ខេត្តពោធិ៍សាត់៖ នៅរសៀលថ្ងៃព្រហស្បតិ៍ ទី១៦ ខែតុលា ឆ្នាំ២០២៥ ស្នងការដ្ឋាននគរបាលខេត្តពោធិ៍សាត់ បានរៀបចំពិធី ប្រកាសផ្ទេរភារកិច្ច និងតែងតាំងមុខតំណែង មន្ត្រីនគរបាលជាតិ ក្រោមអធិបតីភាពឯកឧត្តម ឧត្តមសេនីយ៍ឯក តាន់ សំណាង អគ្គស្នងការរងនគរបាលជាតិ តំណាងឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ ព្រមទាំងមានការអញ្ជេីញចូលរួមពី លោកឧត្តមសេនីយ៍ទោ ភិធេយ្យ សុភរ័ត្ន នាយការិយាល័យបុគ្គលិក នៃអគ្គស្នងការដ្ឋាននគរបាលជាតិ លោកឧត្តមសេនីយ៍ទោ ស ថេង ស្នងការនគរបាលខេត្តពោធិ៍សាត់ និងក្រុមការងារប្រតិភូអមដំណើរ លោកស្នងការរង លោកនាយ នាយរងការិយាល័យ លោកអធិការ លោកនាយប៉ុស្តិ៍នគរបាលទាំង៤៩ឃុំ សង្កាត់ និងមន្ត្រីនគរបាល ដែលត្រូវប្រកាសផ្ទេរភារកិច្ច និងតែងតាំងមុខតំណែងសរុបចំនួន ៥៣រូប។ ឯកឧត្តម ឧត្តមសេនីយ៍ឯក តាន់ សំណាង បានណែនាំពីគោលនយោបាយ និងទិសដៅនៃការងាររបស់នគរបាល ដោយលើកឡើងថាការផ្ទេរនិងតែងតាំងមុខតំណែងនាពេលនេះ ជាសញ្ញាដែលបង្ហាញពីការយកចិត្តទុកដាក់ក្នុងការកសាងសមត្ថភាពរបស់កងកម្លាំងនគរបាល និងសមត្ថភាពក្នុងការ ការពារសន្តិសុខសាធារណៈ ដែលទទួលបានការអនុម័ត និងការគាំទ្រពីសំណាក់ថ្នាក់ដឹកនាំ នៃអគ្គស្នងការនគរបាលជាតិ។ ឯកឧត្តមបានបន្ថែមថា […]
