អូស្លូ ៖ មន្ត្រីប៉ូលិសបាននិយាយថា មនុស្ស ២ នាក់ស្លាប់ និងប្រហែល ១០ នាក់បានរងរបួស នៅថ្ងៃសៅរ៍នេះ ក្រោយផ្ទុះការបាញ់ប្រហារក្នុងក្លឹបរាត្រីមួយកន្លែង នៅរដ្ឋធានី Oslo ប្រទេសន័រវេស។ ជនសង្ស័យម្នាក់ ត្រូវបានចាប់ខ្លួននៅក្បែរក្លឹបនោះផងដែរ ខណៈមូលហេតុនៃការបាញ់ប្រហារនេះ នៅមិនទាន់ដឹងច្បាស់នោះទេ។
ទូរទស្សន៍ NRK និងប្រព័ន្ធផ្សព្វផ្សាយក្នុងស្រុកផ្សេងទៀត បានរាយការណ៍ថា ការបាញ់ប្រហារនេះបានកើតឡើងនៅក្នុងទីតាំង London Pub ដែលជាបារខ្ទើយ និងក្លឹបរាត្រីដ៏ពេញនិយមនៅកណ្តាលទីក្រុង។
សូមជម្រាបថា ក្រោយពេលកើតហេតុ គេឃើញមានឧទ្ធម្ភាគចក្រ និងរថយន្តសង្គ្រោះបន្ទាន់ ក៏ដូចជារថយន្តប៉ូលិសមកពាសពេញទីក្រុងតែម្ដង៕
