពាក់ព័ន្ធនឹងជំនាញទន់ ក្នុងការពង្រឹងជំនាញទំនាក់ទំនងអន្តរបុគ្គលឱ្យកាន់តែល្អប្រសើរ៕ ប្រភព៖ បណ្ឌិត្យសភានគរបាលកម្ពុជា

ព័ត៌មានជាតិ

អភិបាលខេត្តពោធិ៍សាត់ លើកឡើងថា ការបង្ក្រាបគ្រឿងញៀន និងល្បែងស៊ីសង ជាការងារអាទិភាព ដែលត្រូវលុបបំបាត់ឱ្យអស់ពីមូលដ្ឋានភូមិ-ឃុំ

February 10, 2026 bvt

ខេត្តពោធិ៍សាត់៖ ឯកឧត្តម ខូយ រីដា អភិបាលខេត្តពោធិ៍សាត់ និងជាប្រធានគណៈបញ្ជាការឯកភាពរដ្ឋបាលខេត្ត បានលើកឡើងថា ការបង្ក្រាបគ្រឿងញៀន ត្រូវចាត់ទុកជាការងារអាទិភាពខ្ពស់បំផុត ដោយត្រូវលុបបំបាត់ទាំងការប្រើប្រាស់ និងការចែកចាយនៅក្នុងមូលដ្ឋានភូមិ-ឃុំ។ ការលើកឡើងនេះធ្វើឡើងនៅថ្ងៃទី១០ ខែកុម្ភៈ ឆ្នាំ២០២៦ ក្នុងឱកាសឯកឧត្តមអញ្ជើញដឹកនាំកិច្ចប្រជុំបន្ទាន់ ដើម្បីពង្រឹងតួនាទីភារកិច្ច និងការអនុវត្តគោលនយោបាយ «ភូមិ ឃុំ សង្កាត់ មានសុវត្ថិភាព» ឈានទៅធានាសន្តិសុខ សណ្តាប់ធ្នាប់សាធារណៈ និងបង្កើនទំនុកចិត្តជូនប្រជាពលរដ្ឋ នៅមូលដ្ឋានរដ្ឋបាលស្រុកតាលោសែនជ័យ។ កិច្ចប្រជុំនេះធ្វើឡើងនៅសាលប្រជុំសាលាស្រុក ដោយមានការចូលរួមពីថ្នាក់ដឹកនាំខេត្ត កងកម្លាំងនគរបាល កងរាជអាវុធហត្ថ មន្ទីរអង្គភាពពាក់ព័ន្ធ អាជ្ញាធរស្រុក ឃុំ មេភូមិ និងមន្ត្រីមូលដ្ឋានជាច្រើនរូប។ ឯកឧត្តមអភិបាលខេត្ត បានឱ្យដឹងថា ស្រុកតាលោសែនជ័យ កំពុងមានការលិចឡើងករណីល្បែងស៊ីសង និងគ្រឿងញៀន ដែលជាសញ្ញាព្រមានកម្រិតខ្ពស់ ទាមទារឱ្យអាជ្ញាធរ និងកងកម្លាំងមូលដ្ឋាន ត្រូវងើបចេញពីភាពស្ពឹកស្រពន់ និងចាត់វិធានការយ៉ាងម៉ឺងម៉ាត់។ ឯកឧត្តម ខូយ រីដា បានបន្តថា ត្រូវមានវិធានការក្តៅក្នុងការបង្ក្រាបល្បែងស៊ីសងគ្រប់ប្រភេទ ជាពិសេសល្បែងអនឡាញ ដែលបង្កឱ្យមានអសន្តិសុខសង្គម ព្រមទាំងពង្រឹងការអប់រំច្បាប់ចរាចរណ៍ ការត្រួតពិនិត្យគ្រឿងស្រវឹងក្នុងមូលដ្ឋាន និងត្រូវក្តាប់មុខសញ្ញាក្មេងទំនើងឱ្យបានច្បាស់លាស់ ដើម្បីអប់រំ ឬចាត់វិធានការតាមផ្លូវច្បាប់។ […]

ព័ត៌មានជាតិ

ឯកឧត្តម នាយឧត្តមសេនីយ៍ សាស្ត្រាចារ្យ សេង ផល្លី អញ្ជើញជាអធិបតី ដឹកនាំកិច្ចប្រជុំណែនាំតម្រង់ទិស អំពីការត្រៀមដំណើរការផ្ដល់ពាក្យនិងទទួលពាក្យដល់អនុគណៈកម្មការរៀបចំការប្រឡងប្រជែងជ្រើសរើសក្របខ័ណ្ឌមន្ត្រីពន្ធនាគារ ក្រសួងមហាផ្ទៃ សម្រាប់ឆ្នាំ២០២៦

February 26, 2026 bvt

ទីស្តីការក្រសួងមហាផ្ទៃ៖ នៅព្រឹកថ្ងៃព្រហស្បតិ៍ ទី២៦ ខែកុម្ភៈ ឆ្នាំ២០២៦ នេះ ឯកឧត្ដម នាយឧត្តមសេនីយ៍ សាស្ត្រាចារ្យ សេង ផល្លី អគ្គនាយក នៃអគ្គនាយកដ្ឋានធនធានមនុស្ស និងជាអនុប្រធានអចិន្ត្រៃយ៍គណៈកម្មការ បានអញ្ជើញដឹកនាំកិច្ចប្រជុំណែនាំតម្រង់ទិស អំពីការត្រៀមដំណើរការផ្ដល់ពាក្យនិងទទួលពាក្យដល់អនុគណៈកម្មការរៀបចំការប្រឡងប្រជែងជ្រើសរើសក្របខ័ណ្ឌមន្ត្រីមន្ត្រីពន្ធនាគារ ក្រសួងមហាផ្ទៃ សម្រាប់ឆ្នាំ២០២៦ ។ កិច្ចប្រជុំនេះ ក៏មានការអញ្ជើញចូលរួមពី ឯកឧត្ដម តំណាងអគ្គនាយកដ្ឋានពន្ធនាគារ អគ្គនាយកដ្ឋានធនធានមនុស្ស ដែលជាសមាសភាពគណៈកម្មការ និងក្រុមការងារនៅថ្នាក់ក្រសួង ចំនួន ៧៦រូប និងចូលរួមតាមប្រព័ន្ធអនឡាញ Zoom រួមមាន អភិបាលរងនៃគណៈអភិបាលរាជធានី-ខេត្ត ទទួលការងារបុគ្គលិក នាយក-នាយករងរដ្ឋបាលរាជធានី-ខេត្ត នាយក-នាយករងទីចាត់ការធនធានមនុស្សរាជធានី-ខេត្ត ប្រធាន-អនុប្រធានការិយាល័យនិងមន្ត្រីនៃទីចាត់ការគ្រប់គ្រងធនធានមនុស្ស រាជធានី-ខេត្ត ប្រធានមណ្ឌលអប់រំកែប្រែទាំង៤ ប្រធានពន្ធនាគារ និង ប្រធានការិយាល័យរដ្ឋបាលសរុបនៃពន្ធនាគាររាជធានី-ខេត្ត ចំនួន៧ផងដែរ ។ ក្នុងនោះ ឯកឧត្តម នាយឧត្តមសេនីយ៍ សាស្ត្រាចារ្យ ប្រធានអង្គប្រជុំ បានមានប្រសាសន៍ ជំរុញណែនាំ និងស្នើដល់ក្រុមការងារអនុគណៈកម្មការ រៀបចំដំណើការប្រឡងប្រជែងដែលពាក់ព័ន្ធទាំងអស់ ត្រូវចូលរួមកិច្ចសហការណ៍ ត្រូវមានសាមគ្គីភាព ឯកភាពផ្ទៃក្នុងឱ្យបានល្អ ដើម្បីធ្វើយ៉ាងណាឱ្យកិច្ចដំណើរការនៃការផ្ដល់ពាក្យនិងទទួលពាក្យ […]

Related Articles

Leave a Reply Cancel reply