Author: bvt

ទីស្តីការក្រសួងមហាផ្ទៃ៖ នៅព្រឹកថ្ងៃចន្ទ ទី២៣ ខែកុម្ភៈ ឆ្នាំ២០២៦ នេះ ឯកឧត្តម ប៊ុន ហុន រដ្ឋលេខាធិការ ក្រសួងមហាផ្ទៃ បានអញ្ជេីញជាអធិបតី ដឹកនាំកិច្ចប្រជុំពិនិត្យ និងពិភាក្សាលើសំណើរបស់ក្រសួងការបរទេស និងសហប្រតិបត្តិការអន្តរជាតិ លើខ្លឹមសារនៃសេចក្តីព្រាងអនុស្សរណៈ នៃការយោគយល់រវាងក្រសួងមហាផ្ទៃ នៃព្រះរាជាណាចក្រកម្ពុជា និងក្រសួងមហាផ្ទៃ នៃសាធារណរដ្ឋប្រជាមានិតបង់ក្លាដែស ស្តីពី កិច្ចសហប្រតិបត្តិការប្រយុទ្ធប្រឆាំង អំពើជួញដូរមនុស្ស។ កិច្ចប្រជុំនេះដែរ ក៏មានការអញ្ជេីញចូលរួមពី ឯកឧត្តម អនុរដ្ឋលេខាធិការ លោកជំទាវ អគ្គលេខាធិការ នៃអគ្គលេខាធិការដ្ឋាន គ.ជ.ប.ជ. តំណាងក្រុមប្រឹក្សានីតិកម្ម តំណាងអគ្គស្នងការនគរបាលជាតិ អគ្គនាយករង តំណាងអគ្គនាយកដ្ឋានអន្តោប្រវេសន៍ ព្រមទាំង លោក លោកស្រី មន្ត្រីពាក់ព័ន្ធជាច្រេីនរូបទៀត។ ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

ខេត្ត​ព្រះវិហារ​៖​ នៅព្រឹកថ្ងៃទី២៣​ ខែកុម្ភៈ​​ ឆ្នាំ​២០២៦ ដោយ​អនុវត្តតាម​ការដឹកនាំ​បញ្ជា​ដ៏ខ្ពង់ខ្ពស់​ របស់ឯកឧត្តម​នាយឧត្ដមសេនីយ៍​ ស​ ថេត​ អគ្គស្នងការ​នគរបាលជាតិ​ ស្នងការដ្ឋាន​នគរបាល​ខេត្ត​ព្រះវិហារ​ បានរៀបចំកិច្ចប្រជុំ​បូកសរុប​លទ្ធផល​កិច្ច​ប្រតិបត្តិការប្រចាំ​ខែកុម្ភៈ​ ឆ្នាំ២០២៦​ និងលេីកទិសដៅការងារ​បន្ត​ ក្រោម​អធិបតីភាព​ លោក​ឧត្ដមសេនីយ៍​ទោ​ សួស​ សុខដារ៉ា​ ស្នងការ​នគរបាល​ខេត្ត​ព្រះវិហារ៕ ប្រភព៖ ស្នងការដ្ឋាន​នគរបាល​ខេត្តព្រះវិហារ

នៅព្រឹកថ្ងៃចន្ទទី២៣ ខែកុម្ភៈ ឆ្នាំ២០២៦ ឯកឧត្តម នាយឧត្តមសេនីយ៍ សាស្ត្រាចារ្យ ឯក មនោសែន ប្រធានបណ្ឌិត្យសភានគរបាលកម្ពុជា បានអញ្ជើញស្វាគមន៍និងពិភាក្សាការងារជាមួយ ឯកឧត្តមបណ្ឌិត ពេញ ឡាមុត ទីប្រឹក្សាក្រសួងមហាផ្ទៃ ដែលឯកឧត្តមបណ្ឌិត បានអញ្ជើញជាវាគ្មិន ដើម្បីចែករំលែកចំណេះដឹងនិងបទពិសោធតាមរយៈបទអន្តរាគមន៍មួយ ស្តីពី «ថាមពលកកើតឡើងវិញនិងថាមពលនុយក្លេអ៊ែ» ដល់ថ្នាក់ដឹកនាំ សាស្ត្រាចារ្យ និងគ្រូនគរបាលជាតិ ព្រមទាំងមន្ត្រីមួយចំនួននៃបណ្ឌិត្យសភានគរបាលកម្ពុជា។ ប្រភព៖ បណ្ឌិត្យសភានគរបាលកម្ពុជា

ទីស្ដីការក្រសួងមហាផ្ទៃ៖ នៅព្រឹកថ្ងៃចន្ទ ទី២៣ ខែកុម្ភៈ ឆ្នាំ២០២៦ ឯកឧត្តម សំរិទ្ធ ឌី និងឯកឧត្តម ហ៊ូ សាគុណ រដ្ឋលេខាធិការក្រសួងមហាផ្ទៃ បានអញ្ជើញជាសហប្រធានដឹកនាំកិច្ចប្រជុំរាយការណ៍អំពីវឌ្ឍនភាព និងលទ្ធផលការងារប្រចាំខែកុម្ភៈ និងលើកទិសដៅអនុវត្តខែមីនា ឆ្នាំ២០២៦ របស់នាយកដ្ឋានកណ្តាលនគរបាលព្រំដែន។ កិច្ចប្រជុំនេះដែរ ក៏មានការអញ្ជើញចូលរួមពី ឯកឧត្តម អនុរដ្ឋលេខាធិការ ឯកឧត្តម ឧត្តមសេនីយ៍ឯក សាស្រ្តាចារ្យប្រធានសេនាធិការ តំណាងប្រធាននាយកដ្ឋានកណ្តាលនគរបាលព្រំដែន តំណាងប្រធាននាយកដ្ឋាននគរបាលការពារព្រំដែនទឹក តំណាងប្រធាននាយកដ្ឋាននគរបាលការពារព្រំដែនគោក តំណាងប្រធាននាយកដ្ឋាននគរបាលបច្ចេកទេសព្រំដែន ប្រធានលេខាធិការដ្ឋាននាយកដ្ឋានកណ្តាលនគរបាលព្រំដែន ព្រមទាំងមន្រ្តីពាក់ព័ន្ធជាច្រើនរូបទៀតផងដែរ៕ ដោយ៖ អគ្គនាយកដ្ឋានបច្ចេកវិទ្យាឌីជីថល និងផ្សព្វផ្សាយអប់រំ

ភ្នំពេញ ៖ព្រឹកថ្ងៃទី២៣ ខែកុម្ភៈ ឆ្នាំ២០២៦ ឯកឧត្តម ឧត្តមអគ្គានុរក្សថ្នាក់លេខ១ ឈន សាណាត អគ្គនាយក នៃអគ្គនាយកដ្ឋានពន្ធនាគារ ក្រសួងមហាផ្ទៃ បានអញ្ជើញជាអធិបតីក្នុងកិច្ចប្រជុំស្តីពីការធ្វើបទបង្ហាញប្រព័ន្ធគ្រប់គ្រងទិន្នន័យជនជាប់ឃុំ នៅសាលប្រជុំ៤២០ នៃទីស្តីការក្រសួងមហាផ្ទៃ ដោយមានការចូលរួមពី ឯកឧត្តម អគ្គនាយករង ប្រធាននាយកដ្ឋានជំនាញទាំង៥ អនុប្រធាននាយកដ្ឋាន និងមន្រ្តីពាក់ព័ន្ធផងដែរ។ ប្រភព ៖ អគ្គនាយកដ្ឋានពន្ធនាគារ

ខេត្តបន្ទាយមានជ័យ៖ នៅថ្ងៃទី២៣ ខែកុម្ភៈ ឆ្នាំ២០២៦ ឯកឧត្ដម អ៊ុំ រាត្រី អភិបាល នៃគណៈអភិបាលខេត្តបន្ទាយមានជ័យ បានដឹកនាំកិច្ចប្រជុំ ដាក់ចេញផែនការត្រួតពិនិត្យជនបរទេសឆ្លងកាត់ខេត្តបន្ទាយមានជ័យ ដេីម្បីទប់ស្កាត់បទល្មេីសឆបោកតាមប្រព័ន្ធបច្ចេកវិទ្យា Online Scams ដោយមានការចូលរួមពីអភិបាលរង ស្នងការ ដ្ឋាននគរបាលខេត្ត បញ្ជាការដ្ឋានកងរាជអាវុធហត្ថ ខេត្ត អភិបាលក្រុង-ស្រុកពាក់ព័ន្ធ ដែលប្រារព្ធធ្វេីឡើងនៅសាលប្រជុំ ខ សាលាខេត្តបន្ទាយមានជ័យ។ ជាមួយគ្នានេះ ឯកឧត្តម អ៊ុំ រាត្រី បានដាក់បទបញ្ជាយ៉ាងម៉ឺងម៉ាត់ឱ្យគ្រប់គោលដៅត្រួតពិនិត្យ អនុវត្តការត្រួតពិនិត្យ ២៤ម៉ោងលើ២៤ម៉ោង ចំពោះជនបរទេសដែលឆ្លងកាត់ចូលមកក្នុងភូមិសាស្ត្រខេត្តបន្ទាយមានជ័យ។ សមត្ថកិច្ចត្រូវពិនិត្យឯកសារពាក់ព័ន្ធឱ្យបានត្រឹមត្រូវ និងហ្មត់ចត់ ក្នុងករណីជនបរទេសចូលមកបំពេញការងារ ត្រូវសួរព័ត៌មានលម្អិតអំពីទីតាំងការងារ និងត្រូវមានលិខិតធានាពីម្ចាស់ក្រុមហ៊ុន ឬសហគ្រាសពាក់ព័ន្ធ ដើម្បីធានាការគ្រប់គ្រង និងបង្ការកុំឱ្យមានការប្រព្រឹត្តបទល្មើសឆបោកតាមប្រព័ន្ធបច្ចេកវិទ្យា Online Scams។ សូមបញ្ជាក់ផងដែរថា ក្រោយពេលដែលប្រមុខរាជរដ្ឋាភិបាលកម្ពុជា សម្តេចមហាបវរធិបតី ហ៊ុន ម៉ាណែត នាយករដ្ឋមន្ត្រី នៃព្រះរាជាណាចក្រកម្ពុជា បាន ដាក់ចេញនូវផែនការយ៉ាងមុតស្រួច ក្នុងការបង្ក្រាបប្រយុទ្ធប្រឆាំងនឹងបទល្មើសឆបោកតាមប្រព័ន្ធអនឡាញទូទាំងប្រទេស ក្នុងនោះរដ្ឋបាលខេត្តបន្ទាយមានជ័យ បានធ្វើការបន្ថែមនៅទីតាំងត្រួតពិនិត្យគ្រប់ច្រកល្ហក និងពង្រឹងការត្រួតពិនិត្យជនបរទេសឆ្លងកាត់ចូលមកខេត្តបន្ទាយមានជ័យ៕ ប្រភព៖ […]

ខេត្តកែប៖ ដោយអនុវត្តតាមអនុសាសន៍ណែនាំដ៏ខ្ពង់ខ្ពស់ ពី ឯកឧត្តម នាយឧត្តមសេនីយ៍ ស ថេត អគ្គស្នងការនគរបាលជាតិ និងការចង្អុលណែនាំជាប្រចាំពី លោកឧត្តមសេនីយ៍ទោ សម្បត្តិ សុធារដ្ឋ ស្នងការ នៃស្នងការដ្ឋាននគរបាលខេត្តកែប នៅព្រឹកថ្ងៃទី២៣ ខែកុម្ភៈ ឆ្នាំ២០២៦ កម្លាំងប៉ុស្តិ៍នគរបាលរដ្ឋបាលកែប និងកម្លាំងប៉ុស្តិ៍នគរបាលរដ្ឋបាលពងទឹក រួមជាមួយអាជ្ញាធរ និងលោកនាយកសាលា បានចុះផ្សព្វផ្សាយគោលនយោបាយភូមិ ឃុំ សង្កាត់ មានសុវត្ថិភាព ចំនួន២លើក នៅអនុវិទ្យាល័យ ហ៊ុនសែន ក្រុងកែប និងសាលាបឋមសិក្សាពងទឹក ស្រុកដំណាក់ចង្អើរ ខេត្តកែប ដែលមានលោកគ្រូ អ្នកគ្រូ និងសិស្សានុសិស្សចំនួន៩៩៣នាក់ ស្រី៤៧៦នាក់ អញ្ជើញចូលរួម៕ ប្រភព​៖​ ស្នងការដ្ឋាន​នគរបាល​ខេត្ត​កែប​

ប៉ៃលិន៖ ព្រឹកថ្ងៃទី២១ ខែកុម្ភៈ ឆ្នាំ២០២៦ លោកជំទាវបណ្ឌិត បាន ស្រីមុំ អភិបាល នៃគណៈអភិបាលខេត្តប៉ៃលិន បានអញ្ជើញសំណេះសំណាលជាមួយថ្នាក់ដឹកនាំ មន្ត្រីរាជការនៃរដ្ឋបាលខេត្ត ដើម្បីពង្រឹងការអនុវត្តតួនាទីភារកិច្ច និងប្រសិទ្ធភាពការងារ ក្នុងការបម្រើជាតិ និងប្រជាជន ដែលពិធីនេះមានការចូលរួមពីសំណាក់ លោក-លោកស្រី អភិបាលរងខេត្ត នាយក-នាយករង រដ្ឋបាលខេត្តនាយក-នាយករងទីចាត់ការ ប្រធានអង្គភាពចំណុះសាលាខេត្ត មន្ត្រី និងមន្ត្រីជាប់កិច្ចសន្យាផងដែរ។ លោកជំទាវបណ្ឌិត បាន ស្រីមុំ បានមានប្រសាសន៍ថ្លែងនូវការកោតសរសើរ ចំពោះថ្នាក់ ដឹកនាំមន្ត្រីរាជការគ្រប់លំដាប់ថ្នាក់ នៃរដ្ឋបាលខេត្ត ដែលបានរួមសាមគ្គីសហការគ្នាបានល្អ តាមតួនាទីភារកិច្ចរៀងៗខ្លួនដើម្បីរួមចំណែកអភិវឌ្ឍន៍ខេត្តប៉ៃលិន ឱ្យទទួលបាននូវសមិទ្ធផលថ្មីៗជាច្រើន និងបានចូលរួមចំណែកយ៉ាងសកម្ម ក្នុងការអនុវត្តតាមអនុសាសន៍ និងគោលនយោបាយយុទ្ធសាស្ត្របញ្ចកោណដំណាក់ទី១របស់រាជរដ្ឋាភិបាលកម្ពុជា អាណត្តិទី៧ ដែលមានសម្តេចមហាបវរធិបតី ហ៊ុន ម៉ាណែត ជានាយករដ្ឋមន្ត្រី។ លោកជំទាវ បានមានប្រសាសន៍លើកឡើងថាដោយផ្អែកទៅតាមស្ថានភាពវិវឌ្ឍន៍នៃប្រទេសជាតិ ក្នុងដំណាក់កាលចុងក្រោយ មន្ត្រីរាជការត្រូវប្រែឥរិយាបទពីអ្នកគ្រប់គ្រង ទៅជាអ្នកបំរើសេវាសាធារណៈ ដូច្នេះមកដល់ វេលានេះ យើងជាមន្ត្រីរាជការ ដែលកំពុងបំពេញភារកិច្ច នៅក្នុងតួនាទីភារកិច្ច ត្រូវមានការយល់ដឹង និងដើរឱ្យស្របទៅតាម គោលនយោបាយនេះដើម្បីឆ្លើយតបទៅនឹងសេចក្ដីត្រូវការរបស់ប្រជាពលរដ្ឋឱ្យបានស្មើៗគ្នាដូចៗគ្នា និងកាន់តែល្អ […]

ឧត្ដរមានជ័យ៖ នាព្រឹកថ្ងៃសៅរ៍ ទី២១ ខែកុម្ភៈ ឆ្នាំ២០២៦ លោកឧត្ដមសេនីយ៍ទោ ខូវ លី ស្នងការ នៃស្នងការដ្ឋាននគរបាលខេត្ដឧត្ដរមានជ័យ អញ្ជើញជាអធិបតី ក្នុងពិធីសំណេះសំណាល លើកទឹកចិត្ដដល់មន្រ្ដីរាជការ កងកម្លាំងមានសម្ថកិច្ច អាជ្ញាធរមូលដ្ឋាន ឃុំ សង្កាត់ ភូមិ និងប្រជាការពារ ក្នុងភូមិសាស្រ្ដក្រុងសំរោង។ ក្នុងឱកាសនោះផងដែរ លោកឧត្ដមសេនីយ៍ទោ ខូវ លី ក៏បានមានមតិសួរសុខទុក្ខ សំណេះសំណាល និងលើកទឹកចិត្ដកោតសរសើរ ដល់មន្រ្ដីរាជការទាំងអស់ក្នុងមូលដ្ឋាន ជាពិសេសបងប្អូនប្រជាការពារភូមិគ្រប់រូប ដែលតែងតែយកចិត្ដទុកដាក់បំផុត បំរើសុខទុក្ខប្រជាពលរដ្ឋក្នុងមូលដ្ឋានក្រុងសំរោងទាំងថ្ងៃយប់បានយ៉ាងល្អ ទោះក្នុងកំឡុងពេលប្រទេសជាតិកំពុងជួបការឈ្លានពានយ៉ាងណាក្ដី។ លោកស្នងការ ក៏បានឧបត្ថមសំលៀកបំពាក់ដល់បងប្អូនប្រជាការពារភូមិក្នុងក្រុងសំរោង និងទឹកប្រាក់មួយចំនួនផងដែរ។ លោកស្នងការ ក៏បានក្រើនរំលឹកដល់មន្រ្ដីរាជការមូលដ្ឋាន កងកម្លាំងទាំងបី និងប្រជាការពារភូមិគ្រប់រូប ត្រូវយកចិត្ដទុកដាក់ និងចាប់ដៃគ្នាជាធ្លុងមួយ រួបរួមគ្នាកំចាត់អំពើរអបាយមុខផ្សេងក្នុងមូលដ្ឋាន ដើម្បីធ្វើឱ្យប្រជាពលរដ្ឋមានភាពកក់ក្ដៅ និងមានទំនុកចិត្ដលើរាជរដ្ឋាភិបាល។ ប្រភព៖ ស្នងការរដ្ឋាននគរបាលខេត្តឧត្តរមានជ័យ

ខេត្តបាត់ដំបង៖ សាខាកាកបាទក្រហមកម្ពុជាខេត្តបាត់ដំបង រៀបចំពិធីសំណេះសំណាល សួរសុខទុក្ខ និងផ្ដល់អំណោយដល់ស្ត្រីមានផ្ទៃពោះ និងស្ត្រីទើបសម្រាលកូនចំនួន៨០គ្រួសារ ក្នុងឱកាសទិវាជាតិសុខភាពមាតា ទារក និងកុមារ ២១ កុម្ភៈ ឆ្នាំ២០២៦ ក្រោមប្រធានបទ រួមគ្នាលើកកម្ពស់គុណភាព សុវត្ថិភាព ប្រសិទ្ធភាពនៃការថែទាំផ្ទៃពោះមុនសម្រាល រួមទាំងក្នុង បរិបទមានគ្រោះអាសន្ន ឬគ្រោះមហន្តរាយ ដើម្បីធានាថាទាំងម្តាយ និងទារកមានសុខភាពល្អ” ក្រោមអធិបតីភាព ឯកឧត្តម សុខ លូ អភិបាលនៃគណៈអភិបាលខេត្ត និងជាប្រធានក្រុមការងារឥស្សរជនឆ្នើមថ្នាក់ជាតិ នៃសាខាកាកបាទក្រហមកម្ពុជាខេត្តបាត់ដំបង។ ពិធីនេះបានប្រារព្ធធ្វើនៅព្រឹកថ្ងៃទី២១ ខែកុម្ភៈ ឆ្នាំ២០២៦ នាបរិវេណមណ្ឌលសុខភាពអន្លង់វិល ស្រុកសង្កែ ខេត្តបាត់ដំបង ដោយមានការអញ្ជើញចូលរួមពីគណៈកម្មាធិការសាខា សប្បុរសជន មន្ត្រីក្រុមប្រតិបត្តិសាខា អនុសាខា ក្រុមគ្រូពេទ្យ និងក្រុមយុវជនកាកបាទក្រហមកម្ពុជាជាច្រើនទៀត។ បន្ទាប់ពីអានសារលិខិតរបស់សម្ដេចកិត្ដិព្រឹទ្ធបណ្ឌិត ប៊ុន រ៉ានី ហ៊ុន សែន ប្រធានកាកបាទក្រហមកម្ពុជា និងជាឥស្សរជនឆ្នើមថ្នាក់ជាតិនៃផែនការសកម្មភាពរួមអគ្គលេខាធិការអង្គការសហប្រជាជាតិដើម្បីសុខភាពស្ត្រី និងកុមារ ក្នុងឱកាសទិវាជាតិសុខភាពមាតា ទារក និងកុមាររួចមក ឯកឧត្តម សុខ លូ បានផ្ដាំផ្ញើដល់ស្ត្រីមានផ្ទៃពោះ […]